درت خبز الدار وخرجلي معجن واااااااااااااع

[raboha]

المشاركة الأصلية كتبت بواسطة ام ايمان16

شكرا اختي
يعني نستنى حتان يخسرلي لحليب باش نجربها هههههههههه
بارك الله فيك

وعلاه حتى تسنايه دريلو القارص و لا الخل و خسريه
أنا كل منحب نديرو بريوش نخسر 3 شكاير فالليل و نخليهم يقطرو

[استحسان]

السلام عليكم أختي الخبز يخمر زوج مرات الاولى بعد ما تلميه تخليه يخمر مليح ثم تقرصيه وتخليه يزيد يطلع مليح باش تطيبيه.

[ماروكو الكبيرة]

انا اعتقد شيحتى العجينة عليها جاءت معجنة
او مخليتيهاش تخمر مليح
انا نخليها تخمر ونكسرلها تخمار ونعاود هذه العملية اربع مرات
نحصل على خبز ولا اروع

[ام رضوان]

شوفي اختي مقاديرك صحيحة لكن الطريقة خاطئة
اي خبز او بريوش اومطلوع او اي شيء فيه الخميرة لازم على الاقل يختمر 2مرات
عاودي جربيه وكي تلمي العجينة غطيها بقطعة نيلو ودفيها وخليه يختمر مدة ساعة وبعدها فشيلو التخمار ماتعجنيهش فشيه فقط وبعدها ادهني البلاطو وقرصي الخبز وادهنيه وخليه يخمر مرة اخرى حتى تشوفيه طلع مليح ولوحيه يطيب في فرن مسخن مسبقا .
رايح يخرجلك خبز روعة باذن الله..

[ام ايمان16]

يعطيكم الصحة
دايما نسخف ندير الخبز ونوع فيه لكن انا وياه اعداء دايما مايصدقليش ومايخرجليش مليح هو والبريوش ولعجين نتاع لمحاجب وااااااااااااع
منيش عارفة دايما نطيح في السميد موش مليح او لخميرة فاسدة او انا لي ماعنديش زهر مع الخبز ؟هههههههه

المشاركة الأصلية كتبت بواسطة raboha

وعلاه حتى تسنايه دريلو القارص و لا الخل و خسريه
أنا كل منحب نديرو بريوش نخسر 3 شكاير فالليل و نخليهم يقطرو

يعني مافهمتش كي تخسري لحليب ديري الماء نتاعو ولاهاذاك الجبن لي تصفيه ؟
ولاه ديري 3شكاير ؟هل لازم كمية كبيرة ام انتي ديري بزااف برك؟

المشاركة الأصلية كتبت بواسطة استحسان

السلام عليكم أختي الخبز يخمر زوج مرات الاولى بعد ما تلميه تخليه يخمر مليح ثم تقرصيه وتخليه يزيد يطلع مليح باش تطيبيه.

وعليكم السلام
ممكن كنت غاصبة شوية ماخليتوش يخمر وهو عجين او البرد ايضا كان بزااف في الدار بردلي لعجينة ؟
ان شاء الله يصلحلي المرة الجاية

المشاركة الأصلية كتبت بواسطة ماروكو الكبيرة

انا اعتقد شيحتى العجينة عليها جاءت معجنة
او مخليتيهاش تخمر مليح
انا نخليها تخمر ونكسرلها تخمار ونعاود هذه العملية اربع مرات
نحصل على خبز ولا اروع

لالااختي ناكدلك لعجينة ماكانش يابسة في يدي كنت ندري الفرينة بالشوية ونلايم ونحسها خفيفة في يدي يعني مايبستهاش
ممكن المشكلة كيما قلتو ماخليتوش يخمر وكسرتلو الخمور نتاعو
المرة الجاية نعطيه وقتو في الخمور

المشاركة الأصلية كتبت بواسطة ام رضوان

شوفي اختي مقاديرك صحيحة لكن الطريقة خاطئة
اي خبز او بريوش اومطلوع او اي شيء فيه الخميرة لازم على الاقل يختمر 2مرات
عاودي جربيه وكي تلمي العجينة غطيها بقطعة نيلو ودفيها وخليه يختمر مدة ساعة وبعدها فشيلو التخمار ماتعجنيهش فشيه فقط وبعدها ادهني البلاطو وقرصي الخبز وادهنيه وخليه يخمر مرة اخرى حتى تشوفيه طلع مليح ولوحيه يطيب في فرن مسخن مسبقا .
رايح يخرجلك خبز روعة باذن الله..

شكرا اختي ان شاء الله المرة الجاية نعاودو ويجي مليه كي نخمرو بزااف
ولكن شكيت ايضا اني كي دهنت البلاطو بالزيت ورشيت فيه الفرينة وقرصت فيه لعجينة ؟هل الزيت لي كان في لبلاطو ماكانش سبب في عدم اختمار العجينة في الفرن مثلا
مع اني دهنتو برك ماشي بزااف؟

[fati21]

ممكن لخميرة ميش مليحة
او ماخليتيهش يخمر مليح زيد الحال بارد حطيح حدا الشوفاج
جربي طريقة ان اماني انا والله عمري مادرت خبز الدار ومين جربت وصفتها ديما تصلحلي راني معتمدا الوصفة و مانبدلهاش 3سنين

[raboha]

جمعة مباركة و نهارك سعيد
كي تخسري الحليب ديري غير ذاك الجبن اللي تحكميه الماء ترميه
و كي نخسر 3 شكاير باش يخرجلي ياسر لخطرش نعبر بالشوب تاع القهوة كبير

[ام رضوان]

اختي البلاطو المدهون بالزيت والفرينة مش هو السبب
السبب ناكدلك وعن تجربة سببه التخمار
عاوديه وخمريه بالطريقة اللي نصحتك بيها وادعيلي دعوة الخير.

