الجزء 186 من كوزينة واش طيبتي اليوم على المحبة و الوفاء مجتمعون وللكوزينة مخلصون - الصفحة 99

أم فاطمه · 2018-02-09, 08:49

اقتباس:

المشاركة الأصلية كتبت بواسطة fifilondon

سلاني لكل وحدة تدخل نقلها صخى قهوتك وتفضلو فطور صباح من عندي

صباح الخير فيفي ليوم سبقتينا بصحتك القهوة ولي معاها مممممممم

أم فاطمه · 2018-02-09, 08:54

صباح الخير اخواتي الكريمات

.

ام هدول · 2018-02-09, 09:22

جمعه مباركه اللهم صلي وسلم على سيد الخلق. محمد. الهادي. الأمين.
شكرا فيفي وان فاطمه على الفطور ..شكرا رووعه. على الصور المنقوله..روووووعه حيوته. بصحتك لمحاجب امممممم. سخفتيتي فيهم نحبهم
غدايا بواقي..ولعشا اكيد محجوبه عندي مده مادرتهاش. غيرشفتها عند حيوته...تفكرتها. وزيد البرد...هداك هو لحساب. نخليكم في امان..يومكن موفق

أم فاطمه · 2018-02-09, 10:12

صباح الخير ام هدول وجمعة مباركة. لكامل فحلاة المنتدا

حياة نور الدين · 2018-02-09, 11:19

صباح الانوار خياتي

ام فاطمة وفيفي وام هدول عيونكم الحلوة خياتي وشهيتكم في الجنة

ام فاطمة يعطيها الصحة فطوم وربي يعطيها سعد راضي يااااا رب ويفرحها

فيفي يعطيبك الصحة على القهيووة

ام هدول مزية دبرتي العشا هههههه وبصحتكم البواقي

روعة اهلااا واش راكي وشكرااا على المنقولات

فطوري كسكس بالفول الجلبانة واللبن

Fifilondon · 2018-02-09, 13:02

اهلا ام فاطمة نهارك مبروك وجمعة مباركة وشكرا على الحلويات امممم تشهي ام هدول صباح النور وجمعة مباركة وبصحتك البواقي للفطور ولمحاجب للعشا اممم
حياة صباح الخير وجمعة مباركة بصحتك الطعام بالفول

Fifilondon · 2018-02-09, 13:10

كل الغايبات نقلهم طمنونا عليكم راهي الكوزينة خلاصت ويا درا اءا زدنا تلاقينا
فطوري ابيوم حريرة وغراتان الشفلور اممممم

طيور الجنان · 2018-02-09, 13:57

سلاااام حبيباتي توحشتكم توحشتكم بزاااااف بزااااااف اسمحولي طولت الغيبة لظروف ربي اللي عالم وصلنا خبر بللي شيخي مسكين ضربتو لاطونسيون رحنا راجلي ماقدرش يصبر خلى الخدمة و رحنا لقيناه مريض مسكين ربي يشفيه و يحفظو قلبي تقطع عليه ان شاء الله يرجع كي زمان .

Fifilondon · 2018-02-09, 15:10

اقتباس:

المشاركة الأصلية كتبت بواسطة طيور الجنان

سلاااام حبيباتي توحشتكم توحشتكم بزاااااف بزااااااف اسمحولي طولت الغيبة لظروف ربي اللي عالم وصلنا خبر بللي شيخي مسكين ضربتو لاطونسيون رحنا راجلي ماقدرش يصبر خلى الخدمة و رحنا لقيناه مريض مسكين ربي يشفيه و يحفظو قلبي تقطع عليه ان شاء الله يرجع كي زمان .

اهلين سعيدة الحمد الله على سلامتك ختي والف لاىباس على شيخك ربي يشفيه ويرجعلو صحتو بي يكون معاكم ومعاه يارب صبر جميل الله المستعان

