الجزء 187 من كوزينة حراير الجلفة ونكملوا المشوار ونتمنى تفاعل كل الاحرار 💜💜 - الصفحة 100

ام هدول · 2018-03-19, 20:09

مسا الخير لبنات......
غديا كان لوبيا بزيت الزيتون
ولعشا بقاتلي منها زت رافقتها بكسره فاغسي.
مانزيدش نسميها كسره الشحمه
url=https://up./][/url]الصور من ارشيفي

بيان 5 · 2018-03-19, 20:18

ام هدول بصحتكم اللوبي والكسرة
هذا فطوري اختي سعيدة الله يسلمك حنونة

ام هدول · 2018-03-19, 20:20

حيوته....شكرا ..شكرا..على استضافتك لينا وفتحك للكوزينه وللفلبك لكبير....ربي يبارك فيمويرفع عنك الضر ويبارك في وليداتك ويخليلك زوجك تاج فوق راسك
خساره دىت كيمه الدانات.ونتي درتي قاطو الدانات...شكراعلى كل الوصفات لي. نفعتينا بيهم كنت كريمه .معنا ....
ماننساش كل من نرت منهنا زضعت طبق واو كلمات....شكرا مره أخرى
تحياتي....

ام هدول · 2018-03-19, 20:22

اقتباس:

المشاركة الأصلية كتبت بواسطة بيان 5

ام هدول بصحتكم اللوبي والكسرة
هذا فطوري اختي سعيدة الله يسلمك حنونة

صحة...فطورك ربي يبارك.

طيور الجنان · 2018-03-19, 20:49

ام هدول بصحتكم اللوبيا و كسرة الشحمة او كسرة فاغسي مايكون لاخاطرك مطرح مايسري يمري.
بيان صح فطورك راهو يشهي ربي يكثر الخير.

بيان 5 · 2018-03-19, 20:56

الله يسلمكم حليباتي
سعيدة قوليلي رايحة تفتحي كوزينة جديدة؟

أم رقية نسرين · 2018-03-19, 21:41

حيوتة كوزينتك كانت هايلة و معمرة بالخيرات الله يبارك و كانت قد قلبك الكبير و سامحيني على تقصيري بصح والله عالم راكم هنا بكل خواتاتي ربي يدوم المحبة و الصحة و مزيد من التقدم و التألق يا رب

أم رقية نسرين · 2018-03-19, 21:43

ربي يعيشك سعيدة ختي
بيان صيامك في الجنة ربي يتقبل و فطورك يسخف الله يبارك بصحتك
ام هدول بصحتك غداك و عشاك
ام فاطمة الحنينة واش راكي

طيور الجنان · 2018-03-19, 22:48

بيان اختي ان شاء الله اذا حبيتو و بعد اذن حيوتة الكوزينة الجاية نفتحها انا اذا كتب ربي ان شاء الله و ماذا بيا تكونو معايا لاني وحدي اكييييد مانقدرش.

أم فاطمه · 2018-03-19, 22:48

السلام عليكم لبنات شاركت معاكم احلى ايام فالكوزينة وبي فضل ربي وهدا المنتدي والكوزينة تعرفت عليكم يااحلى اخوات وكنت نحس كانني فعلا مع اخواتي نحكي معاكم بكل عفوية ومحبة وصدق وتقدير واحبكم بدون تمييز وحدة على وحدة تهلاو في رواحكم واسركم وفي الكوزينة وواقول لحياة نشكرك على حسن الضيافة وصبرك معان ومساعدتنا بالوصفات هههههههههه الله يحفضك ويحفضلك كل غالي. عندك وهاده اخر كزينة نشارك فيها لانني تعبت وحبيت نرتاح ونتفرغ لاعمالي واسرتي
لاكن منتخلاش على المنتدى خطرة على خطرة نشارك بمواضيعي باش تعم الفائدة
واتمنى لتجي منبعدك كل التوفيق وتكون كوزينتها عامرة بالخيرات والمشركات احبكم فالله لكم مني احلى سلام.

