جميع دروس الفتلة بالمشينة للاخت الخروبية

[الخروبية]

السلام عليكم جميعاسيداتى المحترمات اخواتى الفضليات العضوات الكريمات انا اختكم الخروبية نتشرف بيكم ونتمنى نكون خفيفة عليكم حبيت نخلى بصمتى عندكم حبا نتميزو بكل والله غير احنا فحلات الله يبارك علينا واليوم رايحين نضيفو حجا لشى ليتعرفوه علبالى بلى مكانش مرا جزائرية متعرفش حرفة الله يبارك وكون نبقى نعدد صفاتكم نخرجو على الموضوع على بركة الله نبداو اول درس هو الشياء الى نحتاجوها وهى فالحق موجودة فى كل بيت جزائري حطو بالكم معايا ولي عندها اي استفسار انا موجودة















[/COLOR][/QUOTE]





هيا متتوخروش لىطول تحرجلى قندورةهههههههههه


[ اليوم نشالله نبداو الدرس الثاني يعني الله الله على الجد والجد الله الله عليه طيب الخطوى الثانية نتكلمو على الرشمة وهاذى الخطوة مهمة بزاف بعد ما تفصلى القندورة تاعك او اى شيئ حابا تحرجيه دريلها زيقزاق خاصة القطيفة وانا عطيتك مثال بالقندورة هى الصعيبة اى رشمة خلى حق الخياطة وحطي الرشمة وارشمى عادى بصح الرشمة تاع القندورة لازم تكون في بلاصتها يعنى متجيش هاربة للامام او الى الوراء ومتجيش هاربة الى اليمين او الى اليسار ولاحبيتو من بعد نديركم نموذج صغير المهم تبعو باه نروحو بكل للعرس صحة ونقطة مهمة نقدرونخدمو بالقطيفة ولطواى طيور ونخدمو بسطتان اقومى او طافطا اقومى ولطاوى طيور ولفازلين يكونو ملخشين ونهدرو فيهم بتفصيل وانا كيما تعرفو نمووووت على الدقة والتفصيل تبعو المراحل ولى عندها اى استفسار تقلى ومتنساوش الى مطبقش الدرس متروحش للعرس[IMG]


ربي يحفضكم ويعطيكم واش تتمناو سامحونى خوتاى والله كانت النت ثقيلة ومقدرتش المهم يخى واجدين باه روحو للعرس ولا نسيتو منطولش عليكم المرحلة 3 هي كيفاه نلسقو لقماش كاين 2طرق باه نلسقو لقماش الساتان والقطيفة وانا علبالى بلى راكم حلوين وناشطين وتفهمو ليه ليه بصحانا نحب نمد وشعندى اختى djmilach23القطيفة تاع الدن مليحة وتصلح وتطبيق تاعك صحيح يعنى راكى رايحا معانا للعرس بصح كى درتى القطيفة متلسقهاش بالفازلين اصبرى ختى نطبقو الستان والفازلين ومن بعد نلسقو القطيفة ولطوال طايور شفو تصاور يلا

[IMG]https://www.foxpic.
com/V0yStAG0.jpg[/IMG]


[/COLOR][/SIZE][/QUOTE]
][/QUOTE]


نبداو او نكملو هاذى المرحلة كيما لى عدات طريقة الرشمة نفس الطريقة تاع الساتان بصح القطيفة متتحددش شوفو كيفاه تلسق

درس فى الفتلة كيفاة نبرموها بسم الله نبداو



[/SIZE][/COLOR][/QUOTE]