Fifilondon · 2018-02-09, 16:00

خلصت الحكاية
خلاص احنا في اخرها
وصلنا للنهاية
وبالخير حنفتكرها
اخواتي في الله كما جرت العادة لكل بداية نهاية وهدا الجزء من الكوزينة لحق للنهاية الرحلة كانت راءعة وممتعة رغم بعض الظروف ولانتكاسات لي حازت علينا لكن ابينا الا ان نكون مع بعض نساند بعض لنحافظ كلنا على هذا الصرح الذي فيه محبتنا ولمتنا وفيه اخوتنا وصداقتنا وفيه تراثنا وتقاليدنا ولي احنا منو فيه عايلة واحدة
انا لما قررت اني افتح هدا الجزء من الكوزينة كان كل املي اني نحافظ وانتم معايا اكيد على هاد اللمة الزينة وانتم كنتم خير سند ومعين ربي يشهد عليكم انكم كلكم دون استثناء وقفتو معايا وشاركتو معايا باه نلحقو وين رانا اليوم
اليوم ومن هدا اىصرح حبيت نشكر كل الاخوات لي مرو من هنا وتركو بصماتهم العطرة باىمحبة والخير والاحسان واقصد بذلك اطابقهم الراءعة وكلماتهم الطيبة ومشاعرهم النبيلة ودعواتهم الصادقة لمل وحدة كانت تمر بزروف صعبة
ام هدول ام فاطمة ام رحاب رزيقة روح مراد فضيلة وردة ام يوسف حياة سحابة طالبة تاريخ طيور الجنان ريمة نهال امنية غفران هديل وجوري روعة الصحراء نشكر كم وكلمة شكر قليلة في حقكم نشكركم من اعمااق قلبي على كل شيء حطيتوه في الكوزينة وعلى كل كلمة قلتوها وعلقتو بيها
حبيت نتوجه بالدعاء الى الاخت امنية غفران بالشفاء العاجل طهورا ان شاء اللع
وندعي ربي يشفي عجوزة اختنا حياة وشيخ اختنا سعيدة يا رب
ان شاء الله يعطيكم صحتكم على قد اعماركم ويفرج همكم ويقضي حاجتكم ويانس وحدتكم ويشفي مرضاكم ويرحم موتاكم ويسجي ويليداتكم ويرزقهم الصحة والعافية ويبارك لكم فيما رزقكم ا شاء الله
ان شاء الله كيما افتحنا هاد الكوزينة على امل المحبة والوفاء مجتمعون استودعكم الله على امل ان نلتقي من جديد
ولان المحبة والوفاء شعارنا ساترك النهاية مفتوحة .......في انتظار نا ستحمله الايام المقبلة الى حين ذلك لكم مني اسمى عبارات الحب والاحرام والتقدير لاغلى اخوات في الله
سلاااااااااام

ام هدول · 2018-02-09, 16:33

شكرا. فيفي. شكرا. الف شكر كنت رائعة. تستاهلي كل خير تحيه تقدير واحترام ليك ولكل من وقفت وتفانت باش يبقى هاد الركن واقف وصامد

طيور الجنان · 2018-02-09, 20:20

فيفي حبيبة شكرا والله كلامك مؤثر جدا ربي يحفظك و يحفظلك الكتكوت و كووينتك كانت هاااايلة خسارة الظروف ساعات تبعدنا.
شكرا على الدعاء ربي يشفي جميع المرضى اااامين.
واش بيها امنية غفران تقلقت عليها و عجوزة خياة ربي يشفيها اااامين.

أم فاطمه · 2018-02-09, 21:01

اهلا اختي فيفي حبيت نقولك كنتي رائعة وقمتي بضيافك على اكمل وجه انشاء الله تكون في مبزان حيناتك

طيور الله يشفي ختنك حنا نقلولو ونتوما تقولو شيخي
حياة الله يشافي ختنتك
امينة الله يشفيك
رزيقة عطلة سعيدة

طالبة. ام هدول نهال ام يوسف ام رحاب كلكم رائعين
لبنات على بالكم كي تكون الكزينة مفتوحة نحس كاننا نعشو في بيت واحد رغم المسفات لاكن كي تكمل نحس بلغربة والوحدة. الله يدوم لمتنا ويقدرنا على الخير

ام هدول · 2018-02-10, 13:09

السلام عليكم. واش نو هدا ????
هدا طلاق بالثلات للكوزينة! !!!!
تغديت. جاري فريك مع كسره رخسيس. والحمد لله....تحياتي

Fifilondon · 2018-02-10, 14:36

سلام عليكم ام هدول سعيدة ام فاطمة شكرا على الكلامك الطيب والله كلامكم شهادة نعتز بيها ربي يحفظكم
هههه ام هدول لاوتتحسري ولا تتاسفي هدا الركن من المنتدى راه يحتظر خلاص مبقالوش للاسف دوام الحال من المحال