وصفات حراير الكوزينة الجزء الثاني - الصفحة 63

idron0 · 2015-08-02, 09:47

الرفيس oum islem

نحمص الدقيق عادي تاع الكسرة في مقلاة على نار هادئة مع التحريك المستمر حتى يتحمر ونخليه يبرد ملييييح ممكن من الصباح للمساء
نحط الدقيق المحمص في جفنة ونزيد الغرس منقي ومفتت قطع متوسطة رشة ملح وشوية عسل ثقيل
نذوب الزبدة على النار حتى تسخن جيدا يعني قريب تغلى ونفرغها على السميد والغرس ونفرك جيد باليدين حتى تتداخل المكونات في بعضها جيدا
ودوقي وشوفي اذا ناقصها زبدة او غرس او دقيق زيدي
صدقيني لذيذ جدا وطري ويبقى مدة طويلة ما ييبسش واذا عندك لوز مش محمص زيديه خاصة لي عندهم الحرقة المعدية الرفيس مع اللوز هايل
وما يزعجش المعدة.

ملاحظة : لحوالي صحن كبير تاع طعام دقيق محمص نزيد 3 م ك عسل ونستعمل مرغرين لا بال مهم جدا تكون ساخنة جدا ونصف م ص ملح المرغرين150غ الى 200غ نعتمد بزاف على الذوق.

إضغط هنا لرؤية الصورة بحجمها الطبيعي.

idron0 · 2015-08-02, 19:11

الماييس ام محمد تاج

حبيباتي هاي ليكم احسن واروع طريقة للماييس صدقوني جربوها راهي اختصار للوقت وماتتحرقيش بسخانة الطاجين هاي ليكم الشرح مع ااصور

حبيباتي نحي حبات الماييس بعمل طريق الاول يجيك صعيب بصح كي يتنحى الطريق الاول تبقى العملية ساهلة كي تنحي الحبات كامل نحطهم في مقلة ونحطهم على نار هادئة ونقلب حتان يبدا يتبدل لون الماييس يرجع برتقالي غامق هنا نضيف الملح ونبقى نحرك ونحرك حتان تحمار الماييس ولي يحبها تتحرق شوي يخليها على النار وذوقيها كي تلقايها طابت ورجعت طرية خلاص نحيها من النار واستمتعي باحسن ماييس ممممممم.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-08-03, 09:53

البيتزا ام وابنة

الطريقة1:
احنا في الدار يحبوا البيتزا رقيييييقة و تقرمش و هاكم الوصفة ديالي
ندفي كاس لبن و نص كاس ماء على نار قليلة و كي ما يكونش عندي اللبن نعوضهم بحليب
نحط فيهم ملعقة سكر و ملعقة كبيرة خميرة الخبز و نخلطهم
نحكم زوج كيسان فرينة نحط شوية ملح و نحكهم مليح بشوية زيت تقريبا فنجان صغير
ثم نلم بالخليط تع الخميرة و اذا شفتها محتاجة ماء او فرينة نزيد شوية المهم نتحصل على عجينة طرية تلصق شوية
انا مانعجنهاش بزاف و لكن نخليها تريح بزاف
و غالبا نخدمها الصباح نخليها نصف ساعة بره ثم نحطها في كيس في الثلاجة و العشية نطيبها

بالنسبة لصلصة الطماطم نرحي الطماطم حب بعد ما نقشرها طبعا قدر الامكان و نطيبها مع شوية ملح و قليييل من السكر و ثوم و نعناع ناشف و ملعقة طماطم مصيرة و شوية زيت السر ديالها هو اني نغطيها و كل شوي نحركها و نخليها تطول بزاف في الطياب حتى تتسبك و تطيب ملييييح و تطلق بنتها و كل ما طولت تجي احسن اقل شيء ساعة و اذا شفتها نشفت خلاص نزيد شويييية ماء و نزيد نخليها تطيب

نوليو للعجينة نطرحها رقيقة خلاااااص و نحطها في السنيوة و بش ما تتنفخش نثقبها بالشوكة مليح مليح
كي يكون عندي الوقت ندخلها هكذاك دون الصلصة في فرن سخون نطفي من التحت و نشعل فقط من الفوق و نخلي الوجه تاعها ينشف مليح
نخرجها و ندهنها بشوية موتارد و نحط الصلصة اللي يستحسن ما تكونش جارية بزاف لاني كيما قلت لكم الدار يحبوها رقيقة و تقرمش
و نزينها حسب الرغبة و ندخلها الفرن سخون تطيب مليح و كي تخرج ندهنها بزيت الزيتون
و كي نكون مزروبة ندهنها مباشرة بالموتارد يعطيها ذوق و ما يخليش العجينة تجي مشمخة لانو يمنع امتصاص العجينة للسوائل .
الطريقة2:
عملت الخبز العربي بطريقة سهلة جدا
دفيت نصف كاس ماء حطيت فيه ملعقة صغيرة سكر و ملعقة خميرة الخبز و خلطتهم مليح
زدت عليهم علبتين ياغورت طبيعي بدرجة حرارة الغرفة و ثلاث ملاعق كبيرة زيت خلطتهم مليح
و لميت بالفرينة و في الخير زدت ملح عجنت شوية فقط يعني حتى صارت عجينة طرية و ملساء و حطيتها في كيس و خليتها ترتاح لمدة ساعة بالتمام
قسمتها كريات و غطيتهم شوية برك حتى وجدت مليح أموري
حطيت الفرن يسخن و حطيت في الأسفل سنيوة ثقيلة مقلوبة
حليت بالرولو بمساعدة الفرينة الكريات حليتهم رقاق بصح ماشي بزاااف رقاق
حطيتهم في مناديل مرشوشة في الفرينة هاذي فوق هاذي حتى كملت الكمية و قلبت المجموعة باش الاولى تجيني من الفوق
خليتهم ريحوا شوية يعني غير نظفت المطبخ سريعا و جهزت حالي
و طيبت بالوحدة نفتح الفرن نحطها و نغلق الفرن و نخليها حتى تنتفخ و نقلبها و نعاود نغلق الفرن و كي تطيب نحطها داخل قطعة قماش نظيفة داخل كيس بلاستيكي بش ما ينشفوش و ما ييبسوش حتى كملت الكمية
بعد ما بردوا عملت بيهم خبيزات بيتزا كل واحد وحدة و النتيجة اكثر من رائعة و حلفت ما نبدلهاش و الأهم ان قررت نعمل كمية كبيرة و نحطها في المجمد و كي نحب بيتزا مباشرة نزينها للفرن و تطيب بسرعة لانو كلش طايب العجينة طايبة و كذلك الصلصة

idron0 · 2015-08-03, 12:30

مايوناز بالبطاطا الريفية

خذي حبة بطاطة صغيرة تكون مشرشمة وهي سخونة ارحيها بالبرا ميكسور وضيفيلها زوج حبات فرماج تاع المثلثات وزوج مغارف كبار خل شوي حليب
ملح بيضة وتقريباً فنجان صغير زيت ديري بالشوي وشوفي على حسب حجم حبة البطاطا ونكهيها بافلفل اكحل وسنة ثوم هنا حسب الذوق
خلطي بالبرا ميكسور مليح وذوقي راهي بنينة بزاف تنفع مع المقليات والمشاوي
الخليط تتحكمي فيه وحدك خفيف ولا عاقد.

اضاليا · 2015-08-03, 18:00

يعطيكم الف عافية

idron0 · 2015-08-04, 19:26

وصفة للتنحيف الرجاء الاماني المجد

خدي مغرف زنجبيل مرحي مغرف قرفة مغرف شاي نعناع يابس قشور الرمان وديريهم ايطيبو كي تيزنة وكي ايطيبو صفيهم وضعيهم في زجاجة بلاستيك وضعيها في الثلاجة وشربي 3 مرات في النهار وفي الصباح يجب ان يكون قبل القهوة.
ملاحظة: مغارف كبار والماء ديري 3 كيسان ماء وخليه يغلى ثم طفي عليه وصفيه.

idron0 · 2015-08-04, 19:30

معجون الاجاص ام محمد تاج

قطعي الاجاص تاعك حجم صغير واكيد منقي من اابذور وحطيه في كوكوط او برمة ثقيلة وكيلي مثلا عندك كيلو اجاص منقي زيديلو كيلو سكر وليمووونة مقطعة اربع اطراف باش مايكحالش واحكمي مجموعة من بذور الاجاص اغلقي عليهم في كومبراس نضيفة وحطيهم مع الاجاص اغلقي الكوكوط وحطيه ليلة في الثلاجة
الغدوة من ذاك شعليلو النار خفيفة حتان يبدا يطلق الماء تاعو قوي شوي للنار وابقاي خلطي لا يلصق ويتحرق حتان يذوب الاجاص وتختفي الرغوة البيضاء يعني طاب ووجد نحيه وشوفي اذا ذاب الاجاص خلاص واذا ماذابش ارحيه باابرا ميكسوووور وشهية طيبة .

idron0 · 2015-08-05, 06:02

معالجة الكاكاو اسمهان79

حطي في برمة مغرفة كبيرة فاني ومن الأحسن نتاع الميزان وعطر اللوز ونصف حبة قارص وأكيد الماء وفي الكسكاس حطي الكوكاو نتاعك ويكون مقشر وحطي معاه أيضاً عطر اللوز ومغرفة كبيرة فاني وخليه يفور حتى تشوفي اللون نتاعو شغل ولا شفاف نحيه خليه يبرد ثم اطرحيه على طرشون وخليه ينشف وكل يوم بدليلو الطرشون اللي تحتو مدة 3 ايام أو 4 أيام حتى تشوفيه يبس وارحيه عادي
والله طعمو تقول لوز.

idron0 · 2015-08-05, 06:11

بيزا منكهة بالأعشاب ومحشية بالجبن chez biba

(وصفة حورية المطبخ معتامداتها دايما )
إضغط هنا لرؤية الصورة بحجمها الطبيعي.

المقادير: 2 خبزات
300 غ فرينة
3م.ك زيت او زيت الزيتون (حسب الرغبة)
1/2 م.ص ملح
1 م.ك سكر
1/2 م.ك خردل moutarde
1/2 م.ص أعشاب منكهة herbes de province
200 الى 250 مل ماء دافئ
1 م.ك خميرة الخبز
التحضير:
* نخلط جميع المقادير الجافة ماعدا الملح ، نضيف الزيت والخردل ونفكر مليح باليد
* نجمع الخليط على جنب ونحط الملح ونلوح فوقو شوي ماء ونخلط، نضيف الماء تدريجيا مع العجن حتى نتحصل على عجينة طرية وملساء
* تغطى وتترك في مكان دافئ لتختمر ويتضاعف حجمها
* حاولي تنزعيها برفق (ما تعجنيهاش) وابسطيها في البلاطو مدهون بالزيت واحشي الأطراف بالجبن قطع وزينيها والصور توضح
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

* بالنسبة للجبن ضيفيه في الاخير كي تطيب رجعيها دقيقة برك باش يذوب (نستعمل شيدار ذو نوعية جيدة )
إضغط هنا لرؤية الصورة بحجمها الطبيعي.

وهنا من داخل
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

idron0 · 2015-08-05, 06:14

البيتزا ikram08

العجينة 250فرينة تلات ملعقة اكل زيت واحد ملعقة صغيرة خميرة الخبز واحد ملعقة اكل سكر ملح و نلم بالحليب بالنسبة لصوص هادي الطريقة ديتها من منتدى مغربي ممتازة وتناسب كل شئ رطل طماطم حبة بصل حبة جزر حبة قرعة ثوم ملح فلفل أكحل شوية زيت و قليل جداً من الماء كي تطيب نطحن كلشي ونزيد رند زعيترة نرجعها على النار تنشف انا نطيبها في الأسفل ما تديش وقت كثير و حاليا شريت مقلاة كهربائية راني تطيب فيها تجئ روعة.

idron0 · 2015-08-05, 09:16

تارتولات بمعجون التين مخدوم في الدار ام و ابنة

كان عندي تقريبا 250 غ من خليط مرغرين و زيت خلطت معاه حبة بيض و فنجان حليب و ثلاث ملاعق سكر رطب ثم لميت بالفرينة حتى ولات عجينة ملساء ماشي ناشفة حطيتها في كيس و خليتها تريح شويا
طرحتها فوق كيس بلاستيكي و من الفوق ايضا استعملت كيس يعني ما استعملتش الفرينة
حطيتها في لي مول راهم في الصورة الثانية و ثقبتهم بالشوكة
حطيت فيهم لوبيا حمراء طبعا ممكن اي نوع اخر بقوليات جافة المهم بش ما يتنفخوش و ما يتغلقوش
نحيتهم خليتهم شوية حتى قدرت نتحمّل حرارتهم و فرغتهم و عمرتهم بمعجون التين خلطت معاه قليييل من القاطو المرحي يعني مجرد ثلاث ملاعق
و رديتهم يطيبو
لاحظوا كاين حبات حمرتها مليح مليح بإصرار من زوجي و بصراحة عندو الحق جاو كاراميليزي ذوق عجيييب
و العجينة تذويوووووب لذلك تعاملي معاهم بحذر و خليهم حتى يبردو مليح بش تديموليهم بش ما يتكسرولكش
الكمية عطاتني 30 حبة

إضغط هنا لرؤية الصورة بحجمها الطبيعي.

idron0 · 2015-08-05, 16:01

سلطة البطاطا ام و ابنة
في كسكاس نحط جزر مقطع دواير رقيقة و صغيرة يفور و من بعد نزيد فوقو مكعبات بطاطا ماشي كبار و ماشي صغار بزاف
كي يفورو ننحيهم و نخليهم يبردوا
نغلي البيض و نخليه يبرد
نقطع البصل رقيييق
نعمل فينيقرات ثقيلة نكثر فيها الموتارد و زيت الزيتون و شوية خل او عصير القارص و سنة ثوم او اثنين و شويية نعناع يابس و نحط فيها البصل اولا و كي يطرى و تبرد مليح البطاطا و الجزر نزيدهم و نقطع معاهم البيض مغلي و نحط زيتون مغسول ومقطر
ممكن اضافة طماطم او خيار مقطعين .

idron0 · 2015-08-05, 16:03

سلطة الباذنجان ام و ابنة

نقطع الباذنجان شرائح و نملحو شوية و نستفو فوق قطعة قماش و نغطيه بقطعة قماش اخرى
نسخن مقلاة مليحة و نحط فيها شوية زيت ما نكثرش و نحط الباذنجان و كي تطيب جبهة نقلب للوجه الاخر و ننحيه و نحطو فوق ورق نشاف
نقطع بصل و طماطم مكعبات صغار و نخلطهم مع الفينيقرات اللي كتبتها الفوق
في صحن نفرش طبقتين او ثلاثة باذنجان و نحط فوقهم البصل و الطماطم و نقدمها و البنة ديالها كي يتشرب الباذنجان بنة البصل و الطماطم
نزينها بالزيتون.

idron0 · 2015-08-05, 16:05

سلطة المايييس ام و ابنة

نغسل مليح علبة ماييس و نقطرها مليح و نحط معاها بصل و طماطم و فلفل حلو مقطعين مكعبات صغيرة و ممكن خيار معاهم نفس الشيء مقطع مكعبات صغيرة و نحط اما فينيقرات او مايونيز و نزين بالزيتون

ملاحظة ممكن اضافة روز مغلي
او ممكن ايضا اضافة مقرون مغلي خاصة النوع اللي يجي كي اللولب او الفراشة او اي نوع تفضلوه
و ممكن ايضا اضافة الطن او حتى الدجاج بارد و مقطع.

idron0 · 2015-08-05, 20:48

بسكوي رولي بلاكرام شانتي اسمهان79

طلعي 6 بياض البيض مع رشة ملح ودعيه جانباً
خلطي بالباتور 6 صفار البيض ثم اضيفيلو 120 غ سكر
ثم 120 غ فرينة و1 م ص فاني خلطي ثم بملعقة سيليكون أو خشبية اضيفي البياض المخفوق على 3 دفعات وخلطي من تحت لفوق غير بلعقل
اطرحي ورق الطهي في بلاطو ثم فرغي الخليط واعدليه ودخلي للفور مدة 10 د حتى ل 15 حتى
لما يطيب اقلبيه على طرشون مبلول وروليه بيه ب الطرشون وخليه يبرد
طلعي الشانتي نتاعك بالحليب البارد واطلي البسكوي ثم عاودي روليه وزيدي اطليه من فوق واعملي خطوط بالفرشيطة بالطول وذرذري الكاكاو بالصفاية
و ممكن تزيني ب الفواكه .

إضغط هنا لرؤية الصورة بحجمها الطبيعي.