تطبيقاتي الأخيرة للأستاذة أم أماني ربي يحفظها و يباركلها في ولادها

[سيرين 5]

لبارح درت عرضة و طيب فيها شربة تاع المرمز و درت معاها غراتان تاع الدجاج تاع أم أماني ربي يحفظها و جا هااااااااااااااااااااااااااااااااااايل بارك الله فيها
رابط الوصفة الأصلية:

1- أولا في كوكوطة نرابي بصلة + قطع الدجاج أنا استعملت الصدر فقط + م ك زيت + م ك مارغرين + ملح + فلف اسود + ثوم + حطيت شوييييا فقط سكنجبير + و شوياا قصبر يمد لون شباب للمرقة + وريقات رند + عرف زعيترة + عرف معدنوس و نقليو الكل على نار قليلة جيداااااا



2- بعدها نمرق بكاس ماء لأني استعملت كمية مليحة من الدجاج و نغلق الكوكوطة واحد ربع ساعة حتى 20 د تكفي ماشي كيما أنا خليتها نصف ساعة نشفتلي حتى زدتلها شويا ماء و رجعتها فوق النار لأنو هاذ الشويا من المرق و ضروري في الوصفة باش ما يجيش الغراتان ناشف



3- في مقلاة نقلي شومبينيون في شويا زبدة



4- نحط الدجاج و الشومبينيون و المرق في قالب أنا الدجاج فتتو



5- و نفرغ عليه كريمة الجبن و المكونة من نصف لتر حليب + 2 م ك مايزينة + 2 م ك فرينة نخلطهم مليح و نحطهم فوق النار حتى تعقد بعدها نحضيف قطعة جبن + م ك زبدة + 2 صفار بيض و نخلط الكل جيدا حتى تذوب



6- و نحطها في الفرن حتى تحمار و أنا زدت حطيتلها غريار رابي و قدميها بالصحة و الراحة والله حمرلي وجهي يعطيها الصحة أم أماني أستاذة و عليها الكلام



و هذا تطبيقي للخبز بالياوورت الطبيعي خفيف كي القطن انا طيبتو في سنيوة ما عملتوش قرصات
رابط الوصفة الأصلية: https://www.djelfa.info/vb/showthread.php?t=1573684



و هذي البسبوسة التركية تاع أم أماني صدقوني هااااايلة و خفيفة و ناجحة
ؤابط الوصفة الأصلية : https://www.djelfa.info/vb/showthread.php?t=1758402

[ام اسحاقو]

ما شاء الله تطبيقاتك رائعة اختي بصحتكم و وصفات ام اماني لا يعلى عليها ربي يجازيها خير عن كل ما تقدمه هي وكل العضوات

[رحمة2016]

مممممممممممممممممم جاو روعة و الرييييييييحة وصلتني لهنا

بصحتك حبوبة

[أم محمد تاج]

تطبيقات روووووعة الله يعطيك الصحة والشكر موصول للغالية ام اماني

[ملاك ملاكي]

تسلم الايادي الله يباااارك تطبيقات روعة ونااااجخة بالفعل يعطيك الصحة
هنيييييئا لك ولكل العايلة
شكرا

[رحمةز]

يعطيك الصحة كلش هاايل رب يبارك

[houhousousou81]

momkan habibati diri rabat tae basboussa wa khobz rabi yajazik wa yjaziha tatbik najah rawaaaaaaaaaaaaaaaaaaaaaaaaaaaa, wa 444444444444444444444444444444

[القناعة كنز]

كلش خرجلك تحفة بصحتكم

[manita]

يعطيك الصحة اختي نسقسيك هدوك الى درتي فيهم البسبوسة طيبتيهم فيها بعد ما يسرالهم والو

[zahrafleur]

444444444444يعطيك الصحة

[أم لُجَيْن]

الله يبارك فذوك اليدين يعطيك الصحة يالفحلة كل شي رووووعة

[سيرين 5]

المشاركة الأصلية كتبت بواسطة manita

يعطيك الصحة اختي نسقسيك هدوك الى درتي فيهم البسبوسة طيبتيهم فيها بعد ما يسرالهم والو

سلام مانيتا ،
أيه طيبت فيهم عادي و قدمت فيهم ما يصرالهم والو كانو عندي قوالب تاع الطمينة، البسبوسة جات بزاف خفيفة و بنينة واش نقولك

[سيرين 5]

المشاركة الأصلية كتبت بواسطة ام اسحاقو

ما شاء الله تطبيقاتك رائعة اختي بصحتكم و وصفات ام اماني لا يعلى عليها ربي يجازيها خير عن كل ما تقدمه هي وكل العضوات

الله يسلمك أختي شكرا بارك الله فيك

[سيرين 5]

المشاركة الأصلية كتبت بواسطة رحمة2016

مممممممممممممممممم جاو روعة و الرييييييييحة وصلتني لهنا

بصحتك حبوبة

الله يسلمك ههههههههه

[سيرين 5]

المشاركة الأصلية كتبت بواسطة أم محمد تاج

تطبيقات روووووعة الله يعطيك الصحة والشكر موصول للغالية ام اماني

الله يسلمك أم محمد تاج بارك الله فيك