تطبيقي لقلب اللوز باللبن بالشرح والخطوات المصورة

[ام اماني77]

بسم الله الرحمان الرحيم

طبقت قلب اللوز باللبن للاخت ليليا وكانت النتيجة اكثر من رااااااائعة ربي يفرحها ويجازيها عنا كل خير
لذلك قلت نحط التطبيق مع الشرح والخطوات وهذا تلبية لطلب الاخوات


المقادير:

6كيلات دشيشة الخاصة بقلب اللوز
3كيلات سكر
كيلة زيت
كيلة لبن
رشة ملح
فاني
رشة خميرة كيميائية

الشاربات

6كيلات ماء
3 كيلات سكر
قطرات من عصير الليمون
فنجال صغير ماء الزهر


الطريقة:

بالنسبة للكيلة المستعملة تعتمد على الصينية لي راح نطيب فيها قلب اللوز يعني اذا كانت الصينية كبيرة نستعمل كيلة كبيرة واذا صغيرة نستعمل كيلة صغيرة

نكيل الدقيق ونحط في الصينية ونشوف للارتفاع اذا شفناه مرتفع بزاف نقص في الكيلة واذا هابط نستعمل كيلة اكبر

https://



من بعد نحط الدقيق مع السكر والزيت ورشة الملح ورشة الخميرة الكيميائية وشوية فاني

https://

ثم نضيف كيلة من اللبن انا استعملت نتاع القارورة

https://

https://

نخلط المقادير غير بالاصابع راح نتحصل على هذا الخليط

https://
نضيف ماء الزهر غير بالشوية حتى يتكور في يدك يعني كي نحط كمية من الخليط في اليد ونحرك راح تتشكل عندي كويرة هذا يعني ان العجينة مليحة ماتحتاجش ماء زهر اضافي

https://


نغطي الخليط ونخليه يرتاح لمدة نصف ساعة

في هذا الوقت نحضر الشاربات

نحط السكر والماء مع قطرات ليمون على نار متوسطة ونحسب 10د من بداية الغليان ونطفي عليه ونضيف ماء الزهر

من بعد نشعل الفرن من الاسفل على 200د
ناخذ الصينية وندهنها بالزبدة ونحط الخليط في الصينية بلا مانضغط عليه
بواسطة ظهر ملعقة نعدله ونسقمه
ناخذ سكين ونشكل خطوط غير من فوق ونرشق حبات لوز

https://

ندخله للفرن ونخليه حوالي نصف ساعة المهم حتى نشوف الاطراف حمارت هنا نطفي من الاسفل ونشعل من فوق ونخليه حتى يتحمر ملييييح

من بعد نخرجه ونسقيه بالشربات مباشرة وهو سخون على مرة واحدة
https://

نعاود نرجعه للفرن وهو سخون ونغطيه بصينية اخرى ونخلي فتحة حتى مايعرقش

من الاحسن نخليه يبات من بعد نقطعه لكن مانظنش تصبرو عليه هذا المدة خخخخ اذن على الاقل نخليوه 6 ساعات يتشرب مليح الشاربات وهذا شكله بعد ماطاب

https://


هنا كنت عملتو بالدقيق نصف الغليط هايل لكن بالدشيشة احسن بكثير


https://


هذو السنيوات عملتهم لخواتاتي ربي يحفظهم

https://

https://

https://

شوفو كيفاه معسل وطري اممممم

https://


https://

نتمنى تجربوه خاصة ان شهر رمضان على الابواب

اللهم بلغنا رمضان



هذا الرابط

https://www.djelfa.info/vb/showthread...C7%E1%E1%C8%E4

[بريق الدجى]

ماشاء الله
يعطيك الصحة اختي ام اماني كفيتي ووفيتي
شجعتيني باه نطبق الوصفة
تسلم الأيادي

[nabila222]

واو اخت ام اماني حتى في التطبيقات محترفة ومبدعة ما شاء الله ربي يصونك من العين، وشكرا مجددا على التشجيع،

[الصوامعية]

اممممممممممم تطبيق وعليه الكلام
خرجلك هااااااايل
راهو حاب ينطق ويخرج من الصور

[نادية روز]

امييييييييييين يارب
يعيطك الف الف الف صحة وربي يحفظك على هذا الشرح الرائعة ان شاء الله نعاود نجربو اكييييييييييد وشكر خاص لصاحبة الوصفة ليليا شكرا
حبيبتي اام اماني ربي يخليلك اولادك شكرا

[أم التوأم]

هايل أختي أم أماني أنا كذلك نديرلو رشة خميرة يعطيك ألف صحة قوليلي كيفاش تقدر ندير الحشو تاع قلب اللوز يعني قلب اللوز محشي

[أنواار الإيماان]

تطبيق رااااائع مشكوووووورة والشكر موصول للاخت

[sara queen]

بارك الله فيك ام اماني فعلا وصفة رائعة حتى انا جربتو وعجب كامل العائلة فقط انا درت كيلة ونص سكر و جا سواسوا والشكر موصول لاختنا ليليا يعطيها الصحة

~~~~~~~~~~~~~~~~~~~

[راجية غفران ربها]

44444444444444444444444444444444444444444

[karimkhane]

بارك الله فيك

[sarah_sb]

بارك الله فيك على الشرح الوافي زدتي فدتينا اكثر بالشرح ديالك كيما نشكر صاحبة الوصفة ربي يعطيها الخير و انتي ايضا

[بريق الامل&]

بارك الله فيك

[ريماس وصهيب]

يعطيك الصحة

[*ام ادم*]

جات روعة يعطيك الصحة

[جوهر دعوة]

ماشا الله جا روعة
شكرًا علي التوضيح وشكرا لصاحبة الوصفة