بنت 17 سنة تطلب مساعدتكم

[أنور]

هو اعجاب ويكثر هذا النوع من الاحاسيس في مرحلة المراهقة

[brain.up]

السلام عليكم.
ارى ان اسرد قصة صاحبي الذي كان يعشق احدى الفتيات في الجامعة من الاقسام التحضيرية و من نظراتها تستنتج نفس الشيئ. لم يتكلم صاحبي معها يوما او يعاكسها انما كانت في نفسه فقط. تخرجنا تلك السنة من الجامعة و بحثنا عن عمل سنوات الى ان سهل ربنا و تقدم صاحبي لخطبتها و وافقت و الحمد لله.
الفائدة: اعبدي ربك و ارقدي و اقراي على روحك و شوفي حياتك و كي يكتبلك يديك و الا مكتبلكش تخيلي هذا الوقت كامل و انتي ميتة عليه و هو مشو سامع بيك. المهم انا نعطيك النصيحة الذهبية الا و هي روحي احكي لامك درك تشبعك ضرب تنسيك فيه ههههه (اتكلم بجدية تكلمي مع والدتك)
ربي يهدينا ان شاء الله و ييسرلك كل خير.

[*** عبق الزهور ***]

السلام عليكم
نصيحة اختي اخطيك من هذا الخرطي صدقيني لوكان كان عندو ذرة اعجاب بك لكان تقدم لك من الباب خاصة وانت تقولين انه صاحب والدك وهذا سيسهل عليه المهمة
قد تقولين في نفسك ربما لم يتقدم لي بحجة انه لا يريد التشويش على دراستي او ما شابه وساقول لك مجددا لو كان يريدك لتقدم لك وتحدث عن امر دارستك
والله والله والله يا اختي غير راكي تودري في روحك وتدخلي في روحك في متاهات لا مخرج منها تصوري انو يحس بمشاعرك ويروح يخبر والدك ماذا ستكون ردة فعله وماذا ستكون ردة فعلك انت
شوفي انا راني نحكي معاك كوني شهدت حالة مثلك كانت عندي صديقة في نفس حالتك كانت تحب في استاذ كان يقرينا وغارقة في الاوهام والاحلام وما شابه وهو ماكانش سامع بيها كامل اتصوري كان كي يقولها صباح الخير تخدم منها فيلم و صدقيني وصلت وين مرضت على جالو وفي الاخير هو تزوج وهي تخطبت وكي نفكروها تبدا تضحك على جياحتها


الهاي بقرايتك واتمتعي بحياتك ولي يحبك يجي لداركم واحد مايكذب عليك
يا اختي في هذا العمر وراكي دايرة كامل هذا المواضيع في راسك انا كي كنت قدك كان كل همي كيفاه مانوصلش روطار لليسي باه مانتلفش
ربي يوفقك اخية

[بشرئ عاشقة العلم]

سمعت بزاف بهاد القصص من صحاباتي بصح صراحة نقول في قلبي الناس تخمم في مستقبلها و هوما يخمو في التفاهات
و بالفعل تفاهة العام الجاي عندك باك و انت فواش راكي تخمي و كي تدعي الصباح المفروض تدعي ربي ينجحك في دراستك مشي كيما قلتي انت
البكالويا اهم شيء و لا قعدت بهادا التفكير مراح تنالي لا نجاح لا هاد الاستاد
انت راكي تقولي لي راهم يردو مهمش فاهميني بصح مبعد كي تفيقي تعرفي بلي كنت غير توسوسي و خلاص