كيفاش نعمل حفلة طهارة وليدي

[ميمي ناصر 22]

سلام اختي
مبروك عليك حنونة ربي يحفضك وليدك و تطهريه بالصحة و يبرالك على خير
شوفي حنونة بالنسبة للافكار
اول حاجة انا نحب يكون عندك ستيل خاص مناسب مع اللباس اللي راح تحني لابنك عليها
كيما هكدا

https://c./p_71b08p9.jpg

ثاني عجبتني فكرة دارتها مرت بن عمي خيرتلو قداه من لبسة تاع طهارة و تصدر فيها و في الاخير لبس لباس بالفتلة و حنا فيهم
شوفي هد اللبسات

https://d./p_71ub4w10.jpg

https://b./p_71eh2y8.jpg

https://c./p_71rjyy4.jpg

https://a./p_71r7212.jpg

https://e./p_71ul0z1.jpg

https://d./p_71h6nd1.jpg

https://e./p_7190ac2.jpg

بالنسبة للسنوية تاع الحنة انا نحب التقليدي بزاف خصوصا الا كانت تاع النحاس تجي روعة وشوفي هد الافكار

https://b./p_7169pz3.gif

https://e./p_71nssm6.jpg

https://b./p_7147tz1.gif

بالنسبة للاطفال ديريلهم حوايج سبيسيال كيما هدو راهم متوفرين اشكال والوان و فيهم كلش من الكيسان للطباسة لليشابو الفراشط المغارف ,, الخ

https://d./p_71tz0d1.jpg

https://e./p_71aalw2.jpg

https://a./p_71hr7x3.jpg

https://b./p_710zr04.jpg

https://c./p_71iqtn5.jpg

تاني متنسايش التزيين للبلاصة تاع وليدك انا نموت على البالونات هههههه

https://d./p_71ecmn6.jpg

https://a./p_716qki8.jpg

https://b./p_7110qd9.jpg

وهدي تاني فكرة للاطفال راح يفرحو بيها تحكمي اعواد الشواء وتغرسي فيهم الحلويا والمارشملو و الشوكولا ,,, الخ

https://e./p_7199ub7.jpg

نجيو للحفلة
القاطو انا يعجبوني حلويات الاخت اسماهان روعة
المهم راعي في اختيارك تديري حلويات للقهوة تكون ساك
حلويات للتاي تكون معسلة
وحلويات اللي في ليبوات تكون منوعة واحد شوكولا وواحد غلاصاج وواحد بالسكر وواحد معسل ,,,,الخ وبما انو ختان انا في رايي متنسايش حلوى الطربوش روعة ومناسبة
ولي بوات كاين بزاف اشكال يجيو للختانة انا عن نفسي يعجبوني هدو

https://d./p_71a75t3.jpg

https://e./p_71mrv54.jpg

يجيوني مناسبين للختان

وتاني متنسايش الفال تقدري تديريه في هد لي صاشي

https://c./p_71nzxu2.jpg

ولا في هد لي بوات ولا هد لي صاشي تاع الاورغونزا

https://c./p_71ol1a1.jpg
https://d./p_71ev5t2.gif

و بالنسبة للدراجي والمكسرات نفضل هد لي بوات لانهم الانسب

https://d./p_71843b5.jpg


ودرك نحكيلك واش درنا في طهارت خويا
اول شي نهار الحنة عشينا غير لافامي الاقربون برك و في الليل درنا سهرة للاقارب كامل
العشا درنا زيتون بالجاج ولي بول تاع الفيونداشي و شربة فريك باللحم و سلايط منوعة و طاجين حلو و القازوز
السهرة درنا الحنة حنينا لخويا يدو ورجلو حشاكم
وبدينا نسربيو القازوز مع لي بوات تاع القاطو درنا فيهم حلوى القطيفة و حلوى المفاجئة و صابلي و بقلاوة
من بعد لاتاي مع الصامصة والمقروط والكوكاو
الفال و المكسرات و الدراجي
للذراري درنالهم قصابلي و كروكي في لي صاشي كيما هدو
https://c./p_71nzxu2.jpg
و في صاشي اخرى درنالهم ماكسي و شيبس وحلوى

وغدوا من ذاك طهرنا خويا الصباح و درنا للرجالة الغدا شخشوخة مع القازوز و فرقنالهم القاطو والفال
خويا لبسنالو لبسة تقليدي بالفتلة في الحنة و غدوة من ذاك في الطهار لبسنالو قندورة عربي

ان شاء الله نكون افدتك ولو بالقليل و ربي يتمملك على خير ان شاء الله

[فاتي تيارت]

Rabi yahfadlrk wlidek

[خولة الجزائرية]

لي عودة انا ثاني ناوية نطهر ولدي

[loudjaine]

يا اختي الطهارة بالستر طهري لولدك و روحي لدارك ما تقولي حتى لواحد لي سمع و جاك مرحبا بيه

[hanzada]

ربي يفرحك و يفرحه

[خولة الجزائرية]

افكار روعة ننتظر المزيد من التفاعل

[azych]

ربي يصونهم اختي . انا ثاني عملت الختان لولادي الثلاثه مع بعض مي تعبت معاهم لانو من بعد الختان يحتاجو ا رعايه ونضافه واهتمام ورعايه طبيه .فمن راي تزرمي وتختنيلهم قبل ما يجيك الثالث هاهاها