وش قررتو

[saja hamed]

صباح الخير حبيباتي وشكرا كل وحدة واسمها انا قررت وشريت لحوايج وخلاص مقروض السنيوة نتاع ام اماني وقريوش عزوفة وصابلي نتاع القرص بالقلاصاج امممممم وغريبية ام كوثر والمنقوشة نتاع ام اماني وخلاص وان شاء الله نبدي نهار 20 في رمضان

[sousou samsoma]

شكرا حنا اللوز راه 250

[yacin2015]

راه الحمان هل ترى ينتكل القاطو

[saja hamed]

المشاركة الأصلية كتبت بواسطة yacin2015

راه الحمان هل ترى ينتكل القاطو

عندك الحق ولكن لازم واحد يدير حتي شوية للبراكة وخلاص

[ام صابرين]

اصباح الخير علكم موضوع رائع شكرا لك اختي يعاون انا حابا اندير المقرود ولكروكي والصابلي انقولكم الصح هدا واش يحب راجلي وولادي

[saja hamed]

المشاركة الأصلية كتبت بواسطة ام صابرين

اصباح الخير علكم موضوع رائع شكرا لك اختي يعاون انا حابا اندير المقرود ولكروكي والصابلي انقولكم الصح هدا واش يحب راجلي وولادي

شكرا حبيبتي انتي الرائعة مام انا راجلي يحب كان صابلي والغريبية والقراوش وهذاك القاطو الكل والله ما يدخل فمو ولكن ندير شوية كي يجاوني النلس وندي للدار عجوزتي

[khouloud loubna]

المشاركة الأصلية كتبت بواسطة Ikhhanane

انا راني حاصلة واش ندير ك جيبولي المهيبة ف العيد

rani kima nti hanouna

[وردة سطيف]

انا حابة ندير قاطو المنقوشة الم اماني وقاطو ساك بنسلي ومقروط وحابة نزيد صابلي بقلاصاج القارص بصح ما عنديش وصفة الهام لي تعرفها تحطهالي من فضلكم

[soussou1631]

Bon ana habit ghribia, halwat tabae, jeljlania bel nisseli l'I oum amani sa kahlouchi w galbo byad et bien sûre kaak el gharb nmout alih

[ام محمد 2013]

انا راني ناوية نجرب حلويات ام اماني ربي يحفطها.

[Algam]

صباح الخير شكرا لصاحبة الموضوع على الطرح المميز ان شاء الله نستفادو من بعضنا

حبيت نسقسيكم على حلوة الكفتة عمري ما درتها وهاد العام قلت نديرها كنوع من التغيير واش رايكم فيها واللي دارتها من قبل ما تجيش حلوة بزاف؟ لأانها من الفوق بعجينة اللوز و الداخل فيها العسل

[saja hamed]

المشاركة الأصلية كتبت بواسطة وردة سطيف

انا حابة ندير قاطو المنقوشة الم اماني وقاطو ساك بنسلي ومقروط وحابة نزيد صابلي بقلاصاج القارص بصح ما عنديش وصفة الهام لي تعرفها تحطهالي من فضلكم

صباح الخير مام انا راح نديرو للعيد ان شاء الله ديري صابلي عادي والكريمة طلعي 100 غ زبدة ستار مع شوية سكر ارطب مثل كريمة وزيديلها زاست ليمونة واحدة ونصف علبة ياغرت نتاع قارصطبعا ضيفي بالشوية وضربي وكملي بعصير اليمون وضربي تجيك اممممممممممممم وديري القلاصاج الي متعودا عليه غير ضيفيلو ملون اصفروهذي طريقة الهام ربي يجازيها كل خير

[saja hamed]

المشاركة الأصلية كتبت بواسطة algam

صباح الخير شكرا لصاحبة الموضوع على الطرح المميز ان شاء الله نستفادو من بعضنا

حبيت نسقسيكم على حلوة الكفتة عمري ما درتها وهاد العام قلت نديرها كنوع من التغيير واش رايكم فيها واللي دارتها من قبل ما تجيش حلوة بزاف؟ لأانها من الفوق بعجينة اللوز و الداخل فيها العسل

صباح الخير حبيبتي سامحيني ماعنديش حتي فكرة جامي درتها بصح يقولو تجي حلوة بزاف والله اعلم

[saja hamed]

المشاركة الأصلية كتبت بواسطة ام محمد 2013

انا راني ناوية نجرب حلويات ام اماني ربي يحفطها.

جربيهم راهم كلهم يهبلو مام انا حابة نجرب نتاع الكبريس ولكن مالقيتش المول للاسف

[همس المشاعر*]

حابه ندير 3 انواع ان شاء الله تشارك مسكر وقاطو السيقار لا اماني وقاطو محشي بالنيسلي