دورة " ربات بيوت واثقااااااات"

[ام شمسو محمد]

مساكم الله بالخير اروء و كلثوم و ام البراء ...بخصوص الحذاء الطبي انا عادة نلبس تاع المتاجر ...لفتي نظري اروى المرة الجاية باذن الله نشوف في الصيدليات ...

ام البراء ...باش تداومي كملي على الروتينات شهر برك ...صعب تنسايهم مبعد ....توكلي على الله ..

كلثوم اهم شيء للتنظيم هو التخطيط ...لكن انتبهي ...تكثري على روحك الشغل ماتقدريش داومي ...ادومه و ان قل ...الرغبة في عمل الكثير او الطموح للمثالية معيق تماما كيما عدم الرغبة في العمل ...

اروى اسعدني الصباح كي قلتي بلي ابهرتي ضيوفك ...و هو المطلوب ...بالنسبة ليا نكره الماكياج ...نعتبرو نوع من الخداع ..احساسي بيه و كانو حاجة تخنقني في وجهي و لكن حقيقة الحال كي نديرو نثير انطباع اخر عند الاخرين ...تسمعي هذيك الملاحظات اللي نحبوها ...راكي هايلة ...تباني مليحة ...كاش جديد ....مظهرك يصنع علاقاتك و نظرة الناس ليك شئنا ام ابينا

اسال الله التوفيق لجميع الفراشات

[أم البراء 2017]

اهلا بيك ام اروى
ايه حتى انا قلتلها الاحذية الطبية انا عندي صابو هايل ومريح

[رندة.]

كيفاش دايرين هاذو الأحذية الطبية الي
راكم تحكو عليهم؟؟؟

ديجا راكم درتولهم اشهار ذرك قع الفراشات يتوجهو للصيدليات بحثا عن هذه الأحذية الطبية المرييييييحة

[رندة.]

ماتنساوش اذكار المساء

[ام شمسو محمد]

رندا الاحذية الطبية المتوفرةفي الاسواق Chaussures orthopédique médicale كيما هاذو ...اذا مانيش غالطة ...انا عندي خوهم ..ههههه

[رندة.]

جهينة بالنسبة لانشغالك بخصوص صلاة الضحى
انا تعلمت من الدورة الي فاتت اني نضبط المنبه على ال10 يبقى يرن مانطفيهش حتاااان نصلي. والحمد لله حمدا كثيرا ذرك أصبح عندي تنبيه بيولوجي على قول الغالية ام شمسو، بمجرد ما تلحق العشرة تاع الصباح نكون توضيت وصليت الضحى
ان شاء الله نكون أفدتك

[رندة.]

يعطيك الصحة يا ام شمسو على الإجابة
راكم حمستوني نروح نشري واحد ان شاء الله

[ابني نور عيني]

مساء النووور فراشاتي الغاليات ...توحشتكم كنت عند الميمة والوالد و راني رجعت ليكم و كلكم نشاط وحيوية ماشاء الله عليكم...بداية اسبوع موفقة للجمييع...

[arwa alaa]

ام براء كتبنى الرد على ام شمسو في نفس الوقت على بيها قلنا نفس الكلام
ام شمسو انا عندي في الابيض والله مريح وحسيت الفرق

[جهينة اليقين]

[color="magenta"]ايه واش هذا الاحذية الي راكو تهدرو عليها وا نا كيم تقول عجوزتي الله يرحمها حاشاكم الكلاب راهي تنهش فيا من رجليا شحال يديرو يا اروى
ا

[أم البراء 2017]

ربي يعافيك جهينة
تاعي شريتو بمية وخمسين عجبني مليح

[arwa alaa]

اهلا فراشات
جهينة عند الصيدلية يديرو 3000دينار تروحي تخيري المودال والقيس والغدوة تهزيه لانو يخدمو بالكوموند والصباط ب4500دينار
والبرى عند الحانوت 1500دينار بصح كي تلبسيهم في زوج تحسي الفرق

[arwa alaa]

فراشات النوع الثاني في الصورة خير يحكم وقت اطول النوع الاول السكراش فيساع يفسد ومن تحت تبقى جديدة وتروح خسارة

[جهينة اليقين]

شكرا لك نشوف اذا كاين عندنا نشري صباط

[رندة.]

أصبحنا وأصبح الملك لله والحمد لله ولا اله الا الله والله اكبر ولا حول ولا قوة إلا بالله
اللهم أعنا على ذكرك وشكرك وحسن عبادتك
حسبي الله لا اله الا هو عليه توكلت وهو رب العرش العظيم

صباح الخير عليكم، ان شاء الله تكونو بخير كامل
نتمنالكم يوم موفق وسعيد