اريد نصيحة

[مشكلتي]

لا سلام عليكم ورحمة الله وبركاته
انا طالبة جامعة متحصلة على ماستر 23سنة ، مشكلتي بداءت بتخرجي حلمي منذ الصغر ان اكون استاذة تحصلت على بكالوريا بتفوق لكن معداي كان تنقصه بعض فاصلة لاحفق حلمي والولوج لمدارس عليا التجقت لجامعة وكنت من اوائل رغم حقرة ومزرية سمحت لي ظروف ان اكون استاذة متعاقدة ا5 شهور الاخيرة شركت في مسابقة اساتذة كنت انتظر علامة مرتفعة لكن شائت الاقدار ان اذوق طعم رسوب في كتابي لحد ان ابكي لاني شعرت بظلم ولم اعطى حقي صيرت وحمدت الله لكن تبان يقلون لا توظيف لا اساتذة راسبين هنا تحطم حلمي وظاع اماي وتعبي كرهت كل شيء كرهت درسني التي لا تسمح لي الا بالتعليم كرهت كل شيء اشعر بضياع تعب 18 سنة وانا انتظر في اخير يحدث هكذا ضلما كل يوم ابكي ابكي لحالي وكيف اني ضعيفة ممكن بعض اخوة يقلولي زواج افضل لكن لحد ان ان ياتي نصيبي ا
ارجوكم انصحوني بكلمات تعيد امل لفتاة تحطم حلمها قبل ان
يبداء
اعتذر عن بعض الاخطاء الاملئية لان اكتب وانا ابكي

[روح المي]

السلام عليكم أختي ثقي بالله وأكيد لن يتركك إصبري
وتوجهي له بالدعاء فهو الوحيد القادر على مساعدتك في الليل صلي ركعتين لوجه اللله إحكي له كل مشاكلك وحده القادر على جبر كسرك
وتاكدي انه سمعك وان ابليس وقد استجاب الله لدعوته فكيف بعباده
وربي يفرج عنك ولازمك تتعلمي من كل تجربه

[♥سهام♥]

خطيك من البكا مغديش يفيدك ... ليس رسوبك في المسابقة نهاية كل شي . ممكن كان خير ليك . صلي و ادعي و ربي يفرج عليك ان شاء الله

[نور لاتراه]

السلام عليكم
امسحي دموعكِ وروحي توضاي وصلي ركعتين
وكي تولي تسجدي ثما ادعي ربي لكن بيقين
تخرجت 2014 شاركت لم انجح
دخلت الماستر 2015 لم انجح
اتمتت الماستر
2016 كتب لي ربي ننجح
دري الثقة في ربي مايقدر غير الخير سبحانه

[ahlem 05]

اختي ثقي في الله واحسني الظن به ،أختي نجحت العام الماضي في مسابقة التعليم ثم بعد الطعون صارت في الاحتياط وتلاها خبر وفاة امي يعني تخيلي ؟! المهم درست استخلاف في منطقة قريبة من المنزل ويعد 4اشهر عايطولها نتاع الاحتياااط ورجعلها المنصب ؟ يعني ماتدري الخير وين

[مروة اية الرحمن]

اختي احكمي في ربي سبحانو وماتخليش الياس يسيطر عليك الدنيا هذي كلها مكاتيب وماتدريش واش مخبيلك ربي تفائلي اختي راني حتى انا شاركت فالمسابقة ومانجحتش صح غاضني الحال مع الاول اومبعد قلت علاش نحزن ونقهر روحي كلش بيد ربي سبحانو وواش كتبلي راح يلحق اصبري وادعي ربي في كل سجود

[صفيان 11]

خلي الرجال يخدمو بلاك يجي نصيبك

[pomaria_aindefla]

مزالك صغيرة و مزال أبواب الخير قدامك
،،،

[biologie2001]

اختي انت غير كيما تخرجتي و راكي تقولي هكدا .... انا عندي 15 سنة من اللي تخرجت و شاركت في جميع المسابقات و لحد المسابقة الاخيرة لم انجح و كنت في الاحتياط ... الحمد لله على كل شيء .... صحيح بكيت قليلا لكن ليس لدرجة نقتل روحي بالبكاء .. اللي فيه الخير ربي يكتبهولي و يكتبهولك ان شاء الله .... لا تقنطي من رحمة الله

[nasser26]

بالله عليكي لا تفرقين حتى بين الضاد و الظاء و بين متى تكون الكلمة معرفة بالالف واللام ومتى تكون غير معرفة وتريدين الولوج لعالم التعليم ؟؟؟