كل ما يخصكم عن المدرسة التطبيقية للقوات الخاصة ببسكرة

man_aek · 2016-01-15, 18:46

انا هنا لكل ما تحتاجونه عن المدرسة ببسكرة

mavii69 · 2016-01-15, 19:27

كيفاش داير ستاج بالنسبة لضباط الاحتياط.. ؟

man_aek · 2016-01-15, 21:55

اقتباس:

المشاركة الأصلية كتبت بواسطة mavii69

كيفاش داير ستاج بالنسبة لضباط الاحتياط.. ؟

الستاج صعب و صعب بكثير من الرياضة لكن و الله تفوتوها بالقدر وواحد ما يمس الشرف تاعكم
كامل ولاد فميليا بصح نحدرك ما تروحلهاش ميتاصيو فيها غي جبل

akramov · 2016-01-16, 00:01

سلام اخي احكيلنا شوية على ظروف المعيشة:النوم الاكل الهاتف.... و هل صحيح ان المدرسة فيها فائض كبير و يمدو اهمية للبنية الجسدية مثلا انا شوية سمين 95 كغ و عندي الكرش.... يعني كاين ناس هكذا و يشدوهم و كيفاش يديرو التديبات معاهم و اذا تقدر تعطينا البرنامج اليومي تقريبيا و سمحلنا علابالي كثرت

man_aek · 2016-01-16, 23:23

اقتباس:

المشاركة الأصلية كتبت بواسطة akramov

سلام اخي احكيلنا شوية على ظروف المعيشة:النوم الاكل الهاتف.... و هل صحيح ان المدرسة فيها فائض كبير و يمدو اهمية للبنية الجسدية مثلا انا شوية سمين 95 كغ و عندي الكرش.... يعني كاين ناس هكذا و يشدوهم و كيفاش يديرو التديبات معاهم و اذا تقدر تعطينا البرنامج اليومي تقريبيا و سمحلنا علابالي كثرت

السلام عليكم اولا اخي ساجيبك عن سؤالك الاول
المعيشة و الاكل سيء جدا جدا لانكم في البدء ستقون تنامون في مخيمات و بعد اختياركم تبدؤؤون النوم في شالي فيه 35 فرد و هم يختارون 42 فرد
من ناحية الفائض المدرة تختار 42 فرد و الاخرون كلهم اعفاء اي لا يوجد بها سورسي بتاتا يا تفوتها يا تاخد الاعفاء نهائيا
من ناحية الاختيار ما يكدبوش عليك كان معايا واحد تميتا للبلاصا اللي انا فيها من تموشنت وزنه 131 كيلو هل تصدق و اختاروه لان فيها العرف كثيرا
وواحد اخر فوتها معايا فيه 1.60 م
من ناحية البرنامج في البداية يكثروا عليكم الرياضة و اللورد سيري يتعبوك بيها كثير و من بعد تبدا الدراسة كثيرا

akramov · 2016-01-17, 00:27

مشكور اخي حبيت نزيد نسقسيك شحال كاين لي داوها فائض كي جوزتو و اذا ماكاش معريفة مالا الواحد مايطمعش

man_aek · 2016-01-17, 09:40

اقتباس:

المشاركة الأصلية كتبت بواسطة akramov

مشكور اخي حبيت نزيد نسقسيك شحال كاين لي داوها فائض كي جوزتو و اذا ماكاش معريفة مالا الواحد مايطمعش

نعم يا خويا ادا ما كانش عندك اي شيء لا دوسيي لا والو راك 100/100 مقبول لان المدرسة لا ياتوها الكثير بالاكثر 99 شخص فقط و دفعة سبتمبر لم ياتي الا 55 شخص لان الناس في الاول لم يكونوا يعرفونها جيدا لكن حاليا الكل اصبح يتفاداها
لان الميتاسيو فيها صعيبة و تخدم بر و الجبل عادي مثلا انا طيبني الساكودو في غورايا

محفوظ البسكري · 2016-01-18, 07:56

مدرسة القوات الخاصة اصعب مدرسة تاع بسكرة

sadame1991 · 2016-01-25, 14:32

هل صحيح خدمة غير جبل ومكافحة الارهاب
بالنسبة لى لضباط الاحتياط هل محقورين ام لا لان صديقى عطولوا مدرسة قوات الخاصة
ممكن تشرحلنا امور كثيرة فيها وشكرا
لانوا مزال مهوا معول يروح غير في 27

djahid 46 · 2016-01-25, 21:58

27 بزاف راو مريسكي لانه العام اللي فات ف 27/01/2015 تغلقت لا ليست
بالتوفيق

ضابط كبير · 2016-01-26, 22:04

هل يمكن لظابط احتياط التحاق بالجيش بعد اكماله الخدمة في مدرسة ؟
وما فرق بينها وبين مدرسة بوغار للمغاوير
بنسبة لمكافحة الارهاب هل يعمل الاحتياط ايضا مكافحة ارهاب ام لا ؟

man_aek · 2016-01-27, 01:44

السلام عليكم بشوية شباب بشوي هههههههههه
بخصوص الالتحاق ب 27 راه مريكسي العام لي فات اتغلقت ب 27 مساءا
اما الاحتياطيين نعم تعملون مكافحة ارهاب و تعملون كل شيء و انا فعلت دلك مثلك مثل اي ضابط متعاقد

و الفرق بين بسكرة و بوغار في المدية ليس بالفرق الكبير سوى ان الجنود المتعاقدين في بوغار و الرقيب و الضباط في بسكرة
زد القفز في بسكرة فقط و لا يوجد في بوغار

man_aek · 2016-01-27, 01:45

اقتباس:

المشاركة الأصلية كتبت بواسطة sadame1991

هل صحيح خدمة غير جبل ومكافحة الارهاب
بالنسبة لى لضباط الاحتياط هل محقورين ام لا لان صديقى عطولوا مدرسة قوات الخاصة
ممكن تشرحلنا امور كثيرة فيها وشكرا

لانوا مزال مهوا معول يروح غير في 27

حسب الميتاسيو خويا هنالك قائد سريةيعاملك عادي و هنالك من هو ابن الكلب حاشاكم خوتي
يحرث عليك

Oussama taleb ahmed · 2017-04-20, 20:29

خويا لعزيز حبيت نسقسيك انا عندي مستوى ثالثة ثانوي حاب نلتحق بالقوات الخاصة و الملف جاهز اسكو يتبعث بالبريد او يتمد باليد و وش هيا الرتبة لي ممكن نروح بيها و اسكو الفيزيت هنا في بسكرة ؟ و شكرا