مساااااااااعدة لعمل فراش سرير من السموك

[imen algérienne]

مساء الخييييير عليكم البنااااااااااااات,,,,انا جديدة في هدا المنتدى وبصراااحة استفدت منو بزااااااااااااف وااااااالف شكر للغاليات اللي فادوني طبقت حوايج بزاف منو وكاامل ناجحين اسمحولي محطيت حتى تطبيق لاني مبتدئة ومزالني منعرفش كيفاه نحط الصور

على كل حال منطولش عليكم حبيت نخدم فراش تاع السرير من السموك مرات نقول نخدم بغرزة الياسمينة ومرات نقول غرزة الضفيرة اعطوني رايكم وينا الاجمل؟؟؟؟ و طول القماش اللي نستعملو 4م او 3,5 م ؟؟؟؟ (والعرض راني فهمت نخدم ب 3م)
وقداه نخلي في الحافة باه نرسم الباترون


نتمنى تجاوبوني ومتخيبوليش ظني ,,,,هدا اول طلب ليا في هدا المنتدى مترودونيـــــش الله يستركم

[حورية38]

غرزة السموك تاخد الضعف يعني 8 متر وتقسميها على 2 وتخيطيها مع بعض تولي عندك طول 4 متر وعرض 3متر خاطر الساتان عرض تاعو 1.5 متر
ترسمي المربعات احسن شيء 3 سم وتخلي قيس الخياطة من الاطراف حوالي 4سم
والغرزة احسن شيء باش تبقى وما تفسدش بالوقت //يعني تبقى واقفة//غرزة البلاطة او الياسمينة المقلوبة خصوصا ادا راح تخبيه لتروسو وبالتوفيق كاشما تحتاجي راني في الخدمة

[imen algérienne]

غرزة الياسمينة المقلوبة قصدك اللي يترسم الباترون من داخل وتتعمر بالبونج هكا ؟؟؟؟ قلتيلي 8 م تكفي مناه راحا ندير الفراش كامل سموك منزيدش قماش في النص ؟؟؟ وشكراااااااا ختي على مرورك ومساعدتك ربي يحفظك ويسترك

[حورية38]

هديك هي بالدات و8 متر انت كي تشريها قصيها في النصف توليلك 2 قطع 4متر/4متر خيطيهم مع بعض وتكفيك للسرير كامل والمخاد حسب ما تخدمي مدورين ولا مربعين

[crono]

سلام عليكم دخلت باش نعونك لقيت أخت حورية38 قمات بالواجب

[imen algérienne]

شكرااااااااااااا الاخت حورية حبوووووووووووبة ربي يحفظك ويعطيك ماتتمناي ,,,,, والاخت crono مرســــــــــــــــي وربي يخليك نتي تاني راكم قايمين بالواجب واكثـــــــــر ألف شكر ليكم

لكــــــم منـــي أجمـــــل تحيــــة