الدرس السادس من مدرسة فنون الطبخ "حلوى البابا"

[زينب 83]

اهلًا بكم غالياتي
درسنا اليوم حول حلوى لي بابا الغنية عن التعريف
منعشة و لذيذة ، مناسبة للسهرات و لفصل الصيف



صراحة انا جربت بزاااف وصفات لكن كامل ماعطاونيش النتيجة لي كنت حابتها

لكن مع الوقت خلطت بين عدة وصفات و ابرزها وصفة حورية المطبخ و خرجت بنتيجة مرضية مشابهة جدا لي بابا تاع محلات الحلويات




بسم الله


المقادير

2 ملاعق كبار سكر
رشة ملح
كاس من الماء الدافئ
ملعقة اكل خميرة الخبز
4 بيضات
450 غ فرينة بالتقريب
80 غ زبدة طرية
ملعقة فانيلا
معطر غذائي انا درت عطر الفراولة رائع

مقادير الشاربات

1 لتر من الماء
500غ سكر
كاس عصير اي نكهة تحبوها، من الافضل عصير محلى




الطريقة
نخلطو الماء الدافئ مع الخميرة و السكر حتى تطلع الخميرة و دير فقاعات

نزيدو باقي المكونات و نعجنو مليييح بلا ما نقطعو العجين

بعد ما تتلم العجينة ندخلو يدينا من تحت و نضربو العجينة بيدينا مدة 10دقايق ، هذه المرحلة ضروووورية لنجاح لي بابا

بعد ما نضربو العجينة نخليوها تخمر مليح

بعد التخمير
نشكلها

العجينة لازم تكون جارية شوي و تلصق بزاف في اليد ، و لازم تكون مطاطية

ندهنو ليمول بالزبدة و نحطو العجينة
مانعمروش ليمول بزاف ، حتى الثلث فقط
و نخلوهم يخمرو مرة ثانية

التخمير الثاني

لي بابا هي مثلها مثل الكرواسون تحتاج لمكان دافيء و في نفس الوقت ربط التخمير
في المخابز عندهم آلات خاصة التخمير
اما حنا كاينة طريقة تعمل تقريبا نفس عمل الآلات

نسخنو الفرن 3 دقايق مباعد نطفيوه و ندخلو فيه كاسرونة ماء سخووون يغلي
و ندخلو ليبابا ر نخلوهم يخمرو ، البخار يخليهم يخمرو مليح و يعطيهم خفة هايلة

بعدها نخرجوهم نسخنو الفرن مليح و ندخلوهم يطيبو

بعد ما يطيبو لي بابا نخلوهم يبردو مليح

URL=https://www.m5zn.com/out.php?code=16301400][/URL]













بعد ما يبردو جا دور الشاربات




الشاربات

نغليو السكر مع الماء 10دقائق و نطفي النار و نزيدو العصير و معاها قطرة اي معطر انتوما تحبوه

نشربو لي بابا بالشاربات مليييح

الشاربات لازم تكون تقريبا سخونة

نغطسو البابا من الجهة الفوقانية اولا بعد من نكونو ثقبناها بالكيردون ، و مباعد نقلبوها ، نخليو البابا تشرب في غرضها ، لانو كل ما تكون مشبعة شاربات مليح جي ناجحة

انا شربتها مرتين

و اخيراً ندخلو لي بابا الثلاجة يبردو ملييح ، كل ما يكونو باردين يكونو بنان

































التزيين كل واحد واش يحب

ممكن نحشيوهم بالكريمة ، او نزينوهم بالشانتيي و الفواكه ، او صوص الفريز و او حتى الكراميل و المكسرات.


هذا عطر الفراولة يمد ذوق رائع لي بابا خاصة مع صوص الفراولة . و نستعملو ايضا في الصابلي و الكروكي و الكيك كبديل للفانيلا يمد ريحة و مذاق جميل




و هذا عطر ماء الزهر تاني نستعملو في لي بابا . و نستعملو في خبز الدار و البريوش يمد ريحة و ذوق روووعة مماثل لتاع الخباز
العطر قطرة واحد تكفي لانه مركز




ملاحظة : الاخوات لي سألوني على التقييمات ، راح يكونو قريبا باذن الله

[ام نور الهدى 2014]

ياسﻻم عليك زينب لونها مغري فما بالك طعمها تامني مانشفاش على روحي كليت بابا ههههه ديما نسمع بيهم و نشوفهم و ﻻ مرة جربتهم شجعتيني باش نديرهم بادن الله
موفقة حبيبتي و شكرااا^_"

[أم عبد الله ياسين2]

روعة ربي يباركلك في وقتك و صحتك و عايلتك ، ربي يجزيك خير

[دائمة الشكر]

يعطيك الصحة اختي زينب والله منظرهم روعة
عمري ولا كليتهم منعرفش أصلا ذوقهم كيفاه داير في ميزان حسناتك

[ام عبدو و ملاك]

الله يبارك يشهيو بارك الله فيك وجعلها في ميزان الحسنات

[خديجة التقية]

بارك الله فيك روعة

[ام هدول]

دائما متالقة كي العادة ..ما شاء الله ....رووووعة..ربي يبارك فيك وفي وليداتك

[امّ اياد]

اممممممممممممممممم هايلي يعطيك الصحة اخت زيب عندي مدة وانا نجمع في لي غوسات البابا وخفت باش نجرب

[اسيرة في بيتها]

أتحفتينا بالجديييييييييد ربي يبارك فيك و المزيييييييد من التألق

[اريج 07]

اممممممم شحال نحبهم و زادو جاو من عندك تحفة تسلمي يا غالية

[انا هي رزيقة]

ما شاء االله اختي زينب شكلهم تحفة ربي يباركلك في دوك اليدين يشهو فعلا . بصح راكم تجريو مية في الساعة مقدرتش نلحقكم مزال مطبقتش البريوش الاسباني لي كان في خاطري و زدتي حطيتي البابا ... راني فعلا تلميذة كسولة بورتون مكنتش هكذا في صغري .... خخخخخخخ معليش المهم رايحة نطبقهم باذن الله راني وراهم و الزمن طويل .ربي يجعل هذ الوصفات الجميلة في ميزان حسناتك اختي زينب

[ام الهضاب]

تحفة تحفة حقاااااا الله يعطيك ما تتمناااااي ، انموووووت اعليهم لكن ساعات الي يبيعهم تكون فيهم ريحة الخميرة و يفسدلهم الذوق ، صح تفرجت حصة حورية المطبخ ، بصح بانتلي شوي واعرة
باْذن الله الأسبوع القادم نجربهم بطريقتك ، ربي يبارك في عائلتك و زوجك و اولادك ان شاء الله

[معتزة بديني]

ما شاء الله روووعة روووعة ربي يجزاك الجنة حنونة
قوليلي الكاس الي درتي فيه الماء شحال القياس تاعو وتاني 80 غ زبدة شحال من ملعقة

[اللهم ارزقني عفةمريم]

اممممممم يشهو يعطيك الصحة

[كوثر التائبة]

روعة في ميزان حساناتك ختي