التخصصات الغير مطلوبة في مسابقة الشرطة 2014 - الصفحة 3

dabour1 · 2014-07-22, 15:16

يا أخ كاش جديد في مراسلتك للهامل

matador_dz · 2014-07-23, 15:56

السلا م عليكم
اخواني كاش جديد في مايخص التخصصات الغير مطلوبة ولا والو!!
واللي عندو كاش جديد ما يبخلناش وربي يجيب الخير ان شاء الله

blibli_09 · 2014-07-23, 17:58

اخواني انا اليوم حطيت الملف (ولاية البليدة) و تخصصي هو الفلاحة مافهمتش شدوه عليا بدون اي ملاحظة و غدوا ان شاء الله ندير الطبي و البسيكو
صدقوني انا مافهمت والو خاطرش كنت رايح و المورال هابط

من فضلكم الاعلان الي يحطوه في الموقع الرسمي هو نفسو الى يبعثوه الدوائر لاحظوا معايا العام الماضي الموقع كان فيه التخصصات لكن هذا العام مافيهش التخصصات دايرين فقط الملف و الاستمارات و الشروط من ناحية السن

و على ما اظن الولايات لي بعثولهم يمكن غلطوا و بعثولهم شروط السنة الماضية مثلا كاين اخ ممن ولاية قسنطينة صور الاعلان و حطو في المنتدى و يظهر بلي اعلان قديم....اليوم كيما حطيت الملف اعطاني الشرطي ورقة هي نفسها الى في الموقع الرسمي بخصوص الملف و الشروط دون التخصصات.

sparrow 2008 · 2014-07-24, 02:10

ما فهمنا والو انا قالولي تخصصك ماشي مقبول الله يدير الخير و السلام

kakay29 · 2014-07-25, 19:53

إلــــــــــــى السيــــــــــــــــد: المدير العام للأمن الوطني

الموضوع: إلتماس إعادة النظر في الشروط و التخصصات المقبولة في مسابقة توظيف الأعوان و الملازمين الأوائل .

بحكم احتكاكنا مع فئة الشباب وخاصة خريجي الجامعات و المتضررين من شبح البطالة خاصة الذين بلغوا سن الـ 30 سنة منهم و تجاوزوه وهم بدون عمل وكل الأبواب صدت في وجوهم رغم عزيمتهم على التضحية وخدمة وطنهم بكل تفان وما يزيدهم عزيمة لذلك كونهم عايشوا مرحلة العشرية السوداء ويدركون جيدا قيمة الوطن أمنه واستقراره إلى جانب كونهم ذاقوا مرارة البطالة والبحث عن العمل الذي أصبح من المستحيل إدراكه فأضحوا يشكلون النسبة الكبيرة للبطالة في الجزائر خاصة بعد أن أقصاهم تحديد السن في مسابقات التوظيف وخاصة في جهاز الأمن الوطني الذي سيكون له الفضل الكبير في التقليص من نسبة البطالة لولا تحديد وتضييق شروط الالتحاق بصفوفه .

بالإضافة إلى تضييق الخناق على اغلب التخصصات العلمية والتقنية والتي من بينها تخصص علم حماية البيئة و المحيط والذي هو موضوع الساعة و الطب البيطري و هندسة المعمارية والمدنية وتخصصات أخــرى بالرغم من وجود مصالـــــح بجهاز الشرطــة لها علاقة وطيدة بهــا مثل شرطة البيئــــــة والعمران أو فرقة الكلاب المدربـــة ( brigade canine) إلى غير ذلك من تخصصات من الممكن ان يكون لها دور كبير في الزيادة من تطور و عصرنة جهاز الأمن الوطني والتي نرجو من سيادتكم إدماجها في التخصصات المطلوبة في مسابقة التوظيف .

و في الأخير نلتمس من حضرتكم الموقرة دراسة طلبنا هذا وأملنا فيكم كبير في أخذه بعين الاعتبار.

نسخة موجهة إلى السيد المحترم :
- اللواء المدير العام للمديرية العامة للأمن الوطني .
- مدير الموارد البشرية للمديرية العامة للأمن الوطني .

kakay29 · 2014-07-25, 19:54

ادعوا معنا الله ان تأخذ هذه المراسلة بعين الاعتبار

matador_dz · 2014-07-25, 23:19

ان شاء الله تؤخد المراسلة بعين الاعتبار وتقبل جميع التخصصات

midou 01 · 2014-07-25, 23:26

يرجى رفع السنّ
===========================
راني معاكم خاوتي .

dabour1 · 2014-07-26, 00:03

ربي يوفقك ويسهل للجميع

عمرو2009 · 2014-07-26, 11:56

علم النفس تخصص ارشاد و توجيه غير مقبول

زعما التخصصات الأخرى واش دورهم رايحين يخترعواا شئ جديد

walidovich · 2014-07-26, 16:43

هههههههههههههههه راكم تعييو في رواحكم واحد مراهوا سامع بيكم الله غالب هذا مصيرنا و على الله فليتوكل و نوكل عليهم ربي

zaza90 · 2014-07-28, 04:04

يا خاوتي منكم بالصح راكم تراسلوا في الهامل ؟؟؟
من وكتاه مسؤول كبير في بلادنا سمع بواحد زوالي ؟؟؟؟
الله غالب هذي هي البلاد ربي يقدرنا
ما علينا غير نتوكلوا على ربي نحوسوا على الخدمة في جهة خلاف ولا نقدوا نساناو لعل و عسى يديرو كيما لعام لي فات
خاوتي ربي يقدرنا و يصبرنا سورتو في هذه البلاد
و ربي يكون معانا

matador_dz · 2014-08-02, 00:19

كاش جديد خاوتي

mekhdoud · 2014-08-05, 00:26

اول رد لي في المنتدى
كاين تخصص وقاية و امن صناعي
رانا محقورين بزززاااففف
لا سوناطراك لا الحماية المدنية لا الشرطة
ابعث خويا ربي معاك و حنا معاك
بالتوفيق

mekhdoud · 2014-08-05, 00:31

ما رايكم
الردود
اين الردود