[ام ايمان16]

المشاركة الأصلية كتبت بواسطة fati21

ممكن لخميرة ميش مليحة
او ماخليتيهش يخمر مليح زيد الحال بارد حطيح حدا الشوفاج
جربي طريقة ان اماني انا والله عمري مادرت خبز الدار ومين جربت وصفتها ديما تصلحلي راني معتمدا الوصفة و مانبدلهاش 3سنين

لخميرة لي عندي عندها بزااف قلت بالاك كي طولت ولات ماتتفاعلش مليح مع لعجين ايضا
ان شاء الله كي نعاودو يخرج مليح

المشاركة الأصلية كتبت بواسطة raboha

جمعة مباركة و نهارك سعيد
كي تخسري الحليب ديري غير ذاك الجبن اللي تحكميه الماء ترميه
و كي نخسر 3 شكاير باش يخرجلي ياسر لخطرش نعبر بالشوب تاع القهوة كبير

ايه فهمت ضرك لاني كنت فاهمة تعجني الخبز بالماء نتاع لحليب الخاسر
شكرا لك

المشاركة الأصلية كتبت بواسطة ام رضوان

اختي البلاطو المدهون بالزيت والفرينة مش هو السبب
السبب ناكدلك وعن تجربة سببه التخمار
عاوديه وخمريه بالطريقة اللي نصحتك بيها وادعيلي دعوة الخير.

شكرا اختي
ان شاء الله كينعاودو نخمرو مليح وتكون لخميرة مليحة وتتفاعل مع لعجين باش يخمر

[وفاء حنونة]

انا ثاني حابة نسييه وخايفة .........

[/زهرة عصفور الجنة/]

لا تستعملي فرينة لابال
استعملي سيم ولازم العجينة جي تتلاصق دوك
نحوسلك الوصفة تاعي

[/زهرة عصفور الجنة/]

ام ايمان شوفي طريقتي يجيني خفيف وهايل وميتعبش كامل
https://www.djelfa.info/vb/showthread.php?t=1628089

[omjoujou]

شوفي اختي نعطيك طريقتي ناجحة مئة بالمئة والله ليوم برك زدت درتو راني حطيت الصورة تاعو في الكوزينة وذرك نزيد نحطلك صورتو هنا والله جاني خفيف ريشة وما يتشبعش والشيئ لي يعجبني ماتعجنيش خلاص والنتيجة تجي اكثر من روووووووعة
تقريبا مكوناتك نفس المكونات لي نديرها
2بيضات 2مغارف سكر مغرفة كبيرة خميرة الخبز كاس كبير حليب دافئ كاس سميد نص كاس زيت ملح سينوج وفرينة تشيحي بيها
في صحن كبير خلطي البيضات مع السكر بالفرشيطة ضيفي الزيت خلطي زيدي السميد وخلطي وفي الاخير ضيفي الحليب الدافئ والخميرة خلطي وخليهم يتفاعلو دقيقة برك ضيفي الفرينة والملح والسبنوج بصح ماتيبسيش العجينة خليها تلصق في يديك ضربي العجينة بيدك مدة دقيقتين برك غطيها وحطيها في مكان دافئ وخليها تخمر وهنا السر يعني كلما تخمر كسريلها لخمور وعاودي خليها تخمر وزيدي كسرليلها لخمور ل 4 حتى 5 مرات وامبعد شعلي لفور خليه يسخن مليح وفي هذاك الوقت ادهني السبنية تاعك بالزبدة وبلاتي العجينة تاعك ديري شوي زيت في يديك اذا شفتيها تلصق بزاف وامبعد ادهنيها بصفار بيضة مخلط مع قطرات من الخل الاحمر دردري عليها سينوج وجلجلانية وخليها تخمر 5 دقايق ودخليه يطيب وزيدي شعليلو من الفوق باه يحمار والله راح تتحصلي على خبز دار من اروع مايكون
اليوم كي عاودتو سرقت فكرة من ام ياسين تاع اللبن تبعت نفس خطواتي الا في لحليب بدلتو بكاس لبن وضفتلو ماء زهر باه ماتكونش فيه ريحة اللبن واكيد دفيتو فوق النار باه تخمر لخميرة وتبعت نفس الخطوات
جاء خبز الدار هشوش وخفيف نتمنى تجربي طريقتي وتدعيلي بالخير ذرك نجيبلك الصورة
تفضلي اختي الصورة راهي طازة ههههه درتو ليوم بالبن

وذرك. نروح نحوسلك على صورة اخرى درتو بالحليب
هذي صورة درتو بالحليب تاني جا روووووووعة

جربيه ومتندميش ولوكان جيتي قريبة نديرهولك ونجيبهولك سورتو كي قلتي تتوحمي الله غالب