ام هدول · 2018-03-19, 23:00

تحيه تقدير واحترام الغاليه. ام فاطمه.
كنتي واقفه..في الكوزينه. بكل تفاني وإخلاص....شك
ر خاص وحار ليك ام فاطمه

أم فاطمه · 2018-03-19, 23:06

شكرا ام هدول على غمرتني بكلامك الجميل الله يحلي ايامك

طيور الجنان · 2018-03-19, 23:12

ام فاطمة كنتي من القايمات بالكوزينة الله يبارك بصح زعفتيني مافهمتش علاه كي وصلت كوزينتي انسحبتي المهم يكثر خيرك و ربي يجمعنا في الخير ان شاء الله.

حياة نور الدين · 2018-03-19, 23:14

السلام عليكن

خانتني الكلمات ومنحبش الوداع وزدت فريت رد ام فاطمة بكييييت حتى راجلي انخلع قالي دوكا كنتي لاباس بك هه
المهم حبيبتي كوني هلى راحتك واكييييد ومتاكدة راح طلي علينا لانه لي شرب من ماها قصدي الكوزينة محال ينساها ههه وربي يخليك تاج فوق راسنا يااا رب ونشكرك بزاااف هلى مشاركتنا اطباقك وعلى وقفتك معيا حبيبتي وربي يطول عمرك ويفرحك بوليداتك

مريومة حنونة ماتقوليش قصرتي راكي درتي مجهودك ولو بكلمة وانت قدمتي اكثر منها نشكرك بزاااف حبيبتي وربي يخليك يا احلى اخت

ام هدول صديقة دربي نتمنى متتخلايش عليا رانا من الزمن الجميل ونبقاو نكملوا المشوار مع خياتنا حتى تفرقنا حاجة فوق يدنا ونتمنى تروحي وترجعي بالف خير وربي يوفقلك بناتك يا رب وتفتحيلنا كوزينة النجاح يا رب

بنونة رفيقة دربي شكرااا بزاف على مشاركتك الثمينة ولي دل على صداقتنا حبيبتي

ام رحاب صاحبة الزمن الجميل بكل معنى الكلمة يااا رب يفرحك بكل عزيز ويرحم امك ونشكرك بزااااف وقفتك معيا ومتخليتيش عليا شكرااا

فيفي الميغرية نتمنى تكوني بخير وراكي استغليتي كل لحظة مع الاحباب ونشكرك على مشاركتنا اطباقك حنونة

نهال صاحبة الدم الخفيف راني لقيتلك كرية قدامي ههه ارواحي وكي نمرض طلي عليا منحسش روحي وحدي ربي يخليك ويفرحك بوليداتك ويخليك دائما كالشربات حنونة

كرونو مشرفتنا الغالية يعطيك الصحة على وصفة الخبز وعلى مشاركتك لنا اطباقك التقليدية والعصرية وربي يحفظلك اولادك حبيبة

سحابة حنونة نشكرك على وقتك لي اعطيتيهولنا واطباقك لي شاركتيها معنا وربي يخليك حبيبتي

بيان يعطيك الصحة على ثانية مديتيهالنا من وقتك وربي يعطيك ساعة ساهلة ونفرحوا بولادة حيوتة صغيرةة هههههههههههه

سوسو يا سوسو خدك نبوسو شكرا شكرااا لمشاركتنا اطباقك ونمتمنى متكونش اخر المشاركات وربي يخليك ويفرحك

ام يوسف نشكرك على مشاركتك حبيبتي المهم الجاست

ام رويدة لي طلت من وسط الاطلال وجات باركت ربي يفرحك بوليداتك ياا رب

زخرفة صاحبة المواقع الشهيرة ههه والوصفات الاقتصادية والصحية بارك الله فيك اختي لزيارتك الكوزينة

رزيقة اللي هجرتنا وقرت مترجعش نقولك دائما في القلب حنونتي

ام العبد، ام لجين، اريام، ادم ، وكل من شاركتني ولو بكلمة شكرااااا لكن وربي يرزقكم ويرزق ازواجكم الحلال ويفرحكم بوليداتكم يااا رب ويخلي جمعتنا في الخير
ولي نسيتها تسمحلي

سعيدة منسيتكش خليتك انت الاخيرة نشكرك على مشاركتنا وصفاتك واطباقك ويااا ربي تكون الكوزينة الجديدة فال خير عليك ورانا معك حبيبتي تفضلي المشعل

طيور الجنان · 2018-03-19, 23:20

حيوتة والله كلماتك مؤثرة جدا خلات دموعي يطيحو وحدهم ربي يخليك و يحفظلك ولادك و يفرحك بيهم اااامين.