حتى المرة هادي ما قدرتش نمدلو فرصة

[مشكلتي]

السلام عليكم
يا ليت اللي يجاوب يكون صريح و واقعي

حسب الزواج الحالي صرت على قناعة انو الزواج عن طريق شخصي افضل و انجح من الزواج عن طريق وسيط

و المشكل اني كنت ضد العلاقات و كذا
خطبتي الاولى عن طريق الاهل و الصداقات و كنا نعرفو اهلو و يعرفونا و كنت اتعس خطيبة و هو كذلك
و فسخنا الخطبة بعدما اكتشفت انو على علاقات بالنساء و الملاهي و و و مع انا نعرفوهم و يبان للناس الكل العكس

جا هذا العام خطبتي على الثاني و كانت واحدة وسيط بينا و تم كل شيئ عن طرق الصح و قلتلهم اللي باغين يروح للدار
و فعلا و تفاهمنا على كل شيئ
لكن قبل الخطبة الرسمي باسبوع اكتشفت انو متزوج و اني راح نكون زوجة ثانية بالخداع

قررت اني راح ندي واحد باختياري على الاقل ** لي ضرباتو يدو ما توجعو ** اليوم عيا شخص و انا راجعة للبيت طلب هاتفي رفضت و قتلو راك تحكي معايا قدام دارنا لانو فعلا تبعني طريق حتى وصل قريب للدار و حسبت روحي ما شفتوش لكن لما قالي اعطيني رقمك قتلو احشم راك تحكي معايا و بزيادة قدام الدار قالي صار تسكني هنا اعطيني برك الرقم رفضت بشدة

لكن
بصراحة

تمنيت نقولو هاو ليك و نعطي لروحي و نعطيه فرصة

صرت مقتنعة انو الارتباط لازم يكون عن طريق خيار شخصي

و ما نقدرش نديرها حاجة خلاص تربيت عليها نشوفها تطيح من قيمتي مع انو صارت حاجة عادية و دارجة

واش ندير تلفتلي نتاع الصح
هذا راح و ما نعرف اذا غالطة و الا صحيحة و غيرو ؟؟؟

ما نقدر نتعرف لانو خلاص تجيني حاجة كبيرة و ما تربيتش عليها و بنفس الوقت مقتنعة انها الطريقة الاصح
او الانجح و ان كانت خطا

حتى صحباتي و اهلي راني شايفة زواجهم وين الانجح ؟
و انا الوحيدة اللي بقات تعرفو علاها قالتها صاحبتي اعطي فرصة للي يحب يحكي خليها يفهمك

و انا ما والفتش و ما قدرتش

؟؟؟؟؟؟؟؟؟؟؟؟؟؟؟

قبل ما تجاوبو الله يخليكم كونو واقعيين

[مياسم الصمت]

السلام عليكم ورحمةالله وبركاته

شوفي يا أختي بعيد عن المثالية و عدم الخوض في الحلال والحرام

يبقى الزواج مكتوب

اذا كان من مكتوبك ستتزجينه مهما كانت طريقة التعرف سواء عن وساطة أو في العمل .......


وإن لم يكن قد قدره الله لك فلن تيلغيه ولو سعيت اليه حثيثا

هناك من تعارفا لسنوات ونيتهما الزواج وفي الأخير لم يقدر الله بينهما

واعرف حتى من تزوجت عن طريق التعارف ثم لم تكمل العام وتطلقت منه

يعني سواء عرفتيه أو كان عن طريق الوساطة اذا لم يكتبه الله لك زوجا فلن يكون

ربي يقدر لنا الخير حيث يكون ان شاء الله

[اﻻء الرحمن]

قل لن يصيبنا اﻻ ماكتب الله لنا يعني اللي ربي راهو كاتبولك ربي زوج ليك راح تاخذيه سواء بالتعارف المسبق او عن طريق الوساطة وصدقيني كثير من الناس اللي تعارفو من قبل ماتفاهموش بعد الزواج ونعرف وحدة كانت تعرف زوجها من قبل وبعد 4 اشهر رفعت دعوة خلع بتهمة الخيانة

