سبب رسوب المتسابقين في المسابقات؟ هه هه

[هزيم 07]

السلام عليكم إخواني
حقيقة هو موضوع للترفيه ويتلق بشاب خريج جامعة يبحث ن زوجة يرتبط مها مدى الحياة ,هل تعرفون من هي هاته الزوجة المثالية التي يبحث عنها صاحبنا إنها الوظيفة فدار بينه وبينها الحوار التالي

الخريج والله يا الوظيفه غير راني معجب بيك 4 سنين نتاع الجامعة وانا نشوف غير فيك نقلك الصح ما خليتي فيا والو

الوظيفة ( زعمة حشمانة) راك حشمتني خويا ايا واش راك تحوس

الخريج نحوس على علاقة تربطني معاك طول لعمر وما يفرقنا غير ربي سبحانو

الوظيفة (زعمة زعفانة) بالاك تحسابني من هاذوك الوضائف الهاملين انا شريفة ونحوس على واحد شريف

الخريج لو كان ماجيتيش شريفة وحلايلية انا ما ندورش بيك فهمتي

الوظيفة إذا كان كيما هاك انا ماعنديش مشكل روح اهدر مع والديا وربي ايسهل

الخريج قوليلي بارك وين تسكني وراني غدوة انجي نخطب

الوظيفة انا نسكن في الجزائر راني انقول لوالديا راهو جايني اعريس غدوة بصح انقولك حاجة انا والديا صعاب بزاف لازم تعرف كيفاش تقنعهم

الخريج خاطيك هذا شغلي 4 سنين انت الجامعة ما راحوش هاك
(وفي الغد يتقدم الخريج لخطبة الوظيفة وتصورو من هم اهلها (الوزارة هو الاب و لمديرية هي الام )

الخريج السلام عليكم يا اهل الدار والله راني معجب بوظيفتكم وحاب نرتبط معاها طول العمر وماذبيا نسمع شروطكم

الوزارة(الاب) والله يا وليدي انا ما نحكم في والو الهدرة الرسمي مع امها اتفضل راهي معاك
المديرية (الام) واش من مؤهلات عندك يا وليدي
الخريج عندي ديبلوم ليسانس وديبلوم إعلام آلي
المديرية قصدي انا ..
الخريج (مقاطعا) آه تقصدين الخبرة نعم عندي خبرة عامين خدمتهم إدماج
المديرية تخاطب الوزارة (في همس) واقيلا هذا ثقيل في الفهم كيفاش انديرو امعاه

المديرية (في غظب) المفيد المفيد كاش ما عندك دراهم انا وظيفتي مهرها غالي عليك وما تقدرلهاش وما راكش وحدك لراك جاي تخطب طل على الباب وانت تعرف

الخريج المسكين يطل على الباب يلقى نص الجزاير يسنى
الخريج ولي ماعندوش كيفاه ايدير

المديرية انا مانيش رايحة انخليك بلا زواج شوف عندي جارتي عندها ينتها ايسموها البطالة راهي اتحوس على اعريس وراني متاكدة بلي يعطوهالك

يذهب الخريج متثاقلا فيجد البطالة فيحكي لها ما حدث له فتقول له ما تخمم ما والو راني هنا وإذا راك حاب نتزوجو من ضرك
يفكر الخريج قيلا ثم يرفض طلبها بكل لباقة آملا ان تتحسن الاحوال في العام القادم إنشاء الله.

(بربكم اليست هاذه حالنا)
ارجو ان يكون الموضوع قد اعجبكم ورجائي إى الإشراف عدم حذف او نقل الموضوع

و السلام عليكم

[madjid_sma]

مبدع كعادتك
والله ضحكتني أو نسيتني شويا في هموم المسابقات

[هزيم 07]

شكرا على إطرائك اخي مجيد والله حشمتني

[eglwach47]

والله لاهذه حاجا هايلا ممكن تكون مسرحية وممكن تكون فيلم
على كل حال الله يفرج همك ويلاقيك بوظيفة

[ربيع سوف]

هههههههههههههه والله ياخويا راك تهدر في الصميم راك ماخليتني نقول والووووووووووو

[بنت ادرار]

هههههههه شكرا لك اخي على الموضوع الممتع

[sara 28]

ان شر البلية ما يضحك هههههههههههههه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه ههههههههههههه
هههههههههههههههههههههههههههههههههههههههههههههههههه ههههههههههه
هههههههههههههههههههههههههههه

[نور الصفاء]

و الله غير عنك الحق
بارك اللع فيه
هذه من المفروض تكون سيناريو لمسرحية و لا منولوق درامي في صورة كوميديا


بارك الله فيك

[*جوداء*]

صح شر البلية ما يضحك ...ومن كثر الشباب دقوا الابواب ولم تفتح لهم اصبحوا يتخيلو هذي الوظيفة حلم من الاحلام مستحيلة التحقق
ان شاء الله لما نتزوج ونجيب بنت نسميها وظيفة باش تجي عزيزة ههههههههههه

[س ع]

ههههههههه هم يضحك وهم يبكي
شكرا على الموضوع

[اياد27]

أحسنــت أخي الكريــم ،،بارك الله فيك والله مسرحية ممتــازة حاول أن تطيــــل فيها ،،،

[Pr!ncess]

اللـــــــــــــــــــــه المستعااااااااااااااااان


ربي غالب

[orotchimaro]

ههههههههههههه هههههههههههههههه ههههههههههههههههههههه
هههههههههههههههههههههههههههههههههههههههه

[_أمل جديد_]

سبحان الله و بحمده سبحان الله العظيم

[chahine karim]