شربة فريك......بورااااك..... حميص.......رمضان لى الابواب

[اسمهان79]

السلام عليكم ورحمة الله وبركاته
بما انو رمضان على الابواب حبيت نشارك معاكم اليوم بهاذ الأطباق اللي أكيد و أكيد ما تخطيناش على مائدة الإفطار
شربة فرييييييييك



البورااااااااك



الحميص



وطاجين الحلو
سبق وحطيتو كموضوع وهاذا الرابط




https://www.djelfa.info/vb/showthread.php?t=1792847
على بركة الله أبدئ
الشررررررررررربة
كاين انواع وانواع من الشربات شربة فريك شربة فارميسال لسان العصفور شربة مرمز لحريرة شربتنا اليوم بالفريك وفي منطقتي ناكلوها بزاف وكل وحدة وطريقتها في التحضير
نحتاج الى حبة بصل كبيرة سنات ثوم حبة كماطم كبيرة او زوج صغار مقطعين رقاق 2 م ك طماطم مصبرة 1 م ك هريسةملح فلفل اسود افاح شوية زيت دبشة لحم غنمي شوية من صدر الدجاج



التحضير
نحط كلش في برمة نتاع الفخار صراااااحة انا كون ما نطيبش الشربة في برمة نتاع فخار ما جينيش شربة هاذ القدرة عندها معايا شحال من عام وربي يبارك شربتها ما تتشبعش



نعمل معاهم نصف كاس ماء ونغطي عليها ونحطها على نار ذليلة ومرة على مرة نحرك نقليها ملييييييييح وعلى مهلك قد ما تتقلى مليح جيك بنينة وهاذ سر من اسرار الطبخ



من بعد نفرغ في رحاية يدوية نحي اللحم نرجعو للقدرة ونرحي كلش مليح مع اضافة شوية ماء باه ينزل كلش هكذا تتحصلي على مرق صافي



ثم فرغي في البرمة نتاعك وامرقي بالماء وخليها تطيب على نار متوسطة لما تغلي مليح وتحسي بلي اللحم والجاج دخلو الطياب لوحي الفريك
وممكن تلوحين بعد ما تغلي القدرة نتاعك من الغلبة الاولى



وحركي
هاذا الرابط نتاع صنع لفريك بالمرمز راااااائع
https://www.djelfa.info/vb/showthread.php?t=1805269
ثم لوحي ديبولات نتاع اللحم المرحي تكوني محضرتهم من قبل مع عود كرافس وشوية فلفل حار



مرة على مرة حركي وذوقي الا خاص ملح نحب نضيفلها مع الأخير شوية ثوم مرحي بودرة مخلط مع الكسبر
انا نحب نطيبها على نار ذليلة ما نحبش نزربلها في الطياب لما تخثار لوحيلها شوية نعناع اخضر واغلقي



وتمتعي بالذ شربة فريك
قدميها مع شوية نعناع وليمون اممممممم روعة هاذاك ما نحب في رمضان
البوراااااااااااك



هاذي طريقتي في تحضير لبوراك اللي هو انواع وانواع



الحشوة نتاعي فيه لحم مرحي وشوية دجاج مرحي طايبين في المقلا طرف فرماج شاف مقطع معدنوس شوية بصل مرابي شوية بطاطا مغلية ومهروسة ما شي بزاف نصف حبة طماطم مقطعة رقيق حبيبات زيتون اخضر مقطع حلقات ملح فلفل اسود 1 م ك هريسة 1 م ص موطارد
نخلط غير بالشوية بلا ما يتعجن الخليط




ثم نحط في اوراق الذيول مع قطعة فرماج ونلف
كل مرة نعمل حشوة مختلفة للتغير فقط وحتى الشكل ممكن مثلثات او مربع او لفيهم عادي













اقليهم وقدميهم سخونين مع عصرة قارص





الحميص



نشوي الفلفل الحلو والحار وحبة طماطم كبيرة
نحطهم في كيس باه يجوني ساهلين في التقشير



نقشرو ثم نمسحو بالماء فقط منحبش نغسلو بالماء بزاف تروحلو البنة
ثم نقطعو ونحطو في مقلات نضيفلو الملح فلفل اسود افاح ثوم مرحي زيت الطماطم بعد ما نقطعها رقيقة وفلفل احمر حلو صدقوني والله يعطيه لون رائع جربوه وردولي الخبر



