|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
بعد الغياب .....رجعت ليكم باحلى الوصفات
|
أدوات الموضوع | انواع عرض الموضوع |
2016-05-17, 13:34 | رقم المشاركة : 1 | ||||
|
بعد الغياب .....رجعت ليكم باحلى الوصفات
السلام عليكم ورحمة الله وبركاته
والله اشتقتلكم فوق ما تتصورو وربي اللي عالم سامحوني على تاخري وغبابي اللي كان طويل شوية الكثير منكم يعلم اني جوزت فترة في فراش المرض وبفضل ربي ودعواتكم اللي كانت من القلب رفع عني البلاء والحمد لله كثيرا قلت بما انو رمضان على الابواب لازم ننفض الغبار عليا ونرجع لحباباتي نتاع منتدى الجلفة يفرحو بوصفاتي ونفرح بيهم وبردودهم اللي توحشتها وكلماتهم الطيبة الف شكر لكل اخت دعاتلي وكل واحدة سقسات عليا بارك الله فيكن حبيباتي ويعطيكم ما تتمناو ان شاء الله على بركة الله وبسم الله كريات اللحم محشية بالشيفلور المرحي وصفة عن جد رااااااائعة وجديدة وبنينة وتحمر الوجه في روبو ارحي كمية من الشيفلور ويكون نيئ ما شي طايب ومن جيهة اخرى ارحي زيتون اخضر بلا علف مع شوية معدنوس ودبشة ومن جيهة ارحي راس فلفل حار اضيفي التوابل ملح فلفل اسود لفاح زنجبيل ثوم بودرة فلفل احمر حلو او حار كيما تحبي وطرف فرماج شيف نخلط كلش مع بعض ثم محشي لي بولات نتاع اللحم المرحي اللي تكوني تبلتيه من قبل ثم لفي الكريات في بلاستيك ثم في ورق ألمنيوم حطيهم في بلا والا الفور حوالي 45 د من بعد نحيهم ادهنيها بخليط الخل ولاموطارد ( الخردل) ولفيهم في لاشابلير واقليهم وممكن تجي ورق بلاستيكي في ليغامكا وقطعي زيتون اخظر على زوج وحطي في الجنب نتاع لي غامكا بالدور واعملي طبقة من اللحم المرحي على شكل صحن وعمري بالحشوة وزيدي غطي باللحم المرحي اغلقي بالبلاستيك من فوق ولوحي في الفور من بعد ما يطيب اقلبيه وقطعي الكريات على زوج وقدميهم لحباب قلبك انا قدمتهم ناشفين ممكن تعمليلهم صوص بيضاء او حمراء الخيار يرجع ليكي والله راااااائعة وتحمر الوجه أصابع الدجاج بالزبدة الجاهزة نأخذ زبدة طرية ( لابال) نضيفلها ملح فلفل اسود ثوم بودرة معدنوس توابل مكسيكانو ( ممكن الاستغناء عليها) نخلط كلش مع بعض ثم نشكلو شكل حربوش فوق ورق بلاستيكي ونلفو مليح ونحطو في المجمد من جيهة نأخذ شرائح الدجاج نضربها مليح بالمطرقة الخاصة باللحم ونحاول نرققها نتبلها بالملح والفلفل الاسود والثوم بودرة وشوة خل او عصير ليمون نجبد الزبدة ونقطعها ونحط طرف في السكالوب ونلف مليح خاصة على الجوانب ثم نلفو في الفرينة ثم البيض ثم لاشابلير ونقلي مباشرة في زيت سخون امممم واااااو رااااااائع الزبدة السائحة تشهييييييييي حلقات البطاطا باللحم فكرة جديدة ومليحة والصراحة بنتها لا تقاوم تهبل تهبل قشري البطاطا وأخويها في الوسط شغل رايحة تعملي محشي ثم قطعيها بالموس دوائر تتحصلي على شكل أساور ثم اقليهم في الزيت غير شوية قيس ما يشمو ريحة الزيت برك تبلي اللحم المرحي نتاعك مليح بالتوابل اللي حبيتي اعملي قرصات وحطيهم على الدوائر يعني حبة بطاطا وحبة لحم بهاذ الشكل خذي اي شي عندك ممكن يدخل وسط البطاطا وهبطي اللحم الزائد اللي في الوسط أحشي هاذاك الثقب بالفرماج حطيه على ورق بلاستيكي رشي عليه الملح والفلفل الاسود وثوم بودرة ثم ادهنيه بخليط من