السلام عليكم صباح الانوار على احلى الحلوين يا احلى من العسل سامحونى طولت عليكم والله مدا بيا نكمل بصح لكيت مشكل فى التصوير بالفيديو البرطابل تاعى 2 ميقا الفيديو تاعو مكان مكان بصح الاستاذة كرونو الله يبقى عليها ستر ريحا تعونى فيه بصح اليوم صورة الفتلة مخدومة ساجية علبالى بلى ساهلة والكل رايح يخدمها كاين لى تتضفر هى الساهلة وكاين الى تتبرم نحاول الى تتبرم نصورها فيديو ولى تعرف كاش حراجة تروح تنعتلها كيفاة تبرم ماشى صعيبة انا اصلا علبالى بلى نتوما فحلات الله يبارك طولت عليكم شوفوpg[/IMG][/SIZE][/COLOR]

السلام عليكم علبالى بلي راكم كامل تسناو فى الدرس المهم بصح سامحونى لازم نطلعو درجة درجة وخاصة هاذا الدرس لازم نركزو عليه كون تعود المشينة ماشى مريقلة تقلقى وتملى ومتخدميش وكون متخدميش متروحيش للعرس صحا المشينة كل وحدة عندها مركة كيفاه نديرو بكل كل وحدة تعرف كيفاه دير الزقزاق تعها لى تعود مشينتها صناعية تحلها وتنحى سنين تعها وتركب هاذى لبلاكة ولى مشينتها عائلية دخل السنين لداخل كلى ريحا تطرز واكيد تنحى لابيدبيش الخلاصةالزيقزاق لى نحتاجوه هاذا الى فصورة واحد رقيق واحد عريض تزيدى وتنقصى على حسب الفتلة يعنى كون الديرى الفتلة المضفورة على6 ديرى عريض عينك ميزانك ونقلكم رانى صورة المرحلة 1 بالفيديو والحمد لله مزال التانية دورك رانى نسنى في الاسئلة تعكم خاصة اختى ام رشدى وسامحوني البرطابل تاعي ميصورش مليح نتمنى تكون التصويرة واضحة يعطيكم الصحة وتحية من الخروبية للجميع سلام ياكرام[/SIZE][/COLOR]

السلام عليكم مساء الخيرات على احلى الوردات وينكم يا فحلات الاستاذة كرونو راهى حطت 3دروس فى كل الدروس الفتلة بالمشينة مع الخروبية حطتهم من اربعة ايام ربي يجازيها كل خير يلا نتمنى يكون نفس الحماس وتفاعل راهو قرب العرس تحية من الخروبية للجميع سلام ياكرام

[السلام عليكم صحتو يالبنات مشاء الله عليكم تبانولى ناشطين بصح وينو التطبيق لازم كل وحدة تجرب وتقلى واش النتيجة لى تحصلت عليها علبالى بلى فهمتو الدرس بصح النضري زي والتطبيق زي هيا باه ننتاقلو لمرحلة ليوراها صدقونى بالله وقتى محدود وصحتى متصمحليش باه نطول بزاف مدايبا نكملو قبل مايروح الحال وانا نحب نكمل خدما خدمتها و كلمة مديتها اما ختى لى سقسات على المشينة تاع التريسيتى هيه تقدرى بصح لازم تكون زيقزاق اما ختى لى سقسات على الخدمة لناس الله غالب حبا نخدم بصح الله الله حاليا منقدرش نتمنى نفوت هادى المرحة على خير وانا بفضل دعائكم وقلوبكم الطيبة نولى انشاء الله نخدم ياااااه بقيت نهدر على روحى ونسيتونى لمطبقش الدرس متروحش للعرس هههههههه ايا صحة تحية من الخروبية للجميع سلام ياكرام[/size][/color]

السلام عليكم ختى djamilach23 ربما كاين الى ميعرفش هاذى المراحل انا حبا نستفيدو بكل عبالى بلى راكى متحمسة باه تخدمى قندورة تروحى بيها للعرس اصبري غير شوية ختى ام رشدى انا نخدم 2طبقات من الفزلين لخشين عمرى ماخدمت لفزلين الرقيق كى تحطى 2 طبقات من الرقيق متجيش واقفة مليح وكون تزيدى طبقة اخرى ممكن تجى خشينة بصح هاذيك اللصقة تاع الفازلين تعطل ابرة انشاء الله غدوى نحط طريقة تلصاق القطيفة مع لطوال طيور وعلى حساب مرانى نشوف الله يبارك رنا كامل رايحين للعرس ولمناولية تقعد الطيب وحدها هههههههه تحية من الخروبية للجميع سلام يلكرام[/SIZE][/COLOR]



