هل أصارحه

[مشكلتي]

السلام عليكم ورحمة الله تعالى وبركاته
كنت مصابه بمرض سحر واللآن لا أعلم إن كنت شفيت 100/100 تقدم لي شاب لخطبتي وأنا في حيرة هل أخبره
للعلم أنني أتحسس من هذا الموضوع
الجميع يقول أنه يجب أن لا أخبره
وأيضا المجتمع للأسف ينظر للمسحور أنه ساحر ويتعامل مع السحر وليس الشخص المظلوم الذي تم الإعتداء عليه بدون وجه حق
حتى لو أخفيت الموضوع فإن عائلتي سوف تخبر عائلة الخطيب
ولا يمكنني أن أسس أسرة على مبدأ الكذب
في سنوات الماضية تجدد لي سحر أكثر من سنة وكانت إصابتي وأنا فتاة صغيرة فكيف لفتاة صغيرة ان تكون ساحرة
كثيرا من الأحيان أرفض لأنني بسبب سحرة غير قادرة نفسيا وجسديا على تربية الأولاد فأحيانا أحتاج لمساعدة خاصه
وأكره شعور الرفض لحساسيتي
اتمنى أن يتم يحذف الموضوع بعد غلقه

[ميما اللئيمة]

ارى انو تشوفي راقي شرعي ، اذا قاللك انو شفيتي ، فتزوجي ، وان قال لك انو مازلتي مسحورة فمن واجب الرجل ان يعرف
اذا وقف معاك و ساندك اللهم بارك
و اذا ما وقفش معاك بناااااااااااااااااااقص منو
الزواج ان ترتبطي بشخص يقدر يهزك كي تطيحي و تهزيه كي تطيح بيه ، واحد مش مستعد يتحمل معاك المشكل و هو مشكل قابل للحل ، كيفاش يدير مبعد كون تمرضي ولا لاسمح الله تطيحي فالشوكة ، يطيشك نورمال ؟!!!!

[لمسة ابداع]

اووووف ربي يهدي الناس هادووو
و الله مالقيت مانقلك حتى انا نعاني من سحر الربط عن الزواج
منين كان كل يوم خاطب و لا حتى واحد ما يطبط في بابنا
زيادة على كل يوم مرض جديد و مشاكل ,,,, خليها لربي
المهم ماتقوليلو ماوالو توكلي على ربي و روحي عند راقي
و انشاء تكوني شفيتي
رايحة غير توسوسي خطيبك و اي مشكل لا قدر الله يصرا بيناتكم تحصلوها في السحر
الادكار والادكار و الادكار حاولي تحصني روحك و خلاص
و الناس هادو مادامهم تجرأ مرة رايحين يعاودوها
ربي يشفينا و هوما ربي يهديهم

[*أم سجى*]

لازم تصارحيه وإلا يعرف وحده وتزيد مخاوفه وشكوكه......

[hichemhad]

من الأحسن ان تصارحيه لانه كما قلتي سابقا "لا يمكنني أن أسس أسرة على مبدأ الكذب"
ومن حق هذا الشخص ان يعرف الحقيقة
اظن ان مشكلتك ليست بالسبب الكافي لفسخ هذه الخطبة
و لكن يجب ان تتعالجي قبل الزواج

[هُدوء آلفَجر]

والله نفس المشكل نعانو منه ،حسبنا الله ونعم الوكيل،اذا حكيت مشكلتك و حبيتي تفرغي قلبك لكاش وحدة ،تصبح تخاف منك و كانك انت الساحرة،الا من رحم ربي،الله المستعان،اختي انصحك ان تخبريه لكن باقل التفاصيل،جسي النبض اولا،هل يخاف من هذه الامور ،هل عقيدته سليمة،ان كان كذلك سيتقبل الامر و سيكون سند لك،اما ان كان عادي لا تهولي امر السحر امامه،و ما دامك خطبتي و الحمد لله معناه انك على الطريق الصحيح للشفاء،و ربي يكملك يارب.

[oumhana]

كثري الإستغفاروارقي وشوفي .مكلاه تهدري ما والو خاطر الناس تتحسس من هاذ الموضوع و يمكن إذا قلتيلو يفهم بلي انت سحاره (حشاك أختي)يخي درك الظالم عندو الحق و المظلوم منبوذ. ربي يحق الحق وينصرك على من ظلمك.آمين بجاه ربي العالمين.

[دنيا الامل 18]

ارقي وادا شفيت لا تخبريه

[الزمان 03]

لأسف هذا حال المجتمع يخاف الناس من الشخص المسخور لأن في الغالب العدو غير ظاهر وقد يعيد الكرة لهذا يخف الناس من الدخول في خرب مثال عذه خاصة وأن العدوى لا يخف الله في كل الاحوال أخبار الطرف الاخرى بالمشكل ضروري من أجل تفادي المشاكل المستقبلية لكي لا يعتبرها خديعة بالتوفيق إن شاء الله المهم التوكل على الله والمحافظة على القراءن والطهارة

[نوال زهرة]

حتى انا عندي نفس التساوؤل انا اصيبت بوقف الحال ل8 سنوات و ربطت في كادنة حتى راه ولى في عمري 32 سنة كنت نرفض الخطاب بدون سبب حتى شيعوني الغاشي بلي انا نتشرط لوكان يجي يخطبنب كاش واحد راهي و يسقسيني علاه متزوجتيش راهي تالفتلي اذا نقولو ولالا

[حياتي نبع امل]

عادي قوليلو انك تتعالجي بالرقية وكملي عالجي وحصني نفسك بالرقية والاذكار

[aloota]

استخيري الله وخلي لسانك هو اللي يهدر و لو انه لوكان تصارحيه خير تفهميه بالاك يفهمك و يقدر مصارحتك له انا لوكان كنت جنتزوج ما نحبش المرا تخبي عليا سيرتو حاجة كيما هادي و ديري روحك في بلاصتو لوكان هو كان مسحور و ماقالكش

[الاميرة الغامضة]

صارحية ولكن ب اسلوب يدخل قلب يجعله لا يلى لمشكلة واجعليه يحبكي لصدقك صاحتك لم انت عليه شخصيتك هادا ليس عيب صارحية حرام كدب

[Brahim 9]

السلام عليكم
مسالة السحر او العين او اي عرض ليس بالعضوي شفيتي منو لا تكلم فيه لاي احد ان لم يكن من اهل بيتك . وان لم تشفي

الله يشفي كل مريــــــــض

[Brahim 9]

ارقي ولا تخبريه لانو اغلب الناس مشاكل الروحانية عندهم فكر ضيق عليها