الهريسة ولاموطارد غلفيه مليح بالبلاستيك ثم في ورق الالمنيوم ولفي عليه مليح كيما حبة الحلوة حطيه في بلا نتاع فور ودخليه حوالي ساعة الا ربع انا قدمته ب رشة دبشة وصوص الساموراي امممممممم شرائح اللحم مع الخضار سوتي خذي هبرة نتاع لحم قطعيها شرائح رقيقة ونفس الشيئ مع الدجاج كمية قليلة تكفي من اللحم او الدجاج لانو الأساس خضر تبلي الدجاج بلاموطارد ولهريسة كمية قليلة فقط ثم حطي فوق ورق بلاستيكي بهاذ الشكل وحطي فوقو حبة جزر مقطعة دوائر وحبة جريوات (قرعة) مقطعة ايضا دوائر وطماطم حب مقطعة شرائح زيتون اخضر مقطع دوائر دبشة مقطعة بصل اخضر (نتاع الذيول) ايضاً مقطع دوائر رشي فلفل اسود ملح لفاح زنجبيل فلفل احمر مرحي والقليل من الزعيترة المرحية وشوية زيت غلفت عليها بالورق البلاستيكي مليح ثم في الالمنيوم وحطيتها في بلاطو نتاع الفور وطيبته مدة ساعة من بعد فتحت عليه وحمرة شوية من فوق شوفي الشكل والبنة خيااااااااااال روعةةةةةة روعةةةةةةة ممكن تحشي بيه الخبز العربي ويقدم على شكل شاورما نتمنى وصفاتي البسيطة يكونو عجبوكم ويارب جربوهم وينالو رضاكم التجربة خير برهان في أمان الله حبيباتي في امان الله حبيباتي
|
||||
2016-05-17, 13:39 | رقم المشاركة : 2 | |||
|
عودة ميمونة حبيبتي والحمد للله على سلامتك |
|||
2016-05-17, 13:40 | رقم المشاركة : 3 | |||
|
فرحت كي شفت اسمك بزااف اسمهان آخر تعديل زينب 83 2016-05-17 في 13:45.
|
|||
2016-05-17, 13:42 | رقم المشاركة : 4 | |||
|
روووائع كالعادة يالغالية روووائع تبارك الله عليك وعودة ميموونة وبالشفا عليك والله فرحت بموضوعك وطلتك مواااحاتي حنووونة ومواحاتي لدعاء ولبنياتك |
|||
2016-05-17, 13:51 | رقم المشاركة : 5 | |||
|
ماااشاء الله ختي يعطيك الصحة واهلاااا اتقييم |
|||
2016-05-17, 13:54 | رقم المشاركة : 6 | |||
|
اولا الحمد لله على سلامتك وان شاء الله ايامك كلها فرح. |
|||
2016-05-17, 13:54 | رقم المشاركة : 7 | |||
|
اولا الحمد لله على سلامتك وان شاء الله ايامك كلها فرح. |
|||
2016-05-17, 13:55 | رقم المشاركة : 8 | |||
|
دخلت مباشرة لقيت خيرك حتى مزال ماعرفتش الوصفات |
|||
2016-05-17, 14:23 | رقم المشاركة : 9 | |||
|
الحمد لله على سلامتك يا الغالية والله غير مازال مقريت وصفات الى حطيتيهم من فرحتى بعودتك قلت نرجعلك ثم نشوفهم بغرضي وراني متاكده بلي احلا وصفات من عند احلا اسمهان . |
|||
2016-05-17, 14:39 | رقم المشاركة : 10 | |||
|
الحمد الله على سلامتك والله فرحت كي شفت اسمك ان شاء الله تكوني مليحة.... |
|||
2016-05-17, 14:47 | رقم المشاركة : 11 | |||
|
بسم الله ماشاء الله تحفة |
|||
2016-05-17, 15:17 | رقم المشاركة : 12 | |||
|
بسم الله ماشاء الله |
|||
2016-05-17, 15:29 | رقم المشاركة : 13 | |||
|
ماشا الله اطباق تحفة |
|||
2016-05-17, 15:32 | رقم المشاركة : 14 | |||
|
نورتي ربي الى عالم كنت ندعيلك بالشفاء وصفاتك دائما في القمة بارك الله فيك وشكراااا |
|||
2016-05-17, 16:12 | رقم المشاركة : 15 | |||
|
الحمد لله على سلامتك عزيزتي ربي يزيد يتمملك بالشفاء انشاء الله.كالعادة في قمة الوووووووعة |
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc