اقتراح لمحبات المفارش .

[سندس1967]

ام عبد الله
ما شاء الله خرج يهبل .........يعطيك الصحة ........يعني ذرك نخلي شغلي ونخدم واحد ولا كيفاه يا ام عبد الله راكي غيرتيني....بارك الله فيك

بصح ما لازمش ننساو الاستغفار اثناء العمل راه فيه فائدة عظيمة

[أمّ عبد الله]

شكرا على الإطراء أختي سندس ... هذا من ذوقك ..... خلي نستناو الناب القادم و نخدموه كيف كيف
و فيك بارك الله


أكيد معك حق .... تحسي بأنّ الوقت لي راكي تفوتيه و أنتِ تخدمي ماشي ضائع ... بالعكس استغليتيه في شيء عظيم
ألا و هو ذكر الله

[crono]

المشاركة الأصلية كتبت بواسطة سندس1967

crono

وفي بارك الله خسارة كملقيتيش لزقوي سركيلار لان خدمة هذه المفارش متعة وتطلع بلخف

المشاركة الأصلية كتبت بواسطة صفاء النفس

ان شاء الله تصبيه وتتعلمي مادامت عندك الرغبة.. وكيما قالت الأخت سندس فيه متعة .. حتى اللي عود متقلق ينصحوه الأطباء بخدمة لي زيg وي ..
والأخت أم عبدالله راهي قطعت النفس وين راك حنونة في خدمتك .
اصبرو عليا شويا .

ان شاء الله تصبيو راني هابلة عليهم قلبي محروق على هذه الخدمة
و بالتوفيق في اعمال أخرى أخواتي صفاء النفس سندس1967 وأمّ عبد الله

[صفاء النفس]

المشاركة الأصلية كتبت بواسطة أمّ عبد الله

السلام عليكم و رحمة الله و بركاته

لالا أختي صفاء ما زالني نتفس ... هههههه .....
تخسرلي تيليفوني و ما لقيتش باش نصور

هاهو المفرش راني كملتو ........ إن شاء الله يكون في المستوى



أعتذر على رداءة الصورة ........ تيليفوني راه ينازع



أختي صفاء أنتظر المفرش القادم .... إذا قدرت نخدمو راني نخدمو و إذا مكاش ماما تخدمو في بلاصتي

واشي هذا ياالحنونة خمسة وخموس عليك الله يبارك .
تهانيا .. يوم الجمعة ان شاء الله نحطلكم الناب .. ورولي شطارتكم يالفحلات.. بالنسبة للماما خليها تشارك معانا .
وزيد الأخت كرونو تنظم لينا ونفتحو ورشات .. واش قلتو .

[أمّ عبد الله]

الله يبارك فيك أختي صفاء ... أشكرك أختي على هذا الموضوع الذي استفدت منه كثيرا

حسنا راني قلتلها باش تشارك .... و وافقت

أختي crono أسأل الله أن ييسر لكِ إقتناء ليgوي سيركولار ...

[جويدة2]

السلام عليكم و رحمة الله و بركاته

حبيت نشارك معكم بالموضوع لاني عندي خبرة في الخدمة هده و اشتغلت بيها عدة اشياء من مدة كما اني قدمت هنا في المنتدى موضوع اعرض فيه تقديم المساعدة ولكن لم اجدالاقبال ولما جات الفرصة انضم اليكم وبالنسبة للعضوة التي سقسات هل المفارش تتحدد او لا نقولها نعم تتحدد و تقدري كدلك تيبسها يعني ترجعها واقفة مش مرخوفة كدلك كاينة طريقة تغسلي بيها المفرش كي تكمليه تخليه ناصع البياض وكانك لم تلمسيه خصوصا اللون الابيض كما عارفين يتوسخ من الخدمة و لا تفتاق عدة مرات كما اني عندي موديلا ت اي كتب سوف اضعها لكم فيهاعدة اشكال و حتى المفارش البيضوية و المربعة كدلك نعتلكم كيفية تصغير حجم الباترون لما يعجبك الموديل و يكون كبير جد تقدري تنقصي فيه وتتحصلي على مفرش اصغر.واي استفسار انا طبعا في الخدمة مع طلب الاذن من اختي صفاء النفس صاحبة الموضوع.و شكرا

[صفاء النفس]

المشاركة الأصلية كتبت بواسطة جويدة2

السلام عليكم و رحمة الله و بركاته

حبيت نشارك معكم بالموضوع لاني عندي خبرة في الخدمة هده و اشتغلت بيها عدة اشياء من مدة كما اني قدمت هنا في المنتدى موضوع اعرض فيه تقديم المساعدة ولكن لم اجدالاقبال ولما جات الفرصة انضم اليكم وبالنسبة للعضوة التي سقسات هل المفارش تتحدد او لا نقولها نعم تتحدد و تقدري كدلك تيبسها يعني ترجعها واقفة مش مرخوفة كدلك كاينة طريقة تغسلي بيها المفرش كي تكمليه تخليه ناصع البياض وكانك لم تلمسيه خصوصا اللون الابيض كما عارفين يتوسخ من الخدمة و لا تفتاق عدة مرات كما اني عندي موديلا ت اي كتب سوف اضعها لكم فيهاعدة اشكال و حتى المفارش البيضوية و المربعة كدلك نعتلكم كيفية تصغير حجم الباترون لما يعجبك الموديل و يكون كبير جد تقدري تنقصي فيه وتتحصلي على مفرش اصغر.واي استفسار انا طبعا في الخدمة مع طلب الاذن من اختي صفاء النفس صاحبة الموضوع.و شكرا

وعليكم السلام أختي جويدة .
نورت الصفحة .. ولله الحمد كي نصيبو أخوات يثرينا الموضوع بالشي اللي يقدرو عليه ونستفادو منو جميعا منهن أنا .
ومرحبا بيك وبكل اخت عندها رغبة في التعليم والتعلم .. شيء جميل كي نوجد هدا التفاعل ونقرب الفكرة وتكون هدي الصفحة مرجع لينا .. مرحبا بيك أختي جويدة شوقتينا بالبزاف ننتظر مساهماتك وجعلها الله في ميزان حسناتك
واغتنم هدي الفرصة لأوجه التحية والشكر للأخت كرونو على تثبيت الموضوع واللبة أم عبدالله اللي خلات الموضوع متجدد بتدخلاتها وإثرائها وباقي الأخوات اللي راني نستنى فيهم باش يكتفيو شوية .. الأخت سندس والأخت حورية واللي ماذكرتهاش ماشي معنى نسيتها .. ربي يوفقنا جميعا ونرسيو بنك لذلك .
أختي جويدة مرحبا بيك وراكي أثلجت صدري بارك الله فيك .. راني نستنى فيك ماشي انا برك ام عبدالله تاني تحية كبيرة ليك . الله يحفظك ويسسر لك اعمالك ونشوفك منورة الموضوع .

[la belle fleur]

بارك الله فيك اختي صفاء والله يا التريكو ماحبش يدخل في راسي واش ندير؟ نحاول نزيد نتبع لعل وعسى ينفتح راسي لهذا الخدمة
واختي جويدة انا شفت موضوعك وكانو البنات يطالبو بوحدة تعلمهم التريكو وانت عرضتي خدماتك وفرحنا كلنا وانتظرنا طويلا ولكنك اختفيتي

[سندس1967]

جويدة2

مرحبا بك معنا انضمامك الينا راح يخلي العائلة تكبر واللمة تحلى فرحتيني ربي يفرحك في صحتك

ولعندك واعتبري ان ما تقدمينه صدقة جارية ان شاء الله

وراكي شوقتيني بزاف وبارك الله فيك وفي والديك

[جويدة2]

اليكم حبيباتي الصور في ا نتضار الموضوع الدي بعض كتابته طار ففضلت متروح مني الصورو تشوفهامعي و تختارو ادا عجبتكم موديل نحطلكم الباترون و نتعون في انجازه سوى كان دائري او مربع او اوفال او اي موديل تختاروه من عندكم و في المساء سوف اعيد كتابة الموضوع لاوضح بعض النقاط المهمة مشاهدة ممتعة تحياتي

[سندس1967]

جويدة2

ماشاء الله اليوم ما نرقدش يا الحبيبة
كامل شابين ما ذابيك تحطيلنا كامل لمودال راني شفت راهم بالباترون والشرح وربي يخليلك صحتك ويحقق لك ما تتمناي ان شاء الله

انا عندي مودال واحدكان عندي من عام دقيوس كتعلمت هذه الخدمة راني نخدم فيه كنكملو نحطهولكم تشوفوه والمودال راني سكانيتو ايضا ونحطهولكم عن قريب ربي يخليك لينا يا جويدة اسم على مسمى جويدة وجدت علينا بهذا الخير ان شاء الله في ميزان حسناتك

[djamilach23]

الله يعطيكم كامل الصحة والعافية . الله غالب ليزgوي سيركيلار اختفاو يا ريت الي صابتهم في مدينة عنابة تدلنا على المحل لاني مع لا تونسيون رايحة نطرطق.

[سندس1967]

djamilach23

والله العظيم وجيتي قريبة لي غيرنشريهملك هدية من عندي خاطرش راني حاسة بيك وبعيد الشر عليك لاتنسيون

[جويدة2]

اهلا بلجميع و شكرا عل الدعوة والترحيب ان شاءالله الكل يستفيد
اعتدر للاختي لقالت بلي انتضرتني و لم اجب عن طلبها و الله ليس جحود او بخل وتروح تشوف مواضعي الاولى راني نحط طريقة عمل اي شيئ اعرفه لكن مرت بي ضروف صعبة لم تتركني ادخل المنتدى نهائيا لكن الحمد لله راني رجعت و ساعوض عليها ان شاء الله و تصبح معلمة.

نعود للموضوع خصك لزيقوي سركيلارانا عن نفسي نبدا بهم لكن نشبح شوي الخيط و منبعدش بين يداي يعني نحاول نقرب لزيقوي قدرالمكان باش ميجوش هديك الفتحات كبيرة اما لتختار تبدا العمل بلزقوي تع 5 متلقاش هدا المشكل .


هناك مصطلحات مهمة لازم تعرفيها
maille endrois
maille envers
maille torseمهمة جدا هناك في قوقل فديو يشرحدلك راه ساهل و مفهوم
surjet simple
surjet double
2maille ensemble
jeté

هدو هوما اهم الغرز سهلين وفي قوقل موجودين فيديو هات يوضحوهم
بخصوصا المبتدءات نحب نشوفهم يشاركو و يتعلمو راه ساهل وانا هنا لازيل كل اللبس .

ندكركم يجب في البداية ان تحسبي les maille باش متطريش تفتقيه وتكره و يجيك الاحباط و تنسحبي
بالنسبة لjete خاصة المبتدئة مضيعيهاش لانها تكون عبارة عن خيط لكن عندما تغلقيها في الدور التاني تصبح تقب و تحسب maille

جميع السطور الزوجية عبارة عن maille enverبمعنى غلق لسطر الدي قبله يعني السطر الفردي نعمل الغرز السطر الزوجي نعمل maille enver
بالنسبة للمفارش الصغيرة حبدا لو نيبسها بتقنية النشاء باه تجي واقفة و يبان الرشام تعها وسوف اريكم الطريقة لما ننجز المفرش و تشوفو الفارق

كدلك عندالانتهاء من المفرش خصوصا بلون الابيض هناك تقنية نغسل بها المفرش لكي يصبح ناصع البياض .وسوف اريها لكم في حينها

الان اعدروني لاني طولت عليكم و لكن حبيت تعرفو كل شيءولما نبدا في الشغل ميكون حتى شيئ مش مفهوم وانا جاهزة للاسئلة

اختارو اي موديل و سوف اضع الباترون ونعمل علية خطوة حطوةحتي ينتهي.وشكرا في امان الله.

[سندس1967]

جويدة2

بارك الله فيك انا كنت طماعة وقلت لك حطيلنا كامل لمودال بصح معليش لو تفضلت باترون وشرح هذا المودال ويعطيك الصحة

ملاحظة
ممكن تكبري وتحمقي شوية الكتابة راكي تعرفي لازم نحافظو على عينينا