لا ينقص مال من صدقة

[fadi02]

ما عنديش بزاف ملي رحلت و جاو لحباب اباركولي منهم واحدة صاحبتي عندي بزاف ما شفتهاش حكينا في مواضيع كثيرة حتى وصلنا لموصوع الصدقة و بدات تحكي لي قصتها هي اخت ملتزمة قالت لي رمضان الي فات راجلي حبس الخدمة كان مريض و هي حبت تعاون زرعت شوية خضر المعدنوس و مام شرات 3 دجاجات للبيض و 3 سرادك يعني الديوك حبت تربيهم كي يلحق العيد تعاون في كسوة ولادها قالت لي واحد النهار راجلي ما عندو حتى دورو باش يقضي للفطور راحت جبدت سردوك و دبحو راجلها نقات و قسمتو على يومين خرج رجلها بعد شوية سمعت الدقديق في الباب فتحت رقات واحدة تطلب قالت لها ما عنديش باش اندير لفطور لاولادي راحت صاحبتي و اعطاتها نصف اللحم و نص لاخر دالرت به لفطور من داك غدوة راحت تحط الماكلة للجاج كانت مفاجاة رقات السردوك الي دبحت في قفص قالت لي نفسة هو تقولي ما دبحتوش تخلعت و راحت تجري عند راجلها كي جا قالت لي قعد غير اكبر الله اكبر يعني مام دبحت و كلات ربي عوضها بواحد كيما هو

[*سندوسة*]

سبحان الله وماشاء الله

لواحد يدير لخير قد مايقدر مايعرفش لخيرقاع منين يجيه
شكرا اختي على القصة

[مُحمد رازي]

السلام عليكم
هذا مصداق لقوله صلى الله عليه و سلم " ما نقص مال عبد من صدقة ..."
شكرا لك أختي الكريمة

[chouchou w]

بارك الله فيك في مدينتي حدث موقف كيما هكذا كان واحد الشيخ شرا كبش فالعيد انساو الباب محلول خرج هذاك الكبش ودخللدار جيرانو فقراء حاول اخرجو لكن لولاد الصغار فرحوبيه وقولو لماماهم عندنا كبش شفوه لولاد وقاللهم ديوه سماح وبعد مافات العيد وجاو الحجاج ناضو الوموفيه جيرانو لراحو للحج قالولو علاه محبيتش تهدر معانا كيكونا في مكة نعيطولك وانت محبيتش اتجي سبحان الله .مكانش قد الصدقة ربي يجعلنا من المتصدقين سلام

[ام نهوله]

شكرا على الموضوع
حبيت انوه برك على واحد النقطة وهي كي نجو نصدقو ما نقولوش هذا قليل ما نصدقوهش ممكن هاداك القليل ينفع
اذن كل شخص يتصدق بما يستطيع

[لؤلؤة السّلام]

بارك الله فيك وجعله في ميزان حسناتك

[خيط الروح]

سبحان الله وبحمده سبحان الله العظيم

[معتزة باسلامي]

الله يبارك فيها ويثبتها