أرجوكم فهّموني و أجركم على الله.

[*أم سجى*]

المشاركة الأصلية كتبت بواسطة nihal159

صباح الخير أم سجى؛ لي يتجرّأ و ينتقد الكنة لي عايشة مع العايلة هو إنسان قلبو حجرة و ماعندوش أدنى إحساس بالرحمة و لا الشفقة و ماتربّاش من صغرو على أنو يقدّر حجم تعب المرأة في رعاية شؤون عايلتها.
أمّك بنت أصل و كما قلتي هي أروع أم فالدنيا؛ كانت إنسانة بكل ماتحمل الكلمة من معنى؛ قامت بعجوزتها و رحمتها في شيبتها؛ و إن شاء الله ربي يجازيها خير الجزاء على واش قدّمت من خير؛ أمّا الناس لي هدرو فيها الشرّ أو لاموها لأنّها قصّرت بعض الشيء؛ هذوك الناس راهم ضرّو رواحهم مش ضرّوها؛ كما يقول المثل لي يهدر فيّا نقّص عليّا هههههههه.
نرجع ليك؛ من الأوّل كانت وجهة نضرك تتطابق مع ما جاء في الموضوع؛ لكن أنتي كانت عندك بعض الردود عدوانية و فيها إنفعال زائد؛ صراحة لم أستطع إستعابه و لهذا لم أشأ الإصطدام معك؛ ليس ضعفا مني و لكن حفاظا على صداقة بريئة نشأت بيني و بينك بدون حسابات و لا مصالح.
قضية أنو عجوزتك عندها بناتها معاها فهم أولى بخذمتها و رعايتها؛ هذا أمر مفروغ منو و لا جدال فيه؛ أو أنو عجوزتك صغيرة فالسن وقادرة على رعاية شؤونها فهي لاتحتاج مساعدة منك هذا أيضا أمر مفروغ منو؛ حنا موضوعنا من الأوّل على لعجوزة لي بلغت من الكبر عتيّا و أصبحت فعلا عاجزة عن تدبّر شؤونها و تلقى الكنات هاربين منها حتى لي عايشة معاها في دارها و تلقاها مش حاملة لعجوزة؛ هذا عيب.

شكرا اختي نتمنى منك تلبيلي طلب ياريت تحذفي الاقتباس لاني راح نمحي مشاركتي ....أسفة

[*أم سجى*]

الاخadnanus هذا موضوع نسوي 100بالمية وجميع لي راهم داخلو نساء ...نكتب وش نحب ونرجع وش نحب بيني وبين صحاباتي مكان حتا واحد يتدخل بيناتنا

[TOFNINE]

لم اقرا كل التدخلات لانها كثيرة لكن عندي مانقول في هذا الموضوع .
شيخي عجوزتي ناس كبار عندي في الدار او انا ساكنة نعاهم انا ربة بيت الاكل اجهزه الغسيل وكثر خير الالات الغسيل ابوه هو يقوم بنظافته الشخصية امه تكون كيما وحدة من بناتي اقل شيئ نساعدها هذا لا خلاف فيه . الخير نديروه حتى في الجيران وربي يعاونا ويسوقنا لفعل الخير يارب .لكن انتقلي للسطر الاخر .
عجوزتي تعيش في منزلها الخاص وهي فضلت انها تعيش مع فلان بدل فلان من ابناءها وكلشي تمدو لفلان وتحرم فلان لاسباب او لاسباب والاسباب تتعدد وتروح لبناتها زيارات وزيارات تقعد بالايام ويوم تاتي لزيارتي لان ابنها حشمها باه تجي تجي وتروح وكانها قاعدة عند ضرتها او عندما كانت بصحة جيدة طلبت من ابنها الرحيل فهي لاتحب الكنة ولم تترك تعبيرا للكره الا وقد وفقت بشتى الطرق لتسود قلبك اتجاهها عجوزة كنتها 40 يوم مرض جراء فوس كوش تخسر عليك تليفون وتقولك على سلامتك سلامات او تروحي للعمرة وتجي تخسر فيك تليفون بصحك اي قلب سينبض فرحا بها هل خطا الكنة ام خطا العجوزة لحسبت انها بافعالها تزرع خيرا لتحصده .
كل واحد يشوف واش زرع باه يعرف واش يحصد لي زرع شوك عمره ما يستنى يحصد ورد .
هي عايشة مع ابنها الاخر و كنتها الاخرى فاي شرع واي انسانية تفرض عليا ان اكلف نفسي اكثر من طاقتها فبيتي اولى بالخدمة وعائلتي ان كفيتها راني لاباس عليا ااااه جات عندي او احتاجت اي طلب على الراس والعين ونفتح صفحة ابيض من الثلج في وجه ربي فقط فقط فقط ولن اقصر باذن الله غير هذا فانا انام بالي جد مرتاح لان اعرف جيدا اخلاقي وتربيتي وقدمت ما عليا ولازلت وكفى بالله حسيبا رقيبا .

