زوجة اخي

[مشكلتي]

السلام عليكم و رحمة الله
انا امرأة متزوجة و لكن بحكم عمل زوجي البعيد اعيش مع اهلي .
اخي جاء هو و زوجته للبقاء معنا الى ان يجد سكنا للكراء فأعطيتهم غرفتي مؤقتا . و بعد مدة لاحظت اختفاء مبلغ مالي و حليا من خزانتي و زوجة اخي هي المتهمة الوحيدة بحكم ان الغرفة لا يدخلها احد سواها و عندما تخرج منها تغلق الباب بالمفتاح .
خوفا من الظلم و احتراما لأخي لم أقل شيئا و دعوت الله ان يسامح السارق و يغفر له .
بعد اسبوع اتهمت اخي الصغير بأنه قد سرق مبلغا ماليا و خاتما يخصانها و المشكلة ان اليوم الذي اتهمته فيه بأنه دخل الغرفة كان اخي مسافر فيه يعني اتهمت غائب .
زوجها صدقها و اراد ضرب اخي فوجدنا في وجهه لم نسمح له بالاقتراب من اخي الصغير و طلبنا منه تقييم المسروقات لتعويضها
قام بسبي و سب والدتي و قال انه(ماشي مشتاق) وانني انا المشتاقة لانني بعت نفسي لزوجي من اجل المال و كلاما جارحا جدا
زوجة اخي كانت قد سرقت مبلغا كبيرا من زوجها و رغم ذلك كذبنا و صدقها
انا الان تركت البيت و لحقت بزوجي و قطعت علاقتي بأخي فهل هذا صواب أم سآثم على ذلك ؟
هل يجوز قطع العلاقة معه اجتنابا لمشاكل زوجته الشريرة؟

[لمسة ابداع]

كامل نعرفو بلي صلة الرحم واجبة
و اللي يقطع الرحم قطع ربي
المهم حاولي تهدر معاهم غير في الصايبة
يعني عيد و لا مرض ,,,,الخ

واخطيك من قوة الدخاصة مع السيدة هادي
رايح يجيك منها غير تكسار الراس

ربي يكون معاكم

[سفيان31]

متخليش مال يفرق بينك وبين اهلك

هذه مشكلتكم يانسا تموتو على دورو ربي يهديكم

[خالد عنابي]

المشكلة فيك كي سكتي اليوم الاول على سرقة الحلي والمبلغ المالي
والادهى انك دعوتي الله ان يسامح السارق هه

وهاهي العاقبة

المرة القادمة كي تتسرقلك حاجة ديكلاري وادعي الله ان يشل اركان السارق !

[اياد حياتي]

المخلوقة استفسرت على شيء وانتو طحتو عليها حتى انا اختي كنت راح ندير بحالك تفاديا للمشاكل وعلى جال خوك بصح هو خرج مهناش بصح في اللحظة نقولك مدام دار هكذا قولي بلي راحولي دراهم وتحلف على المصحف لخطارش اذا كذبت تخرج فيها خليه يشوف ويشبع من عمايلها اما بخصوص المقاطعة طبعا انتي راكي مع زوجك وفي مناسبات تلقايه وتسلمي عليه واذا صدك الله يسهل عليه خليها فيه ربي يطيب بيناتكم

[أناييس الربيع]

لا تقطعي رحمك لتجنب المشاكل ،اصبري واحتسبي وستأجرين
ولا بد يجي النهار وتظهر الحقيقة
لكن يبقى أخوك ومن هجر أخاه فوق ثلاث ايام فلا يتقبل من لاصلاة ولا عمل فكري ترضي ربي وليس العباد ،
زوجة أخوك يجي النهار وتتكشف .روحي زوريه عادي كي شغل ما صرا والو ،واصفحي وابدأي حياة جديدة معهم

[sunshine2013]

اولا ماكاش لازم تمديلها غرفتك. و الا ما تخليش فيها حوايج نتاع قيمة كيما الدراهم و الدهب و زيد اسكتي على السرقة في عقر دارك اتمنى تكوني تعلمتي درس بالاك نتي درتي النية و ماجاتش في بالك اللي ديري فيه الخير يسرقك. بصح عسي روحك منا و رايح و علاقتك. مع خوك ما تقطعيهاش و ان شا الله مع الوقت الصح يبان
ان الله يمهل و لا يهمل

[kaka9999]

المشاركة الأصلية كتبت بواسطة سفيان31

متخليش مال يفرق بينك وبين اهلك

هذه مشكلتكم يانسا تموتو على دورو ربي يهديكم

قل خيرا او اصمت
هي جاية تحوس على نصيحة صلة الرحم
واللي صرا صرا
علاش رك تعمم

[نسيم الريح ش]

الله يهدبها وربي بعوضك وانشاء الله الحق يبان وتتكشف

[faty05]

ما فهمتش كي مديتيلهم غرفتك ( يعني غرفتك بصح في دار اهلك ) وعلاه خليتي اموالك و حليك ثما ؟!!!!!!
المهم انتي تسقسي على صلة الرحم مع اخوك انتي ما تقاطعيش
اما هي اذا راكي متأكدة بلي الشر جا من عندها بعدي عليها

[رميساء خولة]

الخطا لي درتيه انكي سكتي على حق كاين باين وزوجة اخيك مادام تسكتوا عليها راح تزيد تطاول في عملها ودير ماهو اكثر ....رب يهديها ان شاء الله
وحل تاع انك تروحي وتخلي كل شيء هكدا ماشي حل حاولي اصلاح الامور ولا تقطعي رحمك
هدا خوك ويجي نهار ويفهم الحقيقة