حلى الطبقات بالكريم كراميل و القشطة top

عازفة الناي · 2014-12-07, 20:11

بسم الله الرحمن الرحيم

اهلا حبايبي طلبتوا مني الوصفة تاع الحلى هذا و انا مانقدرش نرفض لكم طلب
الحلى عبارة على 3 طبقات

نبداو على بركة الله تعالى
الطبقة الاولى : الكيك
3 حبات بيض
1 كوب و 1/4 سكر.
1/2 كوب زبدة بدرجة حرارة الغرفة
2 كوب فرينة ناقصين 2 ملاعق.
2كبار ملاعق كاكاو.
كيس خميرة كيميائية.
1/2 كوب حليب.
برش ليمون ، ملح
الطريقة:
*نغربل الفرينة و الكاكاو و الخميرة و الملح جيدا
*نضرب الزبدة جيدا مع السكر وبعدها نضيف البيض واحدة تلو الاخرى ونضرب جيدامن بعد نخلط الفرينة و الحليب بالدفعات يعني مرة نصب شوي حليب و مرة كمية الفرينة حتى نتحصل على خليط كما في الصورة .
* نصب الخليط في قالب نكونوا غلفناه بورق زبدة

هذا الخليط اللي نتحصل عليه

وندخلها للفرن حتى تنضج نتركها تبرد

ممكن تسقيها بشوي معجون مخفف بالماء
ونروح للطبقة الثانية
2 كوب ماء
4 ملاعق كبار حليب غبرة
باكي كريم كراميل.
كوب بسكويت شاي مرحي
علبة قشطة
هاي ليكم

التحضير:
* نحط الماء و الحليب و الكريم كراميل في طاوة ونخلط بارد في بارد

* نحطها على النار حتى تغلي .
* نحط القشطة وخليط الحليب في كاس الخلاط ونخلط الكل جيدا ونصب الكل فوق البسكويت المرحي ونخلط
* نصب الخليط المتحصل عليه فوق الطبقة الاولى تاع الكيك

نتركها تبرد
نروح للطبقة الثالثة :
2 كوب ماء.
علبة كريم كراميل.
4 ملاعق حليب غبرة.
ملعقة كاكاو.
ملعقة صغيرة نيسكافيه.
التحضير:
نضع الكل في طاوة ونخلط مليح

نحطها تغلي من يعد نصبها فوق الطبقة الثانية اللي تكون بردة .

نترك الكل يبرد جيدا من بعدها نقطعها ونستمتع بالطعم

نتمنى من الله تعالى ان الشرح مفهوم والصور واضحة
انتظر ردودكم المشجعة
و تطبيقاتكم الرائعة
تحياتي للجميع

Omrihem · 2014-12-07, 20:19

روعة روعة عازفة الناي تبارك الله تهبل سلمت يداك

عازفة الناي · 2014-12-07, 20:20

تسلمي حبيبتي

malek firdaouss · 2014-12-07, 20:21

اممممممممممممممم انا الاولى ناكلها قاااااااااااع
يعطيك صحة
بصح معنديش حليب غبرة معليهش ندير سائل
و القشطة منقدروش نبدلو ب حاجا اخرى

ريتاج تيارتية · 2014-12-07, 20:21

اممممممممممممممممممم تحفة يعطيك الصحة حبيبتي وبارك الله فيك
نسقسيك بالنسبة للزبدة قلتي كوب اسكو نذوبوها ونعبرو كوب ونخلوها حتى تجمد ولا نعمروو كوب وهي طرية هاك فهمتيني وياريت المول اللي طرتي في شحا الطول نتاعو

ام ايمان 11 · 2014-12-07, 20:22

ما شاء الله يعطيك الصحة اختي و تسلم الايادي

عازفة الناي · 2014-12-07, 20:26

اقتباس:

المشاركة الأصلية كتبت بواسطة malek firdaouss

اممممممممممممممم انا الاولى ناكلها قاااااااااااع

يعطيك صحة
بصح معنديش حليب غبرة معليهش ندير سائل
و القشطة منقدروش نبدلو ب حاجا اخرى

تاكلي بصحتك عزيزتي
تقدري تستعملي الحليب السائل
لكن القشطة لازمة

ام محمد78 · 2014-12-07, 20:27

امممممممم يعطيك الف صحة

زينب 83 · 2014-12-07, 20:29

يعطيك الصحة وراني قيمتك لأنك تستحقي التقييم

قمر 77 · 2014-12-07, 20:29

رووووووووووووووووعة و فكرة جديدة انتظري تطبيقي نشالله

rofia.sarah · 2014-12-07, 20:29

4444444444 يعطيك الصحة

عازفة الناي · 2014-12-07, 20:33

اقتباس:

المشاركة الأصلية كتبت بواسطة ريتاج تيارتية

اممممممممممممممممممم تحفة يعطيك الصحة حبيبتي وبارك الله فيك
نسقسيك بالنسبة للزبدة قلتي كوب اسكو نذوبوها ونعبرو كوب ونخلوها حتى تجمد ولا نعمروو كوب وهي طرية هاك فهمتيني وياريت المول اللي طرتي في شحا الطول نتاعو

الله يعيشك حبيبتي
اما عن الزبدة راهي نص كوب خرجيها من الثلاجة و عبري عادي وخليها حتى تسخن شوي بدرجة حرارة الغرفة
اما المول 36سم * 25سم

عروبة وطن · 2014-12-07, 20:35

ما شاء الله يعطيك الصحة اختي و تسلم الايادي

أم ريمة* · 2014-12-07, 20:35

ممممممممممممممممممم باينة بنينة وشهية بارك الله فيك

ريتاج تيارتية · 2014-12-07, 20:35

اقتباس:

المشاركة الأصلية كتبت بواسطة عازفة الناي

الله يعيشك حبيبتي
اما عن الزبدة راهي نص كوب خرجيها من الثلاجة و عبري عادي وخليها حتى تسخن شوي بدرجة حرارة الغرفة
اما المول 36سم * 25سم

واه غلطت نص كوب هههههه
شكراااا حبيبتي بارك الله فيك