ان شاء الله تكونوا كاااااامل بالف خير
لبنات اليوم بديت نخدم بليطة بالساتان والبرودي
فالحقيقة كان عندي 2طراف قماش الاول سوسدي نتاع لبرانس والتاني ساتان عندي بزاف ملي شريتهم وعجزت نخدمهم
البارح رشمت قماش الساتان واليوم بديت فالطرز
وانا نخدم جيتوا في بالي قلت في نفسي علاش ما نحطش الموضوع ولي تحب تخدم او تتعلم نديرو القلب لبعضنا البعض ونكسرو الخمول والكسل
الغرزة ساهلة تقدر كل مبتدئة تخدمها
وما تقولوليش رمضان على الابواب ما عندناش الوقت
بالعكس لي تنوض بكري وتخدم شغلها وتعرف كيف تقسم وقتها لدكر والعبادة وشفل البيت راح يباركلها ربي في وقتها
اللهم بلغنا رمضان وبارك لنا فيه
المهم لبنات لي تحب تفرح روحها بابليطة تشري اللوازم وانا بانتضارها
هدا العمل لي بديت بيه اليوم وبتدن الله نكملو في اقرب وقت
وهدي بليطة كنت خدمتها بالبانتير وحطيتها موضوع بالمراحل لكن للاسف الصور اختفت
اللوازم هي قماش ساتان او سوسدي متر ونصف وخيط حرير نتاع برودي وطنيبر
واش قلتوا فيها لبنات.؟
هده صورة لرشام لي عندي وموديفييتو
هده صورة الرشام لي رسمتو على البليطة
وهنا باش نبينلكم ان استعملت عدة الوان باش نتبع الرسمة وما تتلفليش كي نعاود على الرسمة
وهنا مكان الرشمة على البليطة ولي بينتها بالدوائر الزرقاء
استعملت ورق الكالك باللون الاصفر احسن من الكالك الاسود لي يلطخ القماش
وهدا الخيط لي راني نخدم بيه كان عندي مخبي فالارشيف هو في الحقيقة خيط برودي للمشة وانا درت الخيط على اتنين وراني نخدم بيه اما الخيط الاصفر هومسلك حرير لي يخدموبيه صدور كاين بزاف ناس تخدم بيه البرودي انا استعملتو لغرزة العقدة
ان شاء الله الالوان تخرج على بعضها
اما الغرزة المستعملة هي ساهلة جدا
غرزة باسي بلا و غرزة تيج وغرزة العقدة
( تقرير عن مشاركة سيئة )، و الموجودة أسفل كل مشاركة .
2016-08-28, 21:02
العرض العادي
