كسرة شحم سخونة.......بسرعة قبل ما تبرد.........اممممم - الصفحة 2

أم حمزة السلفية · 2017-09-13, 08:40

السلم عليكم أخواتي اليوم جبتلكم طبق تقليدي من تراثنا الجزائري كنت حابة نحطو من زمان ونسيت فكرتني فيه صديقتي العزيزة توبة رب يحفظها نبداو على بركة الله
العجين فرينة+سميد+ملح+ماء لمي العجينة وادهنيها بالزيت وخليه تريح في هذه الأثناء حضري الحشوة تاعك
الحشو في كوكوت حطي بصل مرابي+طماطم مرابية+فلفل حلو مقطع رقيق+فلفل حار أو هريسة+ربطة كاملة حشاوش (قصبر)+راس ثوم مدقوق+زيتون أخضر مقطع رقيق+ملعقة طماطم مصبرة+شحم مرابي+شوية ملح ونغلق الكوكوت 10دقايق فقط رايحين يطيبو بسرعة لأنهم مرابيين-بعد ما تطيب الحشوة خليه تبرد وشكل كرات العجين
افردي العجينة عمريها بالحشو واغلقي مليح بالشوكة واطيبيها في طاجين الطين وقدميها مع لبن ولاحليب هاذ الطبق عملتو أختي الصغيرة ربي يحفظها

ادعولنا و شهية طيبة للجميع