وصفات من حراير مطبخ وش طيبتي اليوم

[*عاشقة الجنة*]

ladymillion



الطريقة لي درت بيها الاوراق نتاع المشيمشة

ماحبيتش ندير العجينة السكر يرميوها

رحيت النواد كوكو ملييييح

وبليت الملون غذائي اخضر في شوي ماء زهر وخلطتو مع العسل عادي

ولميت بيه النواد كوكو يرجع عجينة طبعت بيها اوراق نتاع المشسمشة

[*عاشقة الجنة*]

islam1aya

الرشتة

من الأكلات التقليدية الأكثر تناولافي المواسم والأعياد

مقادير العجينة:

1كلغ سميد رطب.

500غ فرينة .

ملعقة ونصف صغيرة ملح.

ماء لجمع العجينة.

طريقة التحضير:

نخلط السميد والفرينة والملح ونجمع العجينة بالماء حتى تتجانس ونعجنها لمدة 5دقائق. يجب ان تكون العجينة

متماسكة و ليست طرية وهذا لكي لا تتلاصق العجينة أثناء بسطها بالآلة .

بالنسبةلمقدار 1كلغ سميد +500غ فرينة تخرجنا 2كلغ رشة .

السميد الذي نستعمله يكون ذو نوعية جيدة إذا كان نوعية رديئة رايحة تتكسر الرشة بعد ما نفورها.






بعد ذلك نرمد العجينة في الفرينة ونحلها بالطول ثم انقطعها على اثنين ونبدأ انمررالقطع في رقم 1ثم الرقم3 ثم الرقم الأخير الرقيق





كتخرج العجينة رقيقة نحطها فوق طرف من القماش نضيف وفي مكان مهوي شرفة او فناء




بعد ربع ساعة كتنشف العجينة نلمها ونمررهافي الة التقطيع ونحطها تتفور ونقدر اناصف الكسكاس بشرط تكون ناشفة مليح قبل مانقطعها

كتتفور حوالي 5دقائق نفرغها في جفنة ونرشها بالزيت ونبدا نحل فيها ل بيدي او بشوكة وهي سخونة نغطيها ونخليها .

ونقدر نعمل عجينة الرشة بطريقة اخرى

بعد مانعجن العجينة نقسمها كرات صغيرة ونتركها في كيس بلاستيكي ثم نبدا نحل فيهم بالحلال بست كريات مثلا.ثم ندهنها بالزيت





ثم نجوز العجينةفي الرقم الأخير ونحطها تتفو ر ونحط بكمية قليلة في الكسكاس حتى ماتتعجنش تتفور شوية ثم نخلطها بشوكة ونكمللها التفوار






ثم ننزعها ونحلها ونغطيها ونتركها ترتاح بعد شوية نوليلها نرشها بشوية ماء ونعودلها التفويرة الثانية ننزعها وندهنها بقليل من الزبدةوالسمن ونرشها بقليل من الماء الزهر الي رايح امدلها نكهة وريحة هايلة وهذا قبل التقديم مباشرة يعنى المرق يكون واجد .









الأن الرشة راهي جاهزة نجوزو لطريقة تحضيرالمرق

مقاديرالمرق :

قطع من الدجاج اواللحم .

بصلتين متوسطين .

حميصة مشمخة طايبة نصف الطياب .

3حبات لفت مقطعين بالطول .

3حبات قرعة مقطعة بالطول.

2ملاعق زيت

1ملعقة سمن.

نصف ملعقة صغيرة فلفل أسود .

عود قرفة او نصف ملعقة صغيرة.

ملح .

قليل من الكركم .إختياري .

ماء ساخن .








طريقة التحضير :

في قدر حطي قطع اللحم أو الدجاج مع الزيت والسمن والملح وقليهم مدة 5دقاق مع الخلط ثم حطي البصل بعد ماتسكرفجيه وتحطي التوابل وتزيدي اتقلي وتخلطي ثم تحطي الحميصة .







بعدها مرقي بالماء الساخن وتحطي اللفت .كيطيب اللحم واللفت نصف أطياب نحط القرعة.كيطيب اللحم والخضار وتتخثار المرقة قليلا راه واجدة.