حطيه على نار ذليلة وغطيه ومرة على مرة حركيه كي طيبيه على نار ذليلة راح يطلق الماء نتاعو ويطيب فيه وكل ما تحركيه اضغطي عليه بالضهر نتاع المغرفة انا لقيت عجوزتي ديرلو هكذا وتقول باللي يجي بنين وصح عندها الحق كل مرة ديريلو هكذا حتى تشوفيه طاب ونشف



وبالصحة والهنا على قلوبكم
ورمضان مبارك ان شاء الله
في امان الله

فقط للأخوات اللي سألو على برمة الفخار كيفاش حتى ما تتكسرلكمش
قدرة الفخار كي تشريها صبي فيها لحليب حتى يفوت الوسط وخليها على نار ذليلة وخليه يفيض كيما يحب حتى تشوفيه بدا ينشف فرغي هاذاك لحليب أرميه ثم حكيها بالثوم المرحي مليح من الداخل ومن برى وخليها يومين او ثلاثةاو حتى اسبوع ومن بعد اغسليهاعادي هاذ الطريقة مضمونة ومجرّبة قدرتي هاذي عندها اكثر من 10سنوات
وهاذ النوع من القدرة يحب النار تكون ذليلة او متوسطة
وبالاكي تخلي فيها الماء يبات راهي تتكسرلك من الاسفل دارتها بيا اول قدرة هههههههه

[touta2010]

الله الله على الشاطرة اطباقك روعة تسلمي
لبارح درت البطاطة بالكرام فراش وجات روعة ربي يفرحك حنونة

[iaman.fr]

بارك الله فيك كلش بطبع

[ام سهام 02]

شاااااااااااااااااااااااااااااااااااااااااااااااطر ة و ست بيت من الدرجة الاولى ربي يخاليك ويحفظ لك كل عزيز اااااااامين يارب

[canopus]

يعطيك الصحة يا الفحلة
اما شربة الفريك في البرمة نتاع الفخار امممممممممممممم ما نحكيلكش على بنتها
حتى نحنا شربة الفريك تطيب غير في الفخار
بارك الله فيكي

[بنت ابوها~]

ممتازة ربي يبارك ريحة الشربة لحقت عندي اممممممم بصحتكم

[oum islem]

ربي يحميك من عين كل حاسد
ما شاء الله عليك يا اسمهان
شربة الفريك والحميس نفس طريقتي
اللحم الحلو ما نطيبوش نهائيا الزوج ما يحبوش والاولاد انتقلت ليهم العدوى
والبوراك انا فقط ما نديرش البطاطا
يعني تقريبا نفس الخدمة راني شطورة كما انتي:d:dحوحو والله احبك في الله اختي العزيزة
ربي يهنيك دنيا واخرة:d

[scorpionoir]

امممممممممممممم على الشربة كانت غدايا اليوم ههههههههههه
عجبتني طرقة البوراك .بارك الله فيك
ربي يوصلنا لرمضان بالصحة والهنا

[ام هاديل وياسين]

يعطيك الصحة كل حاجة من اديك تخرج هاييلة
واكيد بنية بارك الله فيك

[أمنية غفران]

تبارك الرحمان و ماشاء الله عليك حبيبة ربي يحفظك و يهنيك
أختي حبيت نسقسيك على قدر الفخار شريتها و ما تجرأتش خلاص باش نطيب فيها
كيفاه نبدى نطيب فيها و كاش نصائح ربي يحفظك أختك خوافة ديما نخمم نقول لوكان نطيب فيها و من بعد تطرطق يا لهوي كيفاه ندير

و نقول لك كي العادة دمتي متألقة
و ربي يرزقك من حيث لا تحتسبين

[sheherazed]

Machaa Lah 3lik,RABBI yhafdek w ybarek fik

Ya3tik Alf saha y'a chatra

[SONDOUSA]

ما شاء الله

[omhadil]

يعطيك الصحة اختى اسمهان ماشاء الله كلى من يديك روووووووووعة
:1 9:

[sabah elanwar]

دمت لنا باطباقك المتميزة. مشكورة اخت اسمهان

[فايزة1207]

متالقة دائما بوصفاتك واخلاقك الراقية
مشكورة حبيبتي