السلام عليكم ختى حبا نقلك بلى لازم تبرميها او تضفريها من قبل ماتبداى تقدري تتحكمي فيها وتجيك الخدمة متقونة ماشي سواقى راح تجيك مرخوفا وعيانة خدى الراى انى نجى وكون نجى اكى تحرجيلى قندورة ههههههههه تحية من الخروبية للجميع سلام ياكرام[/color][/size]

السلام عليكم ختى ام رشدى سؤالك في محلو واصلى على هذا المنوال كبة تكفيك باش تتعلمى لكان شتى خدمتك مليحة طبقيها في قندورة او كراكو انتى واش تحبى ولكان شتى خدمتك مزالت متحسنتش وخلصت الكبة زيدي وحدة والسؤال الثاني شوفى الصورة تعرفي هذا هوا الزيقزاق الى نديروه في لحراف ونخدمو بيه كلش اما طول الفتلة على حساب الرشمة دايما زيدى شوية في الطول مثال لكان الطول نص متر زيدي وحد ال7 صباع الفتلة كى تتبرم تنقس وزيد لازم الديري دايما الزايد من بعد راكى الدخلى الفتلة بالبرا اخشينة من بعد تعرفي كى تشوفي الفينيسيون ورانى نسنىي في اسئلة اخرى ختى djamilach23 كتر خيرك ريبي يعيشك تحية من لخروبية للجميع سلام ياكرام[/size][/color]

السلام عليكم الله يبارك عليكم متصوروش قداه انا فرحانة بيكم الله يمتعكم بصحة يااااااااااارب ختى تقوى امانى الفتلة نبرمو واش نحتاجو برك مثال الطور تاع الرقبة او تاع الضفارة يعنى تطراسى بيها من الداخل او من برا وشوفى الصورة من بعد نصور المرحلة كيفاه نقيسو بالفيديو ختى ام سافو نخدمو انشاء الله بالمشينة ورح تخدميى معانا انشالله ختى ترانيم المطر هاذو الصور يعنى خيرى وش تحبي ختى الفحلة ام رشدى رحا نصور الفتلة المبرومةبالفيديو ولكان جاتك صعيبة كاينة تتباع مبرومة ساجية ولكان مقدرتيش هى راهى اختيار برك تحبي ديرى المضفورة وخلاص وتطبيقك هاااااااااااااااايل انا رانى نحاول نحاول نحاول نحط غدوى فيديو كيفاه نبرمو الفتلة وكيفاه نخدمو والله بديت معاكم بنية وبربي نشالله نكمل كاين مشكل صغير انا كى مرضت حطيت المشينة فى القراج ومخدمتش بيها من5شهور الديرقلات كون غدوى تتريقل غدوى نحط الفيديوكيفاه نخدمو اطلبو ربي تتريقل ورانى في انتضار الاسئلة والله منقلق عندى متعة صدقونى تحية من الخروبية للجميع سلام ياكرام[/SIZE][/COLOR]

السلام عليكم الله يبارك عليكم ناشطين اختىdjamhlach23 المشينة مشاء الله كى تخدمى الفتلة المضفورة على6 ديرى رقم 3 والمضفورة على 3ديرى رقم 2 كى تخدمي الفتلة خط 1 ديرى رقم 1 وكى تخدمى الفتلة على2 حطى رقم 2 يعنى على حسب الفتلة ختى lili kالسنين نهبطوهم باه المشينة متجريش وتخدمى بشوية ولازم تنحى لابيدبيش باه تتحركى بسهولة اخدمى بالمشينة الى تقدرى تتحكمى فيها وتخدمى بشووووووووووووووية ختى الفحلة ام رشدى السؤال الاول مركيش غالطة وسؤال الثانى مفهمتش الطنبولةتقصدى القرقاف او الطنيبر يلا تالى شكون حبا تعرف كتر انى واجدة تحية من الخروبية للجميع سلام ياكرام[/SIZE][/COLOR][/SIZE][/SIZE][/SIZE][/SIZE]

[ام رشدى]

اختي لخروبية ربي يجازيك انا راني معاك بصح الماشينة انتاعي تريسيتي ولا لازم بيدال باش نقدر نخدم الفتلة لاني انموت اعلى خدمة الفتلة والحمد لله كي بعثك ربي لينا لانو الدار وتربية الاولاد ما. خلاتناش نلقاو الوقت وربي يجازيك

[شابرمحمد]

ربي ييباركلك في صحتك اختي الخروبية رنا معاك خدوة بخطوة

نفس سؤال الاخت هل بالماكنه تاع التريسيتي نخدمو ولا لازم بيدال

[sidra2014]

رانا معاك أختي ربي يحفضك

[imi122009]

ربي ييباركلك في صحتك اختي الخروبية رنا معاك

[imi122009]

okhti wch men machina 3andk svp allah ya3tik ma tetmanay ya rab

[wala]

ربي يباركلك بالخير رانا نستناو

[بنت الطيب]

متابعين واللوازم حاضرة

[amina**1996]

والله شوقتينا وابعثتي في نفوسنا النشاط ربي يحفظك لينا

[الخروبية]

السلام عليكم الله يحفضكم الاخوات لى سقساو على المشينة اي مشينة فيها الزيقزاق تخدم الفتلة انا تاني مشينتى تريسيتى وهاذاالسؤال ياكدلى بلي راكم واعين الله يبارك عليكم وهذا يخلينى نديرتنبييييييييييييييييييييييه خطييييييييييييييييييير كي نبداو نخدمو نشالله لازم تخدمي بشويةكي تخيطى المشينة متحكميش النضرة فيها بصح الفتلة العكس لازم تخدمي بشوية خلاص لكان قدرتى تتحكمي في المشينة نقلك راكي نجحتي فى اول واهم خطوة ونتمنى تنجحو عبالى بلى كل بيت جزايري فيه مشينة وحرة وقلت نتعلمو بكل بهاذى الطريقةتتعلمو علبالى بلى كل وحدة عندها ضروفها وحدة يخليهاش راجلها وحدة باباها وحدة معندهاش الوقت المهم سامحونى كترت عليكم والله يعينكم عليا وصح والله غير نتوما سكر تحية من الخروبية للجميع سلام ياكرام

[صبرا]

ربي يكرمك اختي الفاضلة و يعطيك و يمنيك

[loudjeine2000]

الله يبارك عليك يا ختي الخروبية جيتي في الوقت المناسب راني مستعدة ههههه والله من قبل وانا نسنى في هذي الفرصة ربي يعطيك ما تتمناي والله يشافيك

[*منى*]

الله يحفظك اختي الخروبية حبيت نسقسيك نقدرو نديرو بالمشينة لي فيها البيدال يعني نخدمو بتاع تريسيتي خير ولا بالبيدال خير

[ايمان 07]

بارك الله فيك اختيانا ثاني راني معاك ربي يجازيك خير ان شاء الله
عندي استفسار وش رايحين نخدمو بالفتلة يعني روبة ولا جيلي ولا واش بالظبط و يا ريت تحطيلنا المودال باه نعرفو وش رايحين نخدمو ونعرفو شحال نشرو قماش ونخدمو حاجة شابة نلبسوها
و شكرا

[*منى*]

ياختي اعطينا اسم القماش لنقدرو نديرو فيه هذي الفتلة