طريقة التقديم :






شهية طيبة
تحياتي
أم إسلام وأية

[الدنيا]

ilbeldelmondo

250 غ سكر ناعم
فنجان حليب بودرة
عصير نصف ليمونة او اكثر حسب الرغبة
ملعقة كبيرة زيت
ماء زهر و حليب باود
ملعقتين ملون ابيض تاع الميزان
بالمضرب نضرب السكر الحليب بودر و الزيت. و الليمون و نبلل مرة ماء زهر و مرة حليب لكن غير قطرات حتى الحصول على طليه ثقيلة نوعا ما
نغطيها ببلاستيك و نخليها تخرج الهواء
نغلف القاطو بالقلاصاج
نخليها تنشف هي متنشفش حتى تيبس لكن تكون قشرة

[الدنيا]

ام محمد تاج
حطي في بول بياض بيضة وفنجال تاع قهوة حليب وفنجال زيت مخلط مع الزبدة يعني نص بنص وفنجال ماء الزهر ومغرف كبيرو اكتخي تاع اللوز ومغرف صغيرة فاني وملون ابيض لازم باه كي تضيفي اللون لي تحبيه يخرجلك ناصع ومايخرجش باهت ومبعد ضيفي السكر قلاصي مغربل حتان توصلي للقوام المطلوب وضيفي في الأخير الملون راه على ضمانتي روووعة

[*عاشقة الجنة*]

أم محمد تاج



هذا قلاصاج تاع خمس دقايق خخخخخخخ
أم راضية حنونة ديري مغرف زيت ومغرف حليب ومغرف ماء الزهر وملون أبيض خلطي شوي بالفرشيطة وزيدي قطرات قارص أنا استعملت ملون أزرق لوحي بالشوي برك حتان تتحصلي على التوركوا ومبعد ضيفي السكر قلاصي

[الدنيا]

ladymillion
الدجاجة بعد ما تنقيها وتشوطيها على النار واغسليها بالماء والخل مليييييح

التتبيلة : راس ثوم ، ملح حسب الحاجة ، م ص ونصف فلفل اسود ، م ص كمون ، م ص فلفل عكري ، رشة قرفة ، رشة جوزة الطيب ، م ص موطارد ، عصير حبة ليمون أو يمكن تعويضها بالخل الابيض ، 2 م ك زيت ، م ك هريسة انا درت نتاع بروقة مممممم ))

هاذو كامل هرسيهم مع الثوم مليييح

طيبي شوي روز مص طياب قيس 3 م ك ارز خلطيه مع اللحم المفروم وديري م ك من التتبيلة لي قتلك عليها + بيضة وخلطي مليييح هاذ المكونات

حضري ورق الالمنيوم ودهنيه بشوي مارغارين حطي فوقو الدجاجة بعد ماتكوني حليتيها شوي بالسكين على ظهرها وتبليها ملييح وحاولي دخلي التتبيلة في هاذوك التشققات وحطي 2 ورق رند وحطيها كيما قتلك فوق ورق الامنيوم مدهون الان الصدر حليه بالسكين هو والارجل وتبليها كيما معروف حتى تخلص التتبيلة وحطي اوراق الرند 2 على الصدر والحشو حطيه داخل يعني في كريشتها هههههه واضغطي ملييييح واغلقي ورق الالمنيوم روليه على الدجاجة لــ 5 مرات اغلقي ملييييييييح عليها وحطيها في الثلاجة ليلة كاملة وهاديك الغدوة طيبيها على كل جهة ساعة ونصف درجة الحرارة عالية والرف يكون في الوسط راح تتحمر مليح


ام ماجد
المخ ندير في طاوة زبدة وثوم ونزيد المخ وكمون ودبشة مقطعة وهريسة اممممممممممم ونطيبه شوية ونكسر عليه البيض

hanane220

المخ خدي مقلة ضعي قليل من زيت قطعي قليل من ثوم رقيق جدا و خليه ينقلى مليح ثم رابي طماطم
و خليها يتقلى ثم خدي مخ فكيس فيه ثلاث حبات بيض و خلطي مليح و ضعيه يتقلى مليح مع ثوم و طماطم
حتى ينضج يجي يهبل اه نست قليل من ملح و حرور و كمون فقط

أم ياسين الزهراء


طريقتي في المخ

نغليه في شوي ماء فيه ملح وخل ومنبعد نديرو في مقلة نقليه بالزيت ونفتتو بالمغرف ونزيد عليه
بصل مقطع صغير وتوم الملح فلففل احكل ومنبعد نرحي الطماطم حب ونرميهاعليه كيقريب تنشف
نزيد الحشيش والبيض اممممممممممممممم والهريسة

touta2010

مرق باالحم روعة

بصل مرحي واطرف لحم وقلييييل من الزبدة تقلييييهم مليح حتى تشمي رائحة اللحم ممممم
ضفي حبة طماطم ملح حرور زعفران رند وقلييييييل من طماطم علبة اقل من مغرف صغيييرة
وتضيفي الحم حمص وحبة بطاطة وزوج جزر وكرافز وتمرقي وتغلقي كوكوت ولما تثقل
ويطيب الحم قدميه ونحي الخضر يعني قدمي الحم والحمص وصوص

