طلب مشورة وراي

[مشكلتي]

السلام عليكم
صراتلي في العيد هذا حاجة مكانتش في بالي رايحين نقبلو على جدتي وغير دهخلت لصالة طاحت عيني في بنت ما شاء الله عليها ، أنا حشمت هبطت عيني
ودخلت لقلبي مي الاشكال أنها من العائلة يعني معارف وحاب نعرف اذا كانت مرتبطة ولالا ومعرفتش كيفاه علما انني تخرجت هذه سنة 23 سنة في عمري
وعلى حساب واش عرفت هي تقرا سنة أولى جامعي :d
أنا طيلة دراستي في الثانوي والجامعي جامي حكيت مع طفلة ونحشم بزاف وحب طريقة به نعرف رأي الطفلة هدي بلا ما نهدر معاها بشكل مباشر واش هو الحل برايكم؟
علما ان زوجة خالي تعتبر عمتها يعني عايلة x عايلة وأخوها بيناتنا صحبة صغر من بعد كل واحد شاف طريقو وبقى القدر بينتنا
ان شاء الله تكونو فهمتوني وجمعة مباركة

[~رآقية بأخلآقي~]

وعليكم السلام ورحمة الله

أحيي فيكَ عفتكَ أخي..

الأمر سهل حاول أن تتحدث مع أمكَ وهي تتصل بزوجة خالكَ وتستفسر منها..وربي يجيب لك الخير أخي الكريم..

[روح المي]

ان كانت لك اخت اخبرها وسوف تسألها
او ذهب الى امك وان خجلت منها اخبر والدك يخبرهااو اخبر اختك
واهم شيء الاستخارة

[أ م ساجد وسيم]

الله يبارك كي قاصد الحلال ربي يسهلك هو الامر سهل احكي لماماك عليها وهي تسقسيلك او بابك ولا ختك لمضوع سهل ....وقبل اي خطوة الاستخارة ضرورية بتوفيق

[صفاء الروح]

الله يبارك فيك
الحمد الله مازالو كاينين ولاد لحلال
خبر امك تستفسر من عند عمتها اللي هي مرط خالك
نتمنى تكون من نصيبك

[houssam_ddine]

السلام عليكم و رحمة الله و بركاته

وفقك الله أخي الكريم

و متنساش تعرضنا لعرسك

بارك الله لكما و جمع بينكما بالخير

[إيزابيل]

ساهلة ماهلة .. قول ليماك تحكي مع مرت خوها
ربي يوفقك

[*أم سجى*]

طريقة سردك للحكاية مألوفة جدا .....المهم الحل كيم قالو الأخوات الهدرة تكون بين يماك ومرت خالك ....بالتوفيق لك

[sofiane de biskra]

خليها للنساء في بعضاهم وربي يجيب الخير

[سفير الأيام]

ادا راك ناويها صح وبغيتها

انا من رايي حكي مع الوالدة نتاعها ولا حكي مع باباها ما تحشمش خويا

الشهم من ياتي البيوت من ابوابها


بصح خويا خطبها ودادفع ومن بعد اجري على خدمة وتجب المكالمات الهاتفية الا للضرورة في حالة خطبتها

[حياتي نبع امل]

ربي يسهلك عليك بالاستخارة اولا ولا تغرك المظاهر

[آسيا 25]

السلام عليكم
أخي إذا كنت مقتدرا على الزواج فتوكل على الله و اطلب من الوالدة الكريمة أن تكلم زوجة خالك في أمرها و ربي يباركلكم إن شاء الله.

[نسيم الريح ش]

مبروك نشا الله تكون من نصيبك وتكون مثلك جامي حكات و صاحبت الطيبون للطيبات