اخت في حاجة لمساعدتكم ,,,شطورات المنتدى

[soumaya18]

السلام عليكم غالياتي
عرس اخي قريب ان شاء الله العاقبة لافراحكم
حبيت نعمل حلوى محشية بنيستلي كرامال ولانه ما عنديش الوقت لازم نعملها فبل بوقت يعني 15 يوم تبقى في العلب
لكن راني خايفة اذا يفسد الكراميل ويفسد الحلوة
نفس المشكل مع جاناش الشكولا حابة نحشي الصابلي بجاناش الشكولا لكن ما نعرفش مدة الصلاحية تاعه خاصة انه فيه كريمة طازجة
واش رايكم في حشوة الصابلي اقصد الجاناش مليحة ولا تقتارحو عليا حشوة اخرى
نتمنى ربي يدوملكم افراحكم ,,,ويرزقكم باللي تتمناو
شكرا مقدما

[fleur de lili]

مساء الخير اخت soumaya .
شوفي أختي ميصلحش تحشي القاطو بنستلي كرامال لمدة 15يوم.لان راح يطري بز اف.
تقدري طيبي تاغتولات ووخبيهم في المجمد. او في علبة تتغلق مليح حطيهم في ثلاجة
منصحكش ديري القاناش في القاطو حال سخون بزاف.البديل ديري .
كاوكو مرحي شوية خشين مع معجون وشوية حلوة الترك وحشى صابلي عادي.
أنشاءاالله نكون أفدتك ولو بلقليل حتي يزيدو يدخلو الاخوات وعونوك.
كلش مبروك.

[&ام ايوب&]

سلام ختي
انا من راي فلور ديري الصاباي وخبيه وكي يقرب العرس عمريهم والكريمة لازم تخليها تغلي هكا الغاناش مايفسدش ويشد حتى 15يوم
وشوفي هاد الوصفة للغالية ام اماني ان شاء الله تفيدك
https://oumamani.over-blog.com/2015/0...f080-1d97.html

[جَمِيلَة]

وعليكم السلام ورحمة الله وبركاته
مرحبا أختي سمية مبارك لكم
من المفروض ما تحتاجيش تخدميهم قبل بوقت طويل مادامهم 2فقط
وخدمتهم سهلة
تقدري تخدمي القوالب وحدهم وتخبيهم يعني وكأنك تديري تحضيرات
ومن بعد تعمريهم فقط كي يقرب الوقت
في الحقيقة تقدري تخلفي لآخر يومين أو ثلاث أو حتى أربع أيام وتخدميهم لأنه عملهم سهل وما يطلبش مراحل كثيرة
فقط انتبهي عند التجميد مالازمش يدخل الماء ولازم تغطيه مليح
باه ما تدخلش رائحة الثلاجة وويفسد الطعم.
بالنسبة لمدة الصلاحية تبعي واش مكتوب في علبة النيستلي والكريمة
والشوكولاطة، يعني أي مكون تحطيه اعرفي مدة صلاحيته
قدري مدة تكون مناسبة ومن بعد سجليها في علبة التخزين
بالنسبة لحشوة الجاناش مليحة اختاري اللي تكون ثقيلة في القوام
باه تقدري تتحكمي فيها وتخرجلك ممتازة
بالتوفيق أختي
تحياتي

[soumaya18]

fleur de lili يا أختي بارك الله فيكي
عندك الحق حتى انا خممت فيها راح نعمل كل الجينات تاع كامل الانواع ومبعد نحشي و نطلي
بالنسبة للجاناش انا ندخله في الثلاجة يتماسك ويولي عجينة و بعد نستعمله
للمرة الثانية نشكرك وتاكدي نصايحك خديتهم بعين الاعتبار

[soumaya18]

[QUOTE=&ام ايوب&;3996975489]سلام ختي
انا من راي فلور ديري الصاباي وخبيه وكي يقرب العرس عمريهم والكريمة لازم تخليها تغلي هكا الغاناش مايفسدش ويشد حتى 15يوم
وشوفي هاد الوصفة للغالية ام اماني ان شاء الله تفيدك
https://oumamani.over-blog.com/2015/0...f080-1d97.html[/Q

شكرا اختي
وهذا نفس الجاناش اللي كنت راح نعتمده
ربي يجازيك

[soumaya18]

المشاركة الأصلية كتبت بواسطة جَمِيلَة

وعليكم السلام ورحمة الله وبركاته
مرحبا أختي سمية مبارك لكم
من المفروض ما تحتاجيش تخدميهم قبل بوقت طويل مادامهم 2فقط
وخدمتهم سهلة
تقدري تخدمي القوالب وحدهم وتخبيهم يعني وكأنك تديري تحضيرات
ومن بعد تعمريهم فقط كي يقرب الوقت
في الحقيقة تقدري تخلفي لآخر يومين أو ثلاث أو حتى أربع أيام وتخدميهم لأنه عملهم سهل وما يطلبش مراحل كثيرة
فقط انتبهي عند التجميد مالازمش يدخل الماء ولازم تغطيه مليح
باه ما تدخلش رائحة الثلاجة وويفسد الطعم.
بالنسبة لمدة الصلاحية تبعي واش مكتوب في علبة النيستلي والكريمة
والشوكولاطة، يعني أي مكون تحطيه اعرفي مدة صلاحيته
قدري مدة تكون مناسبة ومن بعد سجليها في علبة التخزين
بالنسبة لحشوة الجاناش مليحة اختاري اللي تكون ثقيلة في القوام
باه تقدري تتحكمي فيها وتخرجلك ممتازة
بالتوفيق أختي
تحياتي

اشكرك على الرد
والله عندي اكثر من نوع ماشي غير هادو
راح نعمل بهاذ النصيحة
اوالجاناش راح نجرب ان شاء الله
بارك الله فيكي