سلسلة حلويات مميزة .. موضوع يخص المبتدئات و حتّى المحترفات - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

سلسلة حلويات مميزة .. موضوع يخص المبتدئات و حتّى المحترفات

إضافة رد
 
أدوات الموضوع انواع عرض الموضوع
قديم 2013-10-29, 00:25   رقم المشاركة : 1
معلومات العضو
عماني نور
عضو نشيط
 
الصورة الرمزية عماني نور
 

 

 
إحصائية العضو










17 سلسلة حلويات مميزة .. موضوع يخص المبتدئات و حتّى المحترفات



أتمنى أن تكونوا جميعا بصحة و عافية ،،

معاكم " نور عماني " أختكم من تيبازة ،، ممبدئة في الحلويات بصح شاطرة و تحب تتعلم (( وليت حوحو )) ،، المهم ....
أنا صح كنت مبتدئة بصح ظوكا كي ولاّ ينجحلي القاطو و الناس كاامل تشكرو خلوني نعلق زوج نجوم و نولي زعما زعما نفيدكم بخبراتي ههههههه

كاين في المنتدى بزاااف مبتدئات " كيما كنت انا احم احم ،، و اكدولي على كنت " و مازلت حابة نتعلم منكم و مستعدة نمشي حسب نصائحكم و توجيهاتكم
....

alr أختي المبتدئة ... حبيبتي الي ع العام و انتِ تتفرجي واش رايك تنضمي لينا و تبداي اتطبقي وصفات مميزة و لذيذة ،، و الأهم أنها مضمونة النجاح

و أكيد أنتِ تعرفي وصفات مميزة ،، مام تكون معروفة و كااامل حاطينها فالمنتدى ،، لكن لكل واحدة فينا سرها الخاص و لمستها المميزة ،، و ذوقها الي تختلف بيه عن الأخريات

هذااا الي ماذابينا نعرفوه ...

يعني ادخلي هنا ،، و حطيلنا وصفاتك المميزة ،، و قوليلنا أسرار نجاح الحلوى تاعك ... و حتى أسرار فشلك الذرييييع في بعض الوصفات ،، باش كلنا نتعلمو و مانعاودوش نفس الأخطاء

عن نفسي عندي حلويات نحبها بزاااف و نتميز فيها ،، يعني ماشي كيما المحترفات الي عندنا فالمنتدى الله يبارك عليهم ،، بصح نقدر نفيد شويا خصوصا أني بديت نتعلم الحلويات في معهد تكوين و راني ندي نصائح صدقوني لا تقدر بمثمن رايحة نقولهالكم بالوحدة ان شاء الله

و ظوكا باش مانطولش عليكم ،، نظن الموضوع واضح ،، يتطلب وصفات سهلة ،، لذيذة ،، مضمونة النجاح ،، مرفوقة بأسرار النجاح ، و أسرار الفشل ،، و الي عندها اي معلومة مفيدة تشاركنا بيها " مرحبا بالجميع "

تابعونا ~

مازال بجعبتنا الكثييييييير














 


رد مع اقتباس
قديم 2013-10-29, 01:43   رقم المشاركة : 2
معلومات العضو
عماني نور
عضو نشيط
 
الصورة الرمزية عماني نور
 

 

 
إحصائية العضو










افتراضي



قاطو " الأورسان " ،، قاطو بالشوكولا ،، سهل جدا ،، و راااااااااااااااائع الذوق ..... و أكيييييد مضمون النجاح ...