تعملي ستيك الخم وتبليه تقليه ثم تضعي قليل من موطارد وكرام فراش وتغلي
مرة وتطفي تقدمي الستاك مع قليل من صوص الموطارد وكرام

صوص كرام فراش تقدم مع لحم
كرام فراش نخلطوها مع ملعقتين مايوناز وملعقة موطارد وملعقة هريسة
نحطو علبة جبن ابيض وسنة ثوم وقرسة ملح ونخلطوها شوي على النار ونقطعو فيها كسبر

محمر بالخل

توضعي الحم في كوكوت لازم تكون كمية مليحة تضفي فنجال زيت فنجال خل ملح حرور وتسقي
تخليها حتي تنشف فتحي الكوكوت ونقسي النار تلاحضي بقا الحم وحده خليه يتقلى حتى يحمار

صابلي
4كسان شاي سكر 4بيض 4زيت 2نشا 2خميرة قشور قارص فرينة وتلمي العجينة وتقطعي كما تحبي


nour inasse

حطي لي كوت نتاوعك في لاكوكوت وديريلهم 2 مغارف خل وملح وفلفل اكحل وثوم وورقة رند وشوي اكليل الجبل
اقفليها ونقصي النار وخليهم يطيبوا مليييييح يجيو طريين على المشويين كيما تحليها تلقايهم تحمروا وطلقوا ليدام هذاك

[*عاشقة الجنة*]

*ام رامي*

طرقتي في تحضير بوزلوف
يكون منظف ومقطع
نحط القطع في ماء وملح حبة بصل كبيرة وسنات ثوم ونخليه يغلي حتى تخرج الرغوة
ننزع القطع ونرمي الماء ونجيب كوكوت نداوي نورمال بصل ثوم ملح توابل رند فلفل حار طماطم وهريسة ونقليه مليح ثم نمرق ونغلق الكوكوت ونخليه يطيب
ومن بعد نخرج القطع
ونحضر تتبيلة وهي زيت ثوم ملح فلفل اسود وكمون وشوية هريسة حسب الرغبة ندهن القطع بالتتبيلة بواسطة بانسو ونحطهم في الفرن ربع ساعة او اكثر شوية يتشربوا التتبيلة
يجي رووووووووووووعة

[الدنيا]

رقيقة بطبعي


les triangles aux amandes éffilées et pistaches
ingrédients;
-250g da margarine
-125g de sucre glace
-450g de farine
-1paquet de levure chimique
-1càc de vanille
-2jaunes d oeufs +1oeuf entier


*pour la décoration;
-pistache concassés
-amnades éffilées
-confiture d abricot
-chocolat fondu

[فتاة الدعوة]

ماشاء الله عليكم يا الفحلات

[oumeima m]

:d

المشاركة الأصلية كتبت بواسطة إلهام07

طاجين الجبن sidali2007


6حبات بيض
2مغارف كبار شابلور
صدر دجاج طايب ومفتت
6مثلثات فرماج +حفنة فرماج رابي
شنبنيون +زيتون خضر مقطع +معدنوس
مغرفة صغيرة خميرة لحلوة
نص كاس حليب +ملح وفلفل اكحل
تخلطي كلش مع بعض ودريه فلمول وطيبه فلفور وكطيب خليه يبرد وقطعيه
وهذو تصاور [/b][/color]







انشاء الله تعجبك طريقتي

[/size][/quote]

[oum ibrahim]

ام كوثر
بوسو لا تمسو










250 غ زبدة طرية من الاحسن لابال
مغرف كبيرة زيت
زاست قارص
فاني تع الميزان
ضربيهم مليح مليح بالباتوغ
من بعد شيحي بالفرينة حتى تتحصلي على عجينة طرية
اخدميها حرابش وقطعيهم
طيبيهم راه مايطولوش وحضري السيرو

