شارلوت بموس الشوكولا و الفراولة

[yasmalak]

بسم الله الرحمان الرحيم والصلاة والسلام على أشرف المرسلين سيدنا محمد وعلى أله و صحبه أجمعين أما بعد

موضوعي اليوم هو شارلوت بموس الشوكولااا سااااهلة وبنيييييييييييييينة والاهم علبالك واش فيهااا


اول حاجة نخدمو بيسكوي رولي
نطلعو3 حبات بيض دافيين مع قرصة ملح وفاني كي يطلعو نزيدولهم 75 غ سكر ونطلعوهم ملييييييييييييح حتى يولو هكا




زيدولهم 90 غ فرينة و باكي خميرة تاع الحلوى اللي نكونو غربلناهم مع بعض 3 مرات
ونبداو نزيدو الفرينة لخليط البيض على 3 دفعات و نقلبو من تحت لفوق
نغلفو السنيوة بورق الطبخ و نحطو الخليط و نطيبوه في فرن مسخن من قبل 180° لمدة 10 دقايق



وهده النتيجة





نقلبووه على ورق طبخ مرشوش عليه سكر قلاصي باش ما يلصقش



و ندهنوه بطبقة مليييييحة من معجون الفراولة




وندوروه على شكل رولي ونخليه يريح فالتلاجة اومباعد نقطعوها لاسطوانات يكونو رقاق شوية




المرحلة التانية هي الجينواز انا خيرت شكل قلب وطيبتها في مول الشارلوت مي نتوما تقدرو تديرو أي شكل و تطيبوها في السنيوة اللي تتحل من الاطراف
للجينواز نطلعو 4 حبات بيض دافيين مع قرصة ملح و فاني كي يطلعو نزيدولهم 180 غ سكر ونطلعوهم ملييييييييييييح حتى يولو هكا
و نزيدو 120 ملل زيت و120 ملل حليب
نزيدولهم 240 غ فرينة و باكي خميرة تاع الحلوى و 65 غ نشاء اللي نكونو غربلناهم مع بعض 3 مرات
ونبداو نزيدو الفرينة لخليط البيض على 3 دفعات و نقلبو من تحت لفوق
انا الجينواز طيبتها على 3 دفعات يعني الخليط طيبتو على 3 خطراات
و النتيجة يخرجولي 3 طبقاات متساااوييين خير ما نطيب جينواز وحدة اومباعد نقسمها و ماتجيش متساوية
هنا الفوتو راحتلي بالصح باااينة
من الاحسن هدا الخطوات نديرهم ليلة من قبل




نجو دوكا للكريمة
انا حشيتها بموس الشوكولا اللي شريتها بنتها تهبببببببببل طلعت ساشي مع200 ملل حليب بااااارد والنتيجة موس بنييييييينة سييييرتو كي باتت






و طلعت الشونتي درت 2 ياغورت بارديييييييييين و بديت نزيد فالشونتي حتى طلعت ملييييييح





دوكا نجو للمونتاج
في مول الشارلوت ادهني الجوانب ديالو بلاجولي و صفيي البيسكوي رولييي وحطي طبقة تاع جينواز بهدا الشكل و ادهنيها بشوية شاربات




و ديري طبقة مليحة تاع الموس و قطعي فوقها الفراولة وتقدرو تديرو أي فااكية تحبوها






اومباعد طبقة جينواز وحدوخرا وطبقة موس و نختموو بطبقة جينواز




و نديرو كمية الشونتي من فوق ونسوها بالسباتيلا وخلوها تريح شوية فالفريجيدار




نحو مول الشارلوت و كل واحد يزينها كيما يحب انا شبحتها بالشونتيي و الفراولة اللي درتلها زيقزاق بالشوكولا
و كتبت فيها بالشوكولااا ببوش جوتابل
هدااا ماكااان



وهده النتيجة النهائية
بحاجة بسييطة تفرحي بييها حبابك









هده الموس من داخل بنة عظيييييييييمة سيرتو كي باتت



و قعدتلي لاموس والشونتيي والبيسكوي رولي ايا كملتهم بهدا الشكل ههههه حاجة ماتترمى






هدااااا ماكااان حاجة بسييطة والبنة نخليكم نتوما تحكمو عليها كي تجربووووها ههههههههه
ودعوة خييير منكم تكفيييني

في رعاية الله وحفظه

[اسما38]

روعة روعة الله يعطيك الصحة و يباركلك في زواجك و يعطيك ما تتمنى،
أن شاء الله نجربها عجبتني بزاااف

[titina]

امممم تشهيييييييي
يعطيك الصحة

مابقاش مورصو

[yasmalak]

المشاركة الأصلية كتبت بواسطة اسما38

روعة روعة الله يعطيك الصحة و يباركلك في زواجك و يعطيك ما تتمنى،
أن شاء الله نجربها عجبتني بزاااف

ربيييي يحفظك اختيييي وان شاااء الله تجربيييها وتعجييييك

المشاركة الأصلية كتبت بواسطة titina

امممم تشهيييييييي
يعطيك الصحة

مابقاش مورصو

هههههههه سي تيتينا مازااال

[أم ريمة*]

ماشاء الله تحفة يعطيك الصحة ربى يسعدك ويهنيك ويعطيك ما تتمناى امييييييييين

[titina]

افتحي الباب راني جيت ندي مورصو تاع القاطو

[عازفة الناي]

رووعة و تهبل دوختني هههههههههههههه
ربي يفرحك دايما يا عروستنا الزينة

[chez biba]

حنان عروستنا الحلوة ربي يسعدك ويهنيك

[انتصار فاطنة]

انا دوختيني لهيه وزدتي هنا ربي يزين سعدك ويهنيك

[ام هاديل وياسين]

هاييل يعطيك الصحة

[ارزاق]

الله يبارك تحححححححححفة للنظر و للاكل خمووووووس عليك والله ياسعدو مينو بيك . قليلي بقداه شريتي الموس حلبة نجربها بيها ونظن في سهرات رمضان ولا اروع

[MAMISSA]

ya3tik el sha chaba bezaf ani dertlk ahla takiyime li ahla tourta w moulatha bravo

[sheherazed]

Wooooooooooow rawwwww3a

Machaa Lah kharjtlek tohfa w rni sur et certaine bli tektoul b lbenna

Ya3tik saha hbiba

[أم ياسين الزهراء]

الله يهنيك ويكملك تحفة مطبخية روعة تستاهلي احلى التقيم

[أم أيوب 11]

الله يعطيك الصحة روعة وأكيد بنينة