حابة تتعلمي لبراج بكل تفاصيلها ...تفضلي

مقدسية · 2012-03-01, 18:25

بحلول فصل الربيع ،وانت في بيتك او تمشي في الشارع راح تضربك ريحة لبراج ماكانش اللي مايفرحش اسرتو وولادو بيها،كل الجيران يتبادلو صحون لبراج وكل على طريقتو

على هاذيك حتى لو كنت تعبانة او كسلانة راح تشمري على ذرعيك ومباشرة للكوزينة باش تبداي معركتك مع لبراج

هذا هو الربيع براج براج براج براج في كل مكان حتى في الجلفة لكل الجزائريين والعرب

3كيلات سميد احرش+كيلة ناقصة اصبع سمن ذايب وبارد،نخلطوهم مليح ونعجنو السميد مع السمن مليح حتى يصبح اللون فاتح

نبلو السميد بكمية من الماء مخلوطة بماء الزهر والملح بلاما نعجنو حتى يصبح عجينة لينة ،نقسموها الى قسمين متساويين:

بالنسبة للغرس نقوه ونفوتوه في الرحاية ان وجدت واذا ماكانش نعجنوه مليح مع الزهر والقرفة وفي الاخير نديرو شوية زيت، ونخبزوه على بلاستيك مدهون بالزيت

نخبز الكرية الاولى من العجين ونقلب خبزة الغرس عليها،بحيث تكون الاخيرة اقل بقليل من خبزة العجين

على نفس البلاستيك نخبزو الكرية الثانيةبحجم مساوي للاولى ونقلبوها على خبزة الغرس ونغلقو الجوانب ونبسطوها باليد كيما الكسرة وفي الاخير نستعملو القراص باش نحو علامات اليد

نقطعوها على شكل قلوب او معينات او مربعات........

نطيبوها في طاجين طين او حديد،على نار هادية

وهذا شكلها النهائي

في امان الله

أم التوأم · 2012-03-01, 18:29

أنا الأولى كل الصحن لي
سلمت يداك حبيبتي وفكرة القلوب راهي رائعة

نسيبة 2009 · 2012-03-01, 18:30

شكرا حبيبتي اليوم ماما دارتهم

أم سيرين1 · 2012-03-01, 18:35

يعطيك الصحة حبيبتي و الله جات في وقتها الله يعطيك ما تمنيتي بصحتكم جاوك رووووعة

مقدسية · 2012-03-01, 18:45

اقتباس:

المشاركة الأصلية كتبت بواسطة أم التوأم

أنا الأولى كل الصحن لي
سلمت يداك حبيبتي وفكرة القلوب راهي رائعة

ربي يبارك فيك والله يسلمك حبيبتي ام التوام ،دائما منورة مواضيعي يالغالية الف شكر وهذا كلو ليك بصحتك

مقدسية · 2012-03-01, 18:49

اقتباس:

المشاركة الأصلية كتبت بواسطة الزهرة البسامية

شكرا حبيبتي اليوم ماما دارتهم

العفو حبيبتي الزهرة البسامية،بصحتكم لبراج وربي يحفظ الوالدة الكريمة ،هاذي طريقة الوالدة نقلتها كيما علمتهالي ربي يحفظها ماعدا فكرة القلوب فهي خاصتي ،مشكورة عزيزتي لردك العطر

geroise · 2012-03-01, 18:50

يعطيك الصحة لبراج هايلين انا نديره بلا مقادير ا عبارات ولا ميزان عينى هى ميزانى

ايه عندنا مع الربيع هادا لازم نتغلبو على الكسل

مقدسية · 2012-03-01, 18:55

اقتباس:

المشاركة الأصلية كتبت بواسطة أم سيرين1

يعطيك الصحة حبيبتي و الله جات في وقتها الله يعطيك ما تمنيتي بصحتكم جاوك رووووعة

الله يسلمك حبيبتي انت الاروع ،مشكووووووورة لردك الطيب الف شكر

remadna · 2012-03-01, 18:56

الله يبارك
يعطيك الصحة مقدسية
اول مرة نشوف فكرة القلوب حنا نديروهم مقروض او مربعات
جعلها الله في ميزان حسناتك

مقدسية · 2012-03-01, 19:05

اقتباس:

المشاركة الأصلية كتبت بواسطة geroise

يعطيك الصحة لبراج هايلين انا نديره بلا مقادير ا عبارات ولا ميزان عينى هى ميزانى

ايه عندنا مع الربيع هادا لازم نتغلبو على الكسل

الله يسلمك حبيبتي ،هذا من لطفك الف شكر ،هذا يدل على انك ماهرة وانك ديريها بكثرة أياريت تعطينا طريقتك

مقدسية · 2012-03-01, 19:13

اقتباس:

المشاركة الأصلية كتبت بواسطة remadna

الله يبارك
يعطيك الصحة مقدسية
اول مرة نشوف فكرة القلوب حنا نديروهم مقروض او مربعات
جعلها الله في ميزان حسناتك

الله يسلمك حبيبتي رمادنا ،فكرة القلوب جديدة وتعطيها منظر احلى ،الف شكر لردك العطر

saida08 · 2012-03-01, 19:15

يعطيك الصحة حبيبتي
جات في وقتها باش نعملها للعائلة

nanou12 · 2012-03-01, 19:24

جات في وقتها للأ سف أنا ما نعرفش نديرها بصح راح نجرب طريقتك بإذن الله و نقولك واش جاتني ........ و قوليلي تعيشي الكمية هادي شحال نديرلها القرفة و شحال لازمني غرس ؟؟ و لو بالتقريب هههههههه أختك راهي ما تعرف والو

الصوامعية · 2012-03-01, 19:41

يعطيك الصحة عزيزتي و أختي مقدسية شاطرة بسلامتك حنا نسموها مثقبة بالغرس دائما تتحفينا بموضيعك الجميلة وفكرة القلوب فووووووووور

مقدسية · 2012-03-01, 19:58

اقتباس:

المشاركة الأصلية كتبت بواسطة saida08

يعطيك الصحة حبيبتي
جات في وقتها باش نعملها للعائلة

الله يسلمك حبيبتي ،لاتترددي هذا وقتها ،مشكورة لردك العطر