المقادير :

125 غ مارغرين " الأفضل أيليو أو فلوريال "

80 غ سكر ناعم ،، و الي تحبو حلو أكثر تدير 100 غ

2 بيض

150 غ مايزينة

1 ملعقة كبيرة كاكاو

1 خميرة كيميائية

فرينة

شوكولا للتزيين ،، انا نفضل شوكولاطة سوداء " أومباسادوغ " لأنها تعطي ذوق و لا أرووووع

و للتزين ،، أنتِ و ذوقك ،، ممكن أي نوع مكسرات ،، فارميسال الشوكولا أو حتى الملونة ،، و ممكن أيضا بالشوكولاطة البيضاء أو الخليط الأبيض تع أم رامي (( مكوناته : 4 ملاعق كبيرة سكر ناعم ،، ملعقة كبيرة زيت ،، ملعقة صغيرة نشاء ،، ملون ابيض ،، ملعقة كبيرة إلى ملعقتين حليب سائل ))


خلطي المارغرين بيدك ملييييييييح أومبعد زيدي السكر الناعم خلطي ملييييح حتى يولي كيما الكريمة ،، زيدي البيض و خلطي ،، أومبعد امزجي الكاكاو و المايزينة مع بعض و بداي تضيفي فيهم بالشوية و تخلطي ،، أومبعد زيدي الفرينة و الخميرة الكيميائية و خلطي بلا ما تعجني

مالازمش العجين يكون يابس ،، يعني زيدي الفرينة حتى تحسي بالعجينة طرات ،، شكلي كرية ،، إذا تشكلت عادي ،، و مالصقتش في يديك " العجينة تكون ناجحة "

ديري كريات صغار أو شكلي حربوش و قطعي على شكل مقروطات ،، أنتِ و ذوقك ،، و حطيهم في صينية مرشوشة بالفرينة

و دخليهم للفرن الي يكون مسخن ديجا بدرجة حرارة 180 ،، لمدة 15 د تقريبا

أنتِ شوفيه بعد 15 دقيقة ،، و مسيه بيدك " بلعقل برك لاخاطرش بزاااف طري و بلخف يتفتت " إذا لقيتيه شد روحو نحيه ،، إذا مازال طري يعني يتضغط كي تمسيه خليه يزيد يطيب

و كي تشوفيه تشقق عااادي ،، هو يطيب هكذاك


خرجيه ،، خليه يرتاح شوية ،، مدة 3 دقائق تقريبا باش تقدري تنحيه ،،

حطيه في علبة أو صينية و خليه حتى يبرد تماما ،،

حضري القاناش تاعك ،، ذوبي الشوكولا مع شوية زبدة " قطعة صغيييرة " و ملعقة كبيرة حليب سائل "

غطسي الحبات من الفوق ،، و حطيها ،، بعد ما تكملي الحبة الثانية ،، ذري على الحبة الأولى المكسرات الي راكي مجهزتها للتزيني،، أنا استعملت بيستاش مرحي ،، و كملي .....




كي تنشف الشوكولا تماااامااا ،، حطيها فلي كيسات " و بصحتك " ^^



جربي و ادعيلي

ظوكا نقولك أسرار فشل هاذ الوصفة :

1 - تديري بزاااف فرينة حتى تيبس العجينة .
2 - تستعملي مارغرين لابال ،، تخرجلك غريبية ماشي أورسان لأنها مزيتة بزااااف و تخسرلك الوصفة .
3 - تخليها تطيب أكثر من اللازم ،، تجيك يااابسة و محروقة من تحت " ذوقها و شكلها يفسدو "

4 - تضغطي عليها بيديك بقوة ،، أكيييد رايحة تتفتت لأنها هشة جدا ...

5 - الشوكولا الي تزيني بيها تحبيها تفسد زيدي بزاااف الحليب ،، رايحة تخرج مايهة ،، و ماتنشفلكش
و يبان القاطو تاعك مغمس فالحليب بالشيكولا

6 - تذري المكسرات المرحية فوق الحلوى مباشرة بعد ما تغطسيها فالشوكولا ،، رايح يكون شكلها ماشي شباب ،، و تغطس فالشوكولا ،، يعني مايبانش شكلها مليح .

هذا ماكان نوغمالمو

~










رد مع اقتباس
قديم 2013-10-29, 01:51   رقم المشاركة : 3
معلومات العضو
عماني نور
عضو نشيط
 
الصورة الرمزية عماني نور
 

 

 
إحصائية العضو










افتراضي

عندي مشكلة مع الصور .... سااعة باش تطلعلي صورة واحدة

غدوة ان شاء الله نزيدلكم وصفة اخرى ،، و نستنى رأيكم فالأورسان ،، و مشاركاتكم المميزة

ماتحشمونيش تعيييشو والله غير راني نعسااانة و قاعدة نطلع فالصور و نكتب و نصور و نجيبلكم وصفات

ع الأقل ماتشوفوش و تروحو ، شجعوني و لول بكلمة ....

ياالله ظوكا تصبحوا بخير ~ نلتقي غدا ان شاء الله











رد مع اقتباس
قديم 2013-10-29, 02:14   رقم المشاركة : 4
معلومات العضو
منى العلم نور
عضو فعّال
 
إحصائية العضو










افتراضي

يعطيك الصحة والله شهيتيني وحابة ضرك نوضنخدموا ربي يحفضك










رد مع اقتباس
قديم 2013-10-29, 02:16   رقم المشاركة : 5
معلومات العضو
منى العلم نور
عضو فعّال
 
إحصائية العضو










افتراضي

وستار تجي نورمال










رد مع اقتباس
قديم 2013-10-29, 03:53   رقم المشاركة : 6
معلومات العضو
hosna1
عضو جديد
 
إحصائية العضو










M001

Yatik elsah ya shatra










رد مع اقتباس
قديم 2013-10-29, 04:23   رقم المشاركة : 7
معلومات العضو
omayoub2
عضو محترف
 
الصورة الرمزية omayoub2
 

 

 
إحصائية العضو










افتراضي

merciiiiiiiiiiiiiiiiiiiiiiiii










رد مع اقتباس
قديم 2013-10-29, 07:07   رقم المشاركة : 8
معلومات العضو
نيفرتيتي.
عضو محترف
 
إحصائية العضو










افتراضي

الله يبارك










رد مع اقتباس
قديم 2013-10-29, 07:39   رقم المشاركة : 9
معلومات العضو
ام خيرو
عضو مميّز
 
الصورة الرمزية ام خيرو
 

 

 
إحصائية العضو










افتراضي

ماشاء الله روووووووعه










رد مع اقتباس
قديم 2013-10-29, 10:05   رقم المشاركة : 10
معلومات العضو
الحب و الوفاء
عضو نشيط
 
إحصائية العضو










افتراضي

بارك الله فيك و اتمنى ان تكملي الموضوع










رد مع اقتباس
قديم 2013-10-29, 10:30   رقم المشاركة : 11
معلومات العضو
درة بيتي
عضو محترف
 
الصورة الرمزية درة بيتي
 

 

 
إحصائية العضو










افتراضي

روعة الله يبارك يعطيك الصحة في انتظار جديدك وشككككرا على الموضوع المميز










رد مع اقتباس
قديم 2013-10-29, 11:24   رقم المشاركة : 12
معلومات العضو
أم إناس
عضو برونزي
 
الصورة الرمزية أم إناس
 

 

 
إحصائية العضو










افتراضي

شكرًا وَبَارِكْ الله فيك










رد مع اقتباس
قديم 2013-10-29, 15:18   رقم المشاركة : 13
معلومات العضو
ayatte
عضو مشارك
 
إحصائية العضو










افتراضي

شكرا على المجهود و على نصائح النجاح و الفشل










رد مع اقتباس
قديم 2013-10-29, 15:30   رقم المشاركة : 14
معلومات العضو
& هبة الرحمن &
أستاذة عِلم التّجويد "رواية حفْص"
 
الصورة الرمزية & هبة الرحمن &
 

 

 
إحصائية العضو










افتراضي










رد مع اقتباس
قديم 2013-10-29, 19:10   رقم المشاركة : 15
معلومات العضو
khnafnaf
عضو مجتهـد
 
الصورة الرمزية khnafnaf
 

 

 
إحصائية العضو










افتراضي

bravoo ya chatra, jawak haylin w rabbi yjazik amin.










رد مع اقتباس
إضافة رد

الكلمات الدلالية (Tags)
مميزة, موضوع, المبتدئات, المحترفات, حلويات, حتّى, سلسلة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 14:49

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc