تسمين كباش لبيعها في العيد القادم.

[mohfor2]

السلام عليكم ورحمة الله وبركاته.
انا نخدم في شركة وطنية.... شهار يعني... وشهريتي ماتفوتش 25 الف دينار جزائري.
عندنا قطعة ارضية فيها لحشيش وماء. قطعة صغيرة.
حبيت نبني زريبة او عشة كما يقولو.... ونربي فيها حوالي 4او 6 كباش صغار باش يوجدو للعيد للعام الجاي اذا كنا حيين ان شاء الله.
حبيت نعرف شحال يكون عمر الخروف باش يطلع منا للعام الجاي. وحبيت نعرف شحال تكون سومتو وشحال لازم نصرف عليه فيما يخص الاكل شعير ڨرط.... الخ.
هل نخرج فيه... يعني تشريه بسومة وتخسر عليه سومة وتربح فيه بسومة.
شكرا للافادة. وجعلها الله في ميزان حسناتكم.

[adel big]

..................................

["أحمد المحمدي"]

على حسب المعلومات الّي عندي الآن ليس وقت شراء الخراف وتسمينها
على الأقل كي يكون باقي للعيد القادم 6 أشهر تقدر تشري خراف صغار وتصرف عليهم هذوك الستّة أشهر
وإذا كنت محظوظ تربح فيهم مليون للكبش الواحد ولكن من الأحسن تشري النّعاج ظرك وتوكلهم يجيبولك الخرفان
كاين وحد الرّاصة سمعت بيها في الصحراء ولا في بسكرة والله ماني متفكر "نعجة قبلية" تجيب 4 خرفان في العام
والله أعلم

[AMRAOUI34]

شري في ربيع خير الخرفان*

[المكارم]

وعليكم السلام ورحمة الله وبركاته
إذا كنت تريد تسمين 4 أو 6 خراف فقط من الآن حتى العيد القادم فلا أنصحك بشرائهم
من الآن أو حتى قبل تسعة أشهر لأن قيمة مصاريف تسمين كبش واحد لمدة 11 أو 12 شهرا
ستكون أكثر من قيمة الكبش نفسه .. أنصحك بشراء الخراف قبل 100 يوم من العيد القادم
وهي المدة المناسبة لتسمينها بشكل جيد وبمصاريف أقل ويشترط أن يكون عمرها يتراوح
بين 9 و12 شهرا .. أما إذا كان لديك أراض للرعي ينبت فيها حشيش كاف لرعيها طيلة فصلي
الشتاء والربيع فلا بأس من شراء الخراف في شهر جانفي أو فيفري ..
أتمنى لك التوفيق

[mohfor2]

شكرا للردود. بارك الله فيكم