متى نتخلص من تخلفنا العقلي ليس فقطا تخلفنا المادي والانساني

[assia81]

السلام عليكم ورحمة الله وبركاته
اليوم ذهبت الى مركز البريد لاقبض اجرتي فوجدت طابور من الناس طويل يصل حتى الخارج -ثلاث ايام وانا اذهب ولكن من دون جدوى فاجد نفس الطابور كل يوم - عندما سالت اخبروني ان المال غير موجود والالة اصلا لاتعمل ماهذا لم افهم شيء وكانهم يدفعون المال من جيوبهم حتى ينتهي ام ليس هناك في الجزائر كاملة من يصلح الجهاز ولكن اظن انه يفعلون ذلك متعمدين فعندما يجدون الكثير من الناس يتعللون بهذه العلل لكي لا يقوم بعملهم ويبقاو فارغين شغل
اعتقد انه العكس فكلما زادت العدد كلما زاد العمل ولكن نحن في الجزائر كلشي معكوس لكان مش قادرين يخدموا يخلوا لقادرين يخدموا في بلاستهم الى متى نظل متخلفين عقليا ونخموم برجلينا وبكروشنا ماشي بدمغيناربي يهدي ما خلق

[knives55]

انا فرغت الكونت نتاعي بعد العيد الكبير ثلاث ايام اول بعد العيد لبوسط فارغة تصفر

كل يوم روح نجبد

والى كل ثلاثاء على 11.30 نروح قبل لا يقفلوا نجبد ونروح

نعطيك وقت مليح اما على 11.30 ولا 12.30 اذ كانت لبوسط تخدم بدون توفق

على خطركش 12.30 ناس كلها تروح تاكل هههههههههه



بلاد لعوج يموتوا على لاشين

[مريم الصابرة]

السلام عليكم اختي
المشكل تعرفي وين إهمال المسؤولين زعمى ماكانش اللي يخدم الميكرو ماكانس منها والدراهم كاين انا نقولك يخبوهم لصحابهم ومعارفهم وما يشقاوش مرتباتهم تروحلهم لحد عندهم ما يجي ما يدير لاشان يديرو الزكارة فالناس ونقولك نستاهلو إحنا ما نهدروش لو إنت وانا ولاخر نهدر ويرجعو يخافو لو نهار طابور كيما هذا اللي حكيتي عليه قلبو عليهم لابوست يخافو بلادنا نتاع نش ويمشو بالقلوز الملاحة ما تقضي معاهم والو ربي يهديهم إصبري واش ديري

[jiji_"]

و الله غير عندك الحق يااختي حنا نمشو بالمقلوب الله يصلح الأحوال
الحاجة الي نكرها هي كي نروح نجبد الدراهم

[assia81]

المشاركة الأصلية كتبت بواسطة knives55

انا فرغت الكونت نتاعي بعد العيد الكبير ثلاث ايام اول بعد العيد لبوسط فارغة تصفر

كل يوم روح نجبد

والى كل ثلاثاء على 11.30 نروح قبل لا يقفلوا نجبد ونروح

نعطيك وقت مليح اما على 11.30 ولا 12.30 اذ كانت لبوسط تخدم بدون توفق

على خطركش 12.30 ناس كلها تروح تاكل هههههههههه



بلاد لعوج يموتوا على لاشين

شكرا اخي ولكن اجدها دائما ممتلئة والطابور الى الخارج مرة ذهبت في المساء على 4:30 قلت ربما في هذا الوقت يكون العدد اقل ولكن على العكس وعندنا مركز البريد يغلق على 12:00 ويفتح على 14:30 وعندما تريد اخد المبلغ يقولون لك لا تاخد من مليون او مليونين ولكان كترت ثلاث ملايين ربي يهديهم وخلاص
شكرا لمرورك اخي الكريم

[assia81]

المشاركة الأصلية كتبت بواسطة مريم الصابرة

السلام عليكم اختي
المشكل تعرفي وين إهمال المسؤولين زعمى ماكانش اللي يخدم الميكرو ماكانس منها والدراهم كاين انا نقولك يخبوهم لصحابهم ومعارفهم وما يشقاوش مرتباتهم تروحلهم لحد عندهم ما يجي ما يدير لاشان يديرو الزكارة فالناس ونقولك نستاهلو إحنا ما نهدروش لو إنت وانا ولاخر نهدر ويرجعو يخافو لو نهار طابور كيما هذا اللي حكيتي عليه قلبو عليهم لابوست يخافو بلادنا نتاع نش ويمشو بالقلوز الملاحة ما تقضي معاهم والو ربي يهديهم إصبري واش ديري

والله عندك الحق اختي مريم في كل ماقلتي شكرا لمرورك العطر

[assia81]

المشاركة الأصلية كتبت بواسطة jiji_"

و الله غير عندك الحق يااختي حنا نمشو بالمقلوب الله يصلح الأحوال
الحاجة الي نكرها هي كي نروح نجبد الدراهم

انا تاني وليت نكره نروح نجبد الدراهم ولخرتها وش نديروا لكان بقى الحال هكذا شكرا اختي

[سعاذ]

السلام عليكم
هذا المشكل راهو في كل الولايات
ممكن المبلغ لي مدهولهم باش يوزعوها محدودة
هذا المشكل حنيا عندنا من سمانة لي فاتت
بصح باش يديروها بذمة ماشكيتش خاطر
لوكان يكونو كاين دراهم و هما ميمدوش للغاشي
راهم يسببوا لروحهم ضغط في يمات جيا
ربي يصلح احوال ان شاء الله
دمتم في رعاية الله و حفظه

[assia81]

المشاركة الأصلية كتبت بواسطة سعاذ

السلام عليكم
هذا المشكل راهو في كل الولايات
ممكن المبلغ لي مدهولهم باش يوزعوها محدودة
هذا المشكل حنيا عندنا من سمانة لي فاتت
بصح باش يديروها بذمة ماشكيتش خاطر
لوكان يكونو كاين دراهم و هما ميمدوش للغاشي
راهم يسببوا لروحهم ضغط في يمات جيا
ربي يصلح احوال ان شاء الله
دمتم في رعاية الله و حفظه

بارك الله فيك وشكرا لمرورك العطر