[الفارس النبيل 93]

المشاركة الأصلية كتبت بواسطة *أم سجى*

الاخadnanus هذا موضوع نسوي 100بالمية وجميع لي راهم داخلو نساء ...نكتب وش نحب ونرجع وش نحب بيني وبين صحاباتي مكان حتا واحد يتدخل بيناتنا

أولا : كاتبة الموضوع لم تصرح أنه موضوع نسوي

ثانيا : تكتبي واش تحبي الله يسهل عليك ، أنا تاني نكتب واش نحب

ثالثا : أنا لم أتكلم معك أصلا

وشكرا

[*أم سجى*]

المشاركة الأصلية كتبت بواسطة adnanus

أولا : كاتبة الموضوع لم تصرح أنه موضوع نسوي

ثانيا : تكتبي واش تحبي الله يسهل عليك ، أنا تاني نكتب واش نحب

ثالثا : أنا لم أتكلم معك أصلا

وشكرا

الله يهديك

[الفارس النبيل 93]

المشاركة الأصلية كتبت بواسطة *أم سجى*

الله يهديك

آمين يا رب

[nihal159]

الرجاء من الأخ adnanus و الأخت أم سجى الإلتزام بأسس الحوار البناء و الإبتعاد عن التذخلات الهامشية التي لاتخذم الموضوع.
الأخ adnanus؛أكيد الموضوع لايخص النساء فقط؛ مادام الموضوع مُدرج في قسم الحياة الزوجية فهو يهم الطرفين الرجل و المرأة؛ نشكر تفاعلك الإيجابي و مساهمتك في إثراء الموضوع.

[nihal159]

المشاركة الأصلية كتبت بواسطة tofnine

لم اقرا كل التدخلات لانها كثيرة لكن عندي مانقول في هذا الموضوع .
شيخي عجوزتي ناس كبار عندي في الدار او انا ساكنة نعاهم انا ربة بيت الاكل اجهزه الغسيل وكثر خير الالات الغسيل ابوه هو يقوم بنظافته الشخصية امه تكون كيما وحدة من بناتي اقل شيئ نساعدها هذا لا خلاف فيه . الخير نديروه حتى في الجيران وربي يعاونا ويسوقنا لفعل الخير يارب .لكن انتقلي للسطر الاخر .
عجوزتي تعيش في منزلها الخاص وهي فضلت انها تعيش مع فلان بدل فلان من ابناءها وكلشي تمدو لفلان وتحرم فلان لاسباب او لاسباب والاسباب تتعدد وتروح لبناتها زيارات وزيارات تقعد بالايام ويوم تاتي لزيارتي لان ابنها حشمها باه تجي تجي وتروح وكانها قاعدة عند ضرتها او عندما كانت بصحة جيدة طلبت من ابنها الرحيل فهي لاتحب الكنة ولم تترك تعبيرا للكره الا وقد وفقت بشتى الطرق لتسود قلبك اتجاهها عجوزة كنتها 40 يوم مرض جراء فوس كوش تخسر عليك تليفون وتقولك على سلامتك سلامات او تروحي للعمرة وتجي تخسر فيك تليفون بصحك اي قلب سينبض فرحا بها هل خطا الكنة ام خطا العجوزة لحسبت انها بافعالها تزرع خيرا لتحصده .
كل واحد يشوف واش زرع باه يعرف واش يحصد لي زرع شوك عمره ما يستنى يحصد ورد .
هي عايشة مع ابنها الاخر و كنتها الاخرى فاي شرع واي انسانية تفرض عليا ان اكلف نفسي اكثر من طاقتها فبيتي اولى بالخدمة وعائلتي ان كفيتها راني لاباس عليا ااااه جات عندي او احتاجت اي طلب على الراس والعين ونفتح صفحة ابيض من الثلج في وجه ربي فقط فقط فقط ولن اقصر باذن الله غير هذا فانا انام بالي جد مرتاح لان اعرف جيدا اخلاقي وتربيتي وقدمت ما عليا ولازلت وكفى بالله حسيبا رقيبا .

