ابدعي و تفنني في تحضير البطااااااااااااااااطا - الصفحة 3

عروبة وطن · 2013-09-01, 11:09

الله يبارك

يعطيكم الصحة

سوسو95 · 2013-09-01, 12:42

موضوع مميز اختي نتمنى منكم الوصاااااافت

s@r@h11 · 2013-09-01, 15:40

السلام عليكم
هاني جيت و جبت معايا بطاطتي
4 حبات بطاطا مقطعة دوائر و مفورة
نخلطو 3 حبات فرماج مع باطة طون زيت
نضربو في صحن 2 حبات بيض
وفي صحن اخر لا شابلور
نلصقو 2 دوائر بطاطا بالفرماج و الطون نغمسوها في البيض و منبعد نمرمدوها ف لا شايلور و نقليوها حتى تتحمر
و بالصحة

s@r@h11 · 2013-09-01, 15:59

وكاين تاني واحد الوصفة تهبل و الله بنينة بزاف و لي هي :
الطبقة 1
تفوري الجلبان
و منبعد ما يفور تقليه مع بصلة و سنينا توم و لحم من صدر الدجاج مقطع قطع صغيرة
و تزيدي طوماطيش رابي و لي زيبيس ملح و كمون و فلفل اكحل و شوي فلفل احمر و شوي زعفران و تخلي حتى ينشف شوية ما لازمش يجي ميه بزاف
الطبقة الثانية :
'4 حبات بطاطا تقطيعهم و ديريهم يغلو و منبعد كي تطيب ترحي البطاطا و تزيديها شوي زبدو و شوي حليب تكون شوي شادة روحها ماشي قاع كيما لا بيري
في بلا تديري طبقة الجلبان من تحت و من بعد البطاطا من فوق و تخططي بالفرشيطة و تدهنيها بشوي زبدة و لا تديري فرماج مودزاريلا و تدخليها للفور شعلي غير من الفوق و دريها تتحمر مليح
و بالصحة
قريب نديرها ا شاء الله و نحط التصاور

s@r@h11 · 2013-09-01, 16:10

وكاين تاني بطاطا بالسردينة تجي هاااايلة
تفوري البطاطا لي تكوني مقطعتها دوائر تفريها حتى لنص طياب
ديريها في بلا من تحت و من فوق ديري بصل مقطع دوائر بلا ما تطيبيه و من فوقه تديري السردينة لي تكوني منقيتها و فوقها تديري طماطم مقطعة دوائر و تفرغي عليهم لا صوص لي تديري فيه
نصف لتر ماء طماطم ملح و كمون و فلفل اكحل و فلفل احمر و زعفران و توم و قصبر مدقوقين
و تدخلي البلا للفور حتى تطيب البطاطا و السردينة
و شهية طيبة