وصفات حراير الكوزينة الجزء الثاني

[idron0]

القلااسااج تااع التشارااك lyzzabel

كااس تااع الشااي هو لي عبرت بييه
كااس حلييب
كاس زييت
كاس و نصف عصيير الليموون
نصف كاس مااء الزهر
ملون اصفر حلييته في مااء الزهر
و السكر النااعم مغربل مرتيين و نخلط بالملعقة حتى يثقاااال و نتحصل على القواام المطلووب

هي نوغماالمون كل المقاديير لي ذكرتهاا فيها كااس و انا لااحظو بلي درت كااس و نصف عصيير الليمون و نصف كااس فقط ماازهر خااطرش بغييت ذوق الليوم بما اني درت التشارااك بذوق الليموون حتى الحشو تااعه.

إضغط هنا لرؤية الصورة بحجمها الطبيعي.

[idron0]

البسبوسة قمر77

هايلة تشبه للقلب اللوز و خفيفة عليه
كاس و نصف دقيق اللي نديروه فالطمينة و المقروض
نصف كاس نواد كوكو او لوز
نصف كاس سكر
ثلاث ارباع كاس زيت واحد خمارة فانيلا كاس حليب
تخلطيها بالفرشيطة و تخليها تريح نصف ساعة
و تطيبيها فالفور كي تحمار فالحواشي شعليلها مالفوق او حسب الفور المهم الموس كي تدخليه فيها يخرج ناشف
و تسقيها بالشاربات
اللي هي كاس و نصف ماء كي يغلي مليح نضيفلو كاسين سكر يغلو ثلاث دقيق و نسقي بيها لازم تكون باردة و البسبوسة سخونة.

[idron0]

البوراك ام سهام 02

في مقلة رابي كمية امليحة من البصل و زوج سنينات ثوم وقلي مليح مع شوي زيت حتي يذبال ضيفي اللحم المفروم وقلي مع التفليب جتى تشوفيها نشفت ضيفي التوابل ملح وفلفل اسود وقرفة ورشة جوزة الطيب ومن جهة ااخرى خبطي 3 او 4 حبات بيض حسب كمية اللحم وفرغيه فوق اللحم وحركي بملعقة كييب طفي وزيدي كمية من المعدنوس مقطع رقيق

كيبرد الحشو امليح عمري اوراق الديول و ستفيهم في السنيوة و ادهنيهم بالزيت من الفوق ودخليهم للفرن.

[diia111]

امممممممممممممممممممممممممممممممم شهتينا

[idron0]

طاجين الحلو ام ياسين الزهراء

نحط اللحم لازم غنمي وهبرة مليحة وندير السكر عيني ميزاني والقرفة والزبدة ونجمة الارض حبة ونخليهم يتكراميليزا وتعسو مليح باش مايتحرقش وكييحمار السكر نرمي ماء الزهر حولي فنجال راح يدخلو النكهات في اللحم ومنبعد نمرق الماء مانكثروش ونكون غسلت العين والزبيب بماء سخون ونشمخهم بماء وماء الزهر وكيغلي الماء تاع الطاجين نرمي كلش فيه حتى الماء اللي تشمخت فيه العين ونخليه يطيب وادا عندك التفاح او السفرجل كيتشوفي كلش قريب يطيب ارميهم وكيتعقد المرقة ماشي زاف طفي وزيديلو شوي ماء الزهر وادا عندك العسل مغرف وغطيه.

ملاحظة: الطاجين الحلو انا نطيب كمية تاع اسبوع وكيبرد نحطو في بواطة ونجبد غير واش نستحق وعمري لانسخنو يعني كالمعجون وكل مايطول كل مايولي اممممممممممممممم.

[idron0]

موس الشوكولا om wassim

150غ شكولا تذوبيهم مع الحليب.تديري 2غ الجيلاتين. يطرى فالماء نخلط مليح الجلاتين مع الشكولا سخونة نحطهم يبردو نحط الكريم فريش هو و الفويي فالكونجلاتور 4 د. نطلعهم كيما الشانتيي ثم نبدأ نخلط فيهم غير بالشوية مع الشوكولا و الجيلاتين نعمرها و نحطهم يبردو نطلع الكريم شانتيي مع الحليب البارد و الفاني
كي تبرد لاموس نزينها بالشانتيي و الشوكولا ذايبة.

إضغط هنا لرؤية الصورة بحجمها الطبيعي.

[touta1974]

اطباق شهية

[idron0]

لتقوية الذاكرة قمر 77

علك اللوبان ديروه في قرعة زجاج و عمروها بالما و بيتوها للنجوم هكذا قالت جداتي و جربناها ما تناقشوش هههههههه
و عودو اشربو منو في بلاصة الما و كي تفرغ زيدو الما على اللوبان اللي بقا فالقرعة حتى يخلاص
جربوها حتى لاولادكم تساعد على الحفظ .

[idron0]

الزلابية wannessa

كاس فرينة+زوج مغارف مايزينة+مغرف ياغورت لي جي مش شرط طبيعي +مغرف زيت+مغرف خميرة الخبز+ملون+الماء حتى نتحصل على عجينة كيما تع البغرير نخلوها تتخمر ساعة مبعد نبدو نقلو و نعسلو لازم تكون اليد خفيفة راني صورت القرعة لخدمت بيها و هذه المقادير خرجتلي الكمية هذه.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

مطلوع ام محمد تاج

كيلي مثلا زوج قرصات حطي الدقيق في قمع البيترا حطي عليه مغرف كبيرة سكر وزوج مغارف زيت وزوج مغارف صغار معمرين ملح ورشة سينوج وثلاث مغارف صغار خميرة الكسرة خلطي المقادير بالبيترا وضرك الصح تبعي معايا دفي الماء دفيه مايش تسخنيه وابداي لوحي بالشوي وخلي البيترا تعجن ولوحي باشوي وانتابهي لا تجريها وخلي البيترا على السرعة الثانية ماتفوتيهاش وخلي العجين يتعجن وساعة ساعة حبسي ومسيها اذا طرية ومطلوقة بزايد عليها واذا مخصوووصة ماء لوحي بالشوي عندك
غطيها بالنيلون وسرفيتة الكسرة وخليها تطلع كي تطلع قرصيها وزيدي خليها تزيد تطلع اذا كوزينتك سخونة كي تقرصيها بعد شعليلها الطاجين خليه يسخن مليح ونقصيلو على المتوسط واثقبي الكسرة تاعك وطيبيها واذا كوزينتك باردة كيما كوزينتي نخليها نصف ساعة تطلع ومبعد نشعل الطاجين.

[idron0]

تحلية اسيل ريحانتي

ساهلة ماهلة تجيبي علبة ماجور وتخدمي دانيت ولاعجزتي باه تخدميها شري 4علب دانيت او 5
وحطي مغرف دانيت وفوقها حبة ماجور تكوني غطستيها في قهوة وعاودي فوقها مغرف دانيت وحبة ماجور حتى تكملي الطبقات طلعي الشونتي مع علبة دانيت او خليها بيضا وبلابوشيدوي زوقيها مالفوق وممبعد حكمي كمية كوكاو اوجوز او لوز مع كمية من شوكولا مينى خلطيهم في الروبو وذرذريهم من الفوق.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

البريك ام محمد تاج

سخني النار تاعك على المتوسط مالازمش تكون قاوية وكي تحطي حبة البريك تاعك حطيها من الجهة لمطبقة وخليها طيب على الخفيف ومبعد زيدي قلبيها وخليها طيب ثاني على الخفيف كي تشوفي الحبة تنفخت يعني البيضة طابت وماعليك غير تحمريه وبسسسس.

[idron0]

توابل الحريرة ام طيري الجنة

هي مين ترمي الخضار و اللحم اديري القرفة عود و النجمة وفقط شوي فلفل اسود و كمون
اما كي تطحني وتغلي الحريرة بعد ما تكوني ضفتيلها الفرينة او التشيشة تحلي كمية ملعقة او اثنان كبار من راس الحانوت على حساب كمية الحريرةو شوي فلفل احمر + ملعقة صغير او نصفها سكين جبير ( لانو حار )و ملعقة ص او 2 نتاع كروية مطحونة و اضيفيها للحريرة و تخليها تزيد غلي شوي و اطفي و اذا اردت لزيادة البنة تخلي الكروية و سكين جبير للاخير او كي تجي تسخني
بالنسبة لراس الحانوت انا نشريه واجد لكن هذ العام شريت كل حاجة وحدها نقولك على مكوناتو لكن ما عنديش مقادير مضبوطة لكل مكون انت عينك ميزانك
فيه الكركم + زريعة البسباس + قصبر مطحون + الكروية + الكمون + الفلفل الاسود + سكين جبير + حبة حلاوة + الكبابة + القرفة الكل مطحونين و اذا حبيتي مطحون النجمة و الهيل لكن كاين بعض التوابل قاطعة ما تكثريش منها .

[أمَةُ الرحمان]

يعطيك الصَّحة شكراََ لكِ
(لكن ملاحظة مايجيش ميدَّم بزَّاف ؟)

[idron0]

معجون الكرموس ام وابنة

استعملت زوج كيلو كرموس و المفروض كيلو كامل سكر بصح انا نقصت يمكن الربع يعني استعملت كيلو غير الربع ما حبيتوش قاطع بزاف
المفروض يتقطع الكرموس قطع صغيرة و كل طبقة تغطيها بالسكر و كي تكملي تعصري عليها حبة قارص او اثنين و تخليه اربع ساعات على الاقل حتى يطلق الماء نتاعو و منبعد تطيبيه
انا ما خليتوش مباشرة طيبته و تعمدت نقطعو كبير لاني حبيت الطراف يبانو حتى نشبح بيهم لي تارتولات و حتى التحريك ما حركتوش بزاف
و كي كان يغلي كل شوي نحيتلو الرغوة اللي من الفوق و كي شفتوا عقد طفيت عليه و كي برد حطيتو في بلارات معقمين و غلقتهم مليح و حطيتو في الثلاجة.