أهلا أختي؛ ربي يحنن لقلوب على بعض و يدوم العشرة بيناتكم

[22bilal bilal]

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا.

[aboubakr92]

خمو على كبركم توليلكم عقولكم

[om wafaa]

انا واش نقول كان جات غير على شيخ والعجوز فرات انا عندي 3حماتات ميخدمو والو في الدار يضلو في الخدمة واي جو من الخدمة يقابلو ا الفيسبوك والتليفزيون مرانيش محسبتهم بصح كاين ربي يخذلي حقي انشاء الله كبري قلبك ونسقسيك لوكان لقيتي شيخ وعجوزة مرمين بر تجبيهم عندك تخدميهم ولالا

[ninaricci]

اختي نهال انا نوافقك الراى اني نخدمهم في حالة عجزهم من باب الاكرام لا الالزام لانه ابناءهم احق بخدمتهم النظافة نورمالمو يجيو بناتها ينظفولها ويسيقولها موش انا نخدم برا ونروح نسيقلها ويجيو بناتها ضياف يحبو يتقهواو لا يا اختي كل واحد ملزم من باباه وامه انا سلافاتي شربولي الويل بحكم الغيرة انا قارية ونخدم وهوما قاعدات في الدار وكيما تزوجوا يحبوا كي يجيو انا نديرلهم قهوة ونضيفهم مع العلم انو عمرها ولا وحدة عيطتلي في دارها نشرب قهوة تقولك انا في يد الراجل ما يصلحش نعرض مرت خويا ونخلي خاوتو تخيلي اختي وكيما كانو في دار باباهم انا نخرج بناتي صباح كي نروح نخدم وهوما يصبحوا راقدين مع امهم وماتقوليش خلي لبنات نحكمهملك مع العلم انو زوجي هو اللي يصرف عليهم كيفاه تحبيني نصفي قلبي جيهتهم الاحسان يجيب الاحسان يا اختي وكل وحدة تهدر راهي عن تجربة وقلبها معمر يعني ام سجي راهي عندها اسبابها وربي يحسن العون انا لوكان نحكيلك واش يديرو تقولي طاس الماء مانمدهولهاش خاطر عندهم اسلوب انهم يوصلوني لراجلي على اتفه الاسباب ومبعد ندي الضرب وهوما يضحكوا هذا كلة لانني خدامة وهوما ماقراوش ربي يهديهم مع العلم تزوجوا كامل برجال لاباس بيهم ماديا وهذا الشيء اللي زاد من الغيرة نتاعهم يحسدوا فيا على كلش وامهم ما تردش للخير خلاص ربي يهديها

[ninaricci]

انا قلبي معمر قدقد نحب غير نروح للجبل ونعيط محاولي شخصيتي تماما وليت كي البوهالي حنا جبناها كراس وقلم وهوما جابوها يتعلموا كيفاش يمشيو في الدنيا هاذي انا نساعفهم غير علي جالت مانديش الصرب فقط لا اكرام لزوجي ولا غير ذلك يعني راني نتقي في شرهم وربي يكيدلهم كيما راهم يكيدولي

[nihal159]

المشاركة الأصلية كتبت بواسطة om wafaa

انا واش نقول كان جات غير على شيخ والعجوز فرات انا عندي 3حماتات ميخدمو والو في الدار يضلو في الخدمة واي جو من الخدمة يقابