ما هي وضعيتي الان

sido-mascara · 2017-04-26, 11:41

السلام عليكم بعد تردد طويل ذهبت اليوم الى مكتب الخدمة الوطنية للاستفادة من قانون التسوية 2013 مع العلم اني من مواليد 1990 و انهيت دراستي في 2012 و وصلني استدعاء في 2013 المهم كي روحت اليوم مديتلو بطاقة التعريف و سورسي 2012 بعد انتظار قالي راه خرجلت ored appel في ماي 2015 و انا لم استلمها قالي حنا مزال موصلناش PV تاعها قالي ارجع على شهر وجيب معاك نسخة من ديبلوم و نسخة من بطاقة التعريف الوطنية.
ما هي وضعيتي الان ؟ هل استطيع ان استفيد من قانون التسوية 2013 او انه سيكون هناك كلام اخر افيدوني من فظلكم

علي لقواطي · 2017-04-27, 12:38

يا خويا واش قالولك صح لازم يلحقهم المحضر تاع الإستدعاء ولكن عندك استدعاء في 2013 و واحد في 2015 يعني حتى ولو حكمو عليك الملف ممكن يرفضوا يعطولك اعفاء خطراكش خرجلك امر إلتحاق

sido-mascara · 2017-04-27, 13:11

لكن انا لم أستلم أي استدعاء أو أي أمر بالالتحاق و مارانيش روشارشي شافلي واحد صاحبي في الشرطة و قالي مراكش روشارشي

علي لقواطي · 2017-04-27, 13:16

ليس بالضرورة تستلم أمر الإستدعاء او الإلتحاق و نهار يحكمو عليك الملف و تمر على اللجنة ممكن يعطولك اعفاء و ممكن يقولولك عندك اوردابيل ياسر و ممكن يرفضو يحكمو عليك الملف اصلا يقولولك راك قريب تخرج عاصي

sido-mascara · 2017-04-27, 13:22

انا قالي ارجع على شهر و جيب نسخة من ديبلوم و نسخة من بطاقة التعريف هذا ما معناه ؟

علي لقواطي · 2017-04-27, 14:34

هذا الايام راهي فترة الاوردابيل فوت هذا الشهر ولا شهر و نص و عاود ارجعلهم و ادي معاك واش قالك جيب

sido-mascara · 2017-04-27, 15:03

انا حبيت نسوي وضعيتي قبل ما نرجع عاصي علاه راني نستفسر بزاف وشكرا اخي علا اهتمامك غير انت راك جاوب في الاخوة و تساعد فيهم ربي يجعلها في ميزان حسناتك

علي لقواطي · 2017-04-27, 23:16

و الله خويا راني حاس بيكم راني كنت كيما انتم و في حالة و ناب عليا الله بالإعفاء و الحمدلله و نعاون بالحاجة لي نعرفها و فاتت عليا