~~مهلبية البرتقال الكلاسيكية~~

[*أم ثازيري*]

السلام عليكم


بما انو جا وقت التشينة جبتلكم اليوم مهلبية البرتقال نتاع ماما تهببببببل
من الوصفات لي عشقتها في صغري ... وصفات الزمن الجمييييييل
كاين لي يسميها مهلبية و كاين لي يقوللها بالوظة / بالوزة

قبل مانمدلكم الوصفة نحكيلكم حكاية على المهلبية
من بكري ديرهالنا ماما علمتهالها وحدة فاميلتنا كان راجلها سفير في مصر
خطرة دارتها في رمضان وكانو الضياف رجال قالو لبابا جيبلنا هريسة
حسبو المهلبية بيض حبو ياكلوها بالهريسة ههههه
الان نعطيكم الوصفة
الطبقة الأولى:~~
1/2لتر حليب + 2ملاعق كبار و عمرين مليح نشاء+فاني +سكر+ ماء زهر
نخلط كلش بارد في بارد نصفيه باه نتخلصو من التكتلات و نحطو على النار
يعقد مع التحريك نصبوه في كيسان و نخليوه يبرد
الطبقة الثانية:~~
1/2لتر عصير برتقال طازج (يمكن تعويضه بعصير القرعة)+2ملاعق كبار
و معمرين مليح نشاء+سكر+ماء الزهر+عصير نصف حبة قارص
نخلط الكل بارد في بارد و نصفيه باه نتخلصو من التكتلات و نحطوه يعقد
على النار مع التحريك بواسطة ملعقة نبدا بالشوية نحط الطبقة الثانية على الاولى
نخليهم يبردو مليح و نقدمهم
ملاحظة: اذا تحبيها عاقدة بزاف ديري ثلاث مغارف نشا
انا نحبها متماسكة برك عليها ندير زوج










وهادي الوصفة المصورة لي تحب تحتافظ بيها و ماتضلش تكتب

[*وردة الشرق*]

روعة رايحة نجربها اكيد لانى من عاشقات المهلبية ولك احلى تقييم

[kaouka]

مممممممممممممممممممم روعة روعة نجربها نشاء الله وشراهي بنتك ﻻباس وين ركي عدتي متبانيش بزاف توحشناك

[نافلة]

يعطيك الصحة

[منال9]

بارك الله فيكي

[YASMINE SILA]

روعة هاااااااااااااااايلة و سهلة التطبيق شكرا ليك و ان شاء الله نجربها ياااارب

[ام خالد اسلام]

شكرا ام ثازيري يا مبدعة توحشنا خفة دمك وابداعاتك ماتحرميناش منك

[عازفة الناي]

روووووووووووووووووووووووووووعة الله يبارك

[اسمهان79]

ما شاء اله روعة ومن ايدك اروع اكيد
تسلمي حبيبتي

[ام يوسف 2737]

رووووووووووووووووووووووووووعة

[كاميلياس]

بارك الله فيك على الوصفة

[ام محمد78]

يعطيك الصحة

[أم ياسين الزهراء]

امممممممممممممممممم هايلة يعطيك الصحة

[ام رشدى]

شكرا عزيزتي على الوصفة ونجربها اكيييييد بما اننا في فصل البرتقااااال

[عطرالذهب]

روعة حبيبتي باتي ليك وحشة
والمهلبية باينة بنينة وين راهي لهريسة ههههههههه