[أناييس الربيع]

الســــــــــــــــــــلام عليكم ورحمة الله وبركاته

معظم شبابنا يقبع تحت العلاقات المحرمة قصد الزواج يقولك نشوفها تخرج ع عقليتي ولا لا

ومع الاسف بسبب عذر تافه نقع في المحظور ونعصو ربي

لكن من يتقي الله يجعل له مخرجا

حاجة محرمة ما نروحش بيها برجليا ،لانو ربي قال وغير متخذات أخدان

وأنتي اذا جاءك من ترضين دينه وخلقه استخيري

فالخيرة فيما اختاره الله لك

ولا تتبع خطوات الشيطان من تعارف وووو حتى تصبح عند ك حاجة عادية

كل مرة واحد وتصبحين كالبضاعة

أختي لاتستهوني الذنب مهما كان صغيرا

الحرام يبقى حرام ولو فعله الجميع فلا تتنازلي عن مبادئك

والزمي الاستغفار والدعاء أن يرزقك الله الزوج الصالح

[الماسة النادرة]

اختي ننصحك حاجة ادعي ربي والله غير هو الي يسهلك الامور وق ما تتصوري

[ولد حمد الباتني]

المشاركة الأصلية كتبت بواسطة أناييس الربيع

الســــــــــــــــــــلام عليكم ورحمة الله وبركاته

معظم شبابنا يقبع تحت العلاقات المحرمة قصد الزواج يقولك نشوفها تخرج ع عقليتي ولا لا

ومع الاسف بسبب عذر تافه نقع في المحظور ونعصو ربي

لكن من يتقي الله يجعل له مخرجا

حاجة محرمة ما نروحش بيها برجليا ،لانو ربي قال وغير متخذات أخدان

وأنتي اذا جاءك من ترضين دينه وخلقه استخيري

فالخيرة فيما اختاره الله لك

ولا تتبع خطوات الشيطان من تعارف وووو حتى تصبح عند ك حاجة عادية

كل مرة واحد وتصبحين كالبضاعة

أختي لاتستهوني الذنب مهما كان صغيرا

الحرام يبقى حرام ولو فعله الجميع فلا تتنازلي عن مبادئك

والزمي الاستغفار والدعاء أن يرزقك الله الزوج الصالح

يعطيك الصحة على لكلام الباهي

[ولد حمد الباتني]

خلي يتبعك ويعرف دارك والا صادق يجيك ...

[محمد جديدي التبسي]

الغاية لا تبرر الوسيلة في ديننا أختاه تحسبي روحك حاذقة وتعرفي عقلية الرجال ثم يظهر لك خلاف ذلك لأن التصنع طغى والأهم لأنك ببساطة مطالبة باتباع الشرع وعدم الحديث مع أجانب عنك
لذلك ابقي بنيتك وانتظري مكتوبك وخلي ثقتك في ربي أكبر من أي شيء وإياك من الاستماع لصديقات السوء اللاتي يزين لك المعصية بثوب الضرورة وأن الواقع يفرضها لا والف لا ..الزواج الناجح يبنى على طاعة الله أولا وأخيرا لا ينبغي الشك في ذلك...ربي يفتح عليك

[nasser26]

اسمحيلي هذا لي يجري مورا وحدة فالشارع مراح تستناي منو والو

بصراحة منقدرش ومنتخيلش نفسي نعملها

حذاري منو وراجعي حساباتك

[first first]

اختي ....................ماتكدبيش عاى روحك ....................واش من تعارف واشمن فرصة
حبيتي تمدي فرصة لنفسك باش تغلط وتدير كيما يدير اغلبية الناس؟؟
زعمة كي تتعرفي رايحة تدي سيد الرجال؟؟؟
اختي لعزيزة خليك نظيفة....................وربي كي يحب في واحد يجيبهولك يجيبهولك وانت معززة مكرمة
زيدي اصبري برك ..وبربي ان شاء الله مايجيك غير الخير.
ردي بالك تمدي للشيطان فرصة.
انا نعرف بزاف بنات تعرفو........ومدو لنفسهم ولمليون واحدة فرصة.............وفي الاخير تزوجو بالواسطة لتكبرتي عليها وبقناعة تامة وانتماك وين حسو بالكرامة ونزيد نقولك.راهم شابعين فوخة بالطريقة التقليدية لي تزوجو بيها.

[sa78sa]

المكتوب هو الاهم وهي النقطة التي نتنساها ليس لأنها ليست الحقيقة بل كرها لما قد تحمله من الجراح
أنا خطبت كما قلت بوسيط صديقة دلت والدة زوجي علي
انا أنصحك نصيحة لا تضيعي يوما من حياتك في تفكير تندمين عليها أعواما ولا ننسى الأخر
أدعوا الله لك أن يرزقك زوجا صالحا وصادقا
آميييييين أختي
اكرر لا تضيعي لو لحظة في مثل هذا تفكير ولا تطبقيها لأنها ستشكل لك يوما مشكلة وكذا ندما
اندمي على يوما ضاع بعيدا عن الله ولا تندمي على ما لم يكتبه لك الله
أقول لك ماقاله الله في حديث قدسي :
يابني آدم أنت تريد وأنا اريد ولا يقع الا مايريد

[thamourth]

صعيب باش تلقاي راجل .......................................صعيب

[" أبو عبود"]

المشاركة الأصلية كتبت بواسطة مياسم الصمت

السلام عليكم ورحمةالله وبركاته

شوفي يا أختي بعيد عن المثالية و عدم الخوض في الحلال والحرام

يبقى الزواج مكتوب

اذا كان من مكتوبك ستتزجينه مهما كانت طريقة التعرف سواء عن وساطة أو في العمل .......


وإن لم يكن قد قدره الله لك فلن تيلغيه ولو سعيت اليه حثيثا

هناك من تعارفا لسنوات ونيتهما الزواج وفي الأخير لم يقدر الله بينهما

واعرف حتى من تزوجت عن طريق التعارف ثم لم تكمل العام وتطلقت منه

يعني سواء عرفتيه أو كان عن طريق الوساطة اذا لم يكتبه الله لك زوجا فلن يكون

ربي يقدر لنا الخير حيث يكون ان شاء الله

والله لم تتركي لنا ما نقوله. بقي ان اضيف انك ان تكلمت معه بالهاتف او تعرفت سوف تضيفين إلى نفسك سيئيتن الاولى وهي الذنب والثانية ان لم يتزوجك سوف تحتقرين نسفك. فالتعرف ليس معناه الزواج ولو حدث زواج ليس معناه انه سينجح.
وفقك الله

[آنثى آلمطر]

وعليكم السلام




اختي مدام تبعك وعرف داركم


يجي يطلب يدك ماشي شرط
تحكي معاه
ننصحك خطيك اولا يقولك على زواااااااااج
باه تامنيه وتروحي معاه في الخط تتعلقي بيه ممكن تقعي في محرمات حذاري

اوربي يرزقك بزوج صالح

[fella111]

و من يضمن لك انه سيتزوج بك لو اعطيته فرصة ليلعب بشرفك .....هذه الفرصة ليست الا فرصة تعطينها لابليس و ليس له
ارى انك تعاني من ضعف ايمان والا ما كان هذا كلامك
اسالك سؤال كيف تتجهين للخلق كي يساعدوك في امر الزواج ....................الله اولى ان تلجئي اليه اهنالك اقوى منه سبحانه..............اعيدي حساباتك .....بالنسبة للكلب الذي لحقك الى باب بيتك عليك الحذر ارايت كلبا لا يجري وراء قطعة لحم الا لياكلها ..........