كاس ماء وكاس سكر
على النار لما يغلي نطفي النار
يبرد نغطس الحبات في السيرو ونحطهم يقطرو
من بعد ندير سكر قلاصي وشوية فاني في ساشي ونقلاصي الحبات
وفي الاخير نرش الحبات بصفاية فيها السكر قلاصي ويقدم
الوصفة مافيهاش سكر
لانو نحطو الحبة في السيرو وتترمد في السكر
الدوق يجي معتدل مش حلو بزاف
ويجي يدوب في الفم

[*عاشقة الجنة*]

nour inasse

لي كوت في الكيكوت



حطي لي كوت نتاوعك في لاكوكوت وديريلهم 2 مغارف خل وملح وفلفل اكحل وثوم وورقة رند وشوي اكليل الجبل
اقفليها ونقصي النار وخليهم يطيبوا مليييييح يجيو طريين على المشويين كيما تحليها تلقايهم تحمروا وطلقوا ليدام هذاك

[*عاشقة الجنة*]

oum ibrahim

ارز باللحم



الروز طيبتو عادي
طيبت اللحم في الكوكوت مع ثوم و رند و فلفل اسود و ملح مرقت شوية و غلقت عليه و نقصت للنار خليتو يطيب 45 د
الروز غسلتو و درتلو شوية ماء في كسرونة قيس ما يتغطى يغلي 5 دقائق نطفي و نحيلو هذيك الرغوة البيضاء هي الي تخليه يلصق و ما يجيش حبة بحبة من بعد نغسلو و نصفيه
كي يطيب اللحم نحيه من الكوكوت وديري الروز في هاذيك لاصوص نتاع اللحم لازم ما تكونش بزاف لانو الروز غليناه بعد يعني راهو كايب نص طياب و نغلق عليه 10 د و نطفي و نخلي الكوكوت مغلق بعد مدة نحل عليه نلقى الروز طايب و ماشي لاسق و بنين تحبي تزيدي معاه خضر جزر او جلبانة انا ماكانش عندي قليت بطاطا و فلفل حلو

[الدنيا]

nour inesse
تفضلي اختي ديري 125 غ زبدة + 2 مغارف سكر قلاصي اخدميهم مليييييح زيدي فاني وزيدي بيضة ومبعدا مغرف كاكاو و 4 مغارف كابوتشينو حتان 5 وزيدي 2 مغارف عسل اخدميهم ملييييح ومبعدا ارمي 1 خميرة وشيحي بالفرينة كيما الصابلي شكلي حرابيش وقطعيهم مقروظات طيبيهم خليهم يبردوا
ومبعدا ديري عسل ومعجون سخنيهم وزيدي شوي كابوتشينوا مغرف صغيرة برك للنكهة اغطسيهم فيها ولميهم في بيمو مرحي مع مغرف كابوتشينو خليهم يشيحوا ومبعدا لميهم في بورت مونجي ومبعدا كيما تجي تفتحي البورت مونجي تصرعك ريحة الكابوتشين

[الدنيا]

ilbeldelmondo


الكتف المحشي نحي العضم تاع الكتف و شرحيه مليح
حضري التوابل ب الملح موتارد فلفل اسود ثوم كثري منها و ملعقة زبدة
يمكن اضافة التوابل لي تحبيها و يمكن اضافة المعدنوس انا اخي السمين مايحبوش
نهرسهم مع بعض
و نكونو طيبنا الأرز نص طياب و خلطيه مع الطماطم مقطعة و لحم مفروم
يكمن الاستغناء على اللحم المفروم و يمكن اضافة فطر و زيتون
خليط الأرز نضيفولو ملعقة توابل لي درناهم
و نتبل الكتف و نحطو خليط الأرز داخله و نغلق عليه يمكن تربطيه بالخيط و طيبيه في الكوكوط مع الماء زيت ملح فلفل اسود و ثوم ثم تحمريه بالزبدة في الفرن لكن الحشو لازم يكون قليل باه مايخرشش
الطريقة الثانية بعد ماتقفليه ملحيه و زيديلو شوي فلفل و غلفيه في ورق ألمنيوم كيما درت انا مدة ليلة في الثلاجة
من بعد سخني الفرن مليح و طيبيه 40 دقيقة من كل جهة من بعد التحيه و اذا مازال ماحمارش زيدي الزبدة و حمريه
طريقة اللوبياء soté
فوريها بالملح
و اذا اعتمدتي طريقة طهي اللحم في كوكوط راح تبقالك عصارة اللحم حمري فيها اللوبياء
اما اذا اعتمدتي الثانية حمريها مع الزبدة و الفلفل الاسود و الثوم
شهية طيبة