أختي في الله لا تتزوجي لهذا السبب

[جالب الخيرات]

المشاركة الأصلية كتبت بواسطة دكتورة حبيبة

السلام عليكم راني نهدر عن تجربة باش طفلة تتخلى على احلامها في الحياة والنجاح بعد مشوار دراسي طويل ويعيي حاجة صعيبة و الهدرة ساهلة و التنازلات أنا مديت أمثلة القائمة طويلة و الأمر أنها بعد زواج متتهناش تولي كلي مسافر في سفينة في وسط البحر و الناس لي رايح معاهم مكاش كيفاش يكمل السفر معاهم يولي لاهو حاب يكمل لا هو قادر يهبط

راكي تقولي عن تجربة .................................................. .........واش من تجربة....................................هل قاسيت هل ضربت هل حقرت هل تزوجت و لم ينجح الزواج؟...............................كل هذه الأسئلة تتبادر في الذهن إذا ما قلت عن تجربة........................................المهم ليس الحال كما يتمنى و لكن نسأل الله التوفيق و عليه نتوكل................................خواتاتي المهم المرأة تبني دارها و تسيي سعدها .........................و الباقي على ربي............................و ما نظنش أنو المتزوجات كاملين راهم يخموا في كلمة بايرة و الله عانس........................................المهم المكتوب يغلب كلش..............................................ش كرا أختي على هذا الموضوع ..........................و ربي يسعدك............................

[دكتورة حبيبة]

المشاركة الأصلية كتبت بواسطة جالب الخيرات

راكي تقولي عن تجربة .................................................. .........واش من تجربة....................................هل قاسيت هل ضربت هل حقرت هل تزوجت و لم ينجح الزواج؟...............................كل هذه الأسئلة تتبادر في الذهن إذا ما قلت عن تجربة........................................المهم ليس الحال كما يتمنى و لكن نسأل الله التوفيق و عليه نتوكل................................خواتاتي المهم المرأة تبني دارها و تسيي سعدها .........................و الباقي على ربي............................و ما نظنش أنو المتزوجات كاملين راهم يخموا في كلمة بايرة و الله عانس........................................المهم المكتوب يغلب كلش..............................................ش كرا أختي على هذا الموضوع ..........................و ربي يسعدك............................

سلام تقدر تقول كل الكلام لي قلتو صرالي إلا أني مزالت متزوجة و مهدمتش داري نظربت وتهنت و تحقرت و تسبيت وتعايرت وطلقت ورجعت لداري و راني صابرة و محتسبة هذا الموضوع فتحت للعبرة مشي باش نحرش لبنات ميتزوجوش حاش لله

[دكتورة حبيبة]

لبنات حتى لوكان تكبرو مترموش رواحكم قبل متعرفو مليح وين رايحين وكيفاش راح تعيشو و هذو الناس لي رايحين عندهم كيفاش دايرين ياك يقولو الخطاب رطاب أتحراو مليح على شريك حياتكم سقسيو الجال و النسا والذراري صغار على الدار لي رايحين ليها باش متندموش

[دكتورة حبيبة]

المشاركة الأصلية كتبت بواسطة فاطمة شلف

السلام عليكم ورحمة الله وبركاته
اختي الدكتورة واش حبيتي نقلك 28 سنة زواج الفت فها قصائد وخواطر
اكثر من الكتاب عذاب والم خداع ونفاق
سال المجرب وماتسال طبيب
والالاف اكثر منا
الله يوفق الجميع الى مافيه الخير والرشاد
مشكورة

الله يبارك ياختي 28 راكي قريب تخرجي روترات راه نصحك عصو معانا فالمنتدى باش تطلبي الطلاق واش رايك

[دكتورة حبيبة]

المشاركة الأصلية كتبت بواسطة kacimo.samy

الحل سهل اطلبي طلاق ؟؟

ربي اجازوو
انتم خيرتو زوج ؟؟ وقبلتو بيه

حتى رجال كاين لي يدخل لدار في ليل و يخرج صباح للخدمة في ليل
غير باه ما يسمعش تنقنيق تاعها
حسب كلامكم انتم من الجنة

راني حاير كيفاه تحكو في رجالكم ؟؟
حنا رجال جامي نحكو في نسانا ( لست متزوج بصح ما نهدروش)
ربي يصلح امركم وامرنا

اختاري رجل او عيشي عزباء

نجاوبك بجملة مفيدة يارجال متمثلوش على لبنات باش يقبلو الزواج خاطر كي ينصدمو بالحقيقة راح ينقنقو

[kacimo.samy]

المشاركة الأصلية كتبت بواسطة دكتورة حبيبة

نجاوبك بجملة مفيدة يارجال متمثلوش على لبنات باش يقبلو الزواج خاطر كي ينصدمو بالحقيقة راح ينقنقو

اول حاجة

ذاك ذكر وليس رجل

و حسب الدرسات المرا تحب الكذب

[سَامِيَة]

ربي يعوضك خير ختي يبدو أن التجربة التي مررت بها كانت جد قاسية ربي يعوضك خير...المرأة في كل الأحوال تجد صعوبة في التأقلم مع نمط حياة زوجها فما بالك إن كان الجو العائلي معقد والنفسيات قاسية ربي يكون معاك تهلاي في روحك مليح وخذي حذرك...لا أعلم إن كان زوجك يستحق كل هذا الصبر والتحمل؟!دعي ربي وفرغي زعافك على سجادة الصلاة...أدعي ربي ماراحش يخيبك.

شكرا على النصيحة الأخيرة احسستها في قمة الصدق ومن قلب محب منكسر.

بارك الله فيك

[دكتورة حبيبة]

المشاركة الأصلية كتبت بواسطة فتاة عادية

ربي يعوضك خير ختي يبدو أن التجربة التي مررت بها كانت جد قاسية ربي يعوضك خير...المرأة في كل الأحوال تجد صعوبة في التأقلم مع نمط حياة زوجها فما بالك إن كان الجو العائلي معقد والنفسيات قاسية ربي يكون معاك تهلاي في روحك مليح وخذي حذرك...لا أعلم إن كان زوجك يستحق كل هذا الصبر والتحمل؟!دعي ربي وفرغي زعافك على سجادة الصلاة...أدعي ربي ماراحش يخيبك.

شكرا على النصيحة الأخيرة احسستها في قمة الصدق ومن قلب محب منكسر.

بارك الله فيك

أمين يا ختي والللله راني ننصح فالبنات من قلبي سقسو مليح على الخطابين متتزوجوش بلا متسقسيو تحت أي ضرف ابعتو رجال يسقسو على الرجال و النسا على النسا متكتفيوش بالشكل الخارجي أنا دارنا نهار سقساو على لفامي تع راجلي قالوله جيرانهم الرجال تاعهم نعم الناس بصح النسا تاعهم مكاش لي يعرفهم من بعد كي تزوجت صارحوني نسا خات راجلي بلي عجوزتي خطبتلو من شحال دار جيرانهم محبوش يمدولها و خطبتلو بنت ختها و محبتش خطرش العجوزة واعرة والله يا ختي نهار جات خطبتني قريب قعدتني في حجرها من الضرافة تاعها و الهدرة الرزينة وهي ربي عالم جات دات مالعاصيمة لخاطرش مكاش لي يعرفها ويعرف أخبارها مخبيش عليك أنا والله فالول توسوست منها خاطر راجلي صغير علي وهيكانت نورمال قابل و فرحان بصح من بعد شبعتني معايرة بهذه الحاجة كل ماتشوفني تقولي الملرا الكبيرة على الراجل مشي مليح ولوكان معجبتكش العيشة عندي كنت تتزجي ففي بلادك ولوكان مداكش ويلدي تبوري راني رافد الهبال ياختي أدعيلي ....

[دكتورة حبيبة]

المشاركة الأصلية كتبت بواسطة kacimo.samy

اول حاجة

ذاك ذكر وليس رجل

و حسب الدرسات المرا تحب الكذب

مفهمتكش المرا تكذب ولا تحب لي يكذب عليها ولا ديرهم بين زوج .....ديجا واش بيك علي ياخو كنت متعاطف معايا و من بعد بديت تهاجم

[فاطمة شلف]

السلام عليكم ورحمة الله وبركاته
اخي الله يهديك
سهل الانسان يطلب الطلاق لكن صعب جدا باه يسمح في خمسة اولاد وين غادي تبات
ثانيا نخسر الف زوج ومانخسر ش واحد من اولادي
مايحس بالجمرة غير لكواتوا او لي عافس عليها
ولي بعيد على الزازة يدير رحو صلاب
ضحيت تعذبت تالمت نضربت تعريت تحفيت جوعت نخدعت تنازلت على كل حقوق
واش راي في ذلك بعدما كنت عاملة تخليت عن العمل من اجل ارضاء زوجي وباش نكبر اولادي ونوصلهم ويولي رجل رجل والمراة مراة
ولي فات عليا محال يفوت على اولادي
انا مانيش من الجنة كما قلت انا مراة عادية محافظة تحب الخير للجميع
بارك الله فيك على التدخل
اللهم اني اسالك العفو والعافية والثبات في الدين

[دكتورة حبيبة]

المشاركة الأصلية كتبت بواسطة فاطمة شلف

السلام عليكم ورحمة الله وبركاته
اخي الله يهديك
سهل الانسان يطلب الطلاق لكن مولاة خمسة اولاد وين تبات
ثانيا نخسر الف زوج ومانخسر ش واحد من اولادي
مايحس بالجمرة غير لكواتوا او لي عافس عليها
ولي بعيد على الزازة يدير رحو صلاب
ضحيت تعذبت تالمت نضربت تعريت تحفيت جوعت نخدعت واش راي في ذلك بعدما كنت عاملة تخليت عن العمل بسبب ارضاء زوجي ما الخ باش نكبر اولادي ونوصلهم ويولي رجل رجل والمراة مراة
ولي فات عليا محال يفوت على اولادي
انا مانيش من الجنة كما قلت انا مراة عادية محافظة تحب الخير للجميع
بارك الله فيك على التدخل
اللهم اني اسالك العفو والعافية والثبات في الدين

كلامك دوا الطلاق مشي ساهل تقبلي ترفدي لهبال وبنتك ووليدك ميخصهم والو ربي يعوضك في ولادك خير ياختي بنت الشلف الزينة نشالله متزيديش تنغبني كامل في حياتك

[دكتورة حبيبة]

فظلا ليس أمرا
أخوتي و أخواتي في الله لي حب يعرف أكثر عن قصتي يتفظل يقرا موضوعي في نفس القسم بعنوان لو كان حلالل فعلته

[فاطمة شلف]

السلام عليكم
اللهم امين
شكرا لك اختي الدكتورة
حطيتي كلامك على الجرح يبرى
اولاد ي هم حياتي هم سعادتي وكل شئ في الوجود
اتمنى السعادة لكل المسلمين والمسلمات
حاليا الحمد لله

[ام جبير]

المشاركة الأصلية كتبت بواسطة دكتورة حبيبة

نصيحتي لكل بنت شارفت على 30 سنة ولم تتزوج لا تتزوجي فقط لكي لا يقال عنكي بايرة رحمت ربي واسعة فكري ثم فكري وزيدي فكري متقدميش تنازلات تندمي عليها من بعد تولي كيما الاعب لي مارك بيت في الدقيقة 90 و من بعد أعتزل

عن تجربة كلامك صحيح و ما يحس بالجمرة الا لي كواتو لكن القضية لا تعمم ،لذلك المرأة تأخذ حذرها و تأخذ إجازة بدون راتب حتى تشوف الوضع الا تهنات و كان زوجها مكفيها و قدرت تقعد في الدار الله مابارك الا ماصابتش روحها تتفاهم معاه باه ترجع تخدم و هو اكيد الا مثقف و يحترم زوجته راح يقبل و الا لا ثما القرار يرجع ليها ، انا معاك البعد عن الاهل مع الانقطاع عن العمل و فراق الاحباب ضغط كبير على المراة و في النهاية على حسب شخصيتها و قدرتها على التحمل فهي انسانة في الاول و الاخير
مجرد رأي

[بالقران نرتقي]

اختي ادا كنت انت عانيت فهدا لا يعني انها تعمم انا مثللك من الجزائر العاصمة ومتزوجة في ميلة بصح اني والفتهم صح كاين مشاكل والعادات ماشي كيفكيف بصح عادي لانه ماكانش اللي مافوتش المشاكل قادرة مام لوكان زوجتي في العاصمة ويصرالك ما اكثر لانو كل وحدة ومكتوبها بصح يقعد الزوج هو حياتي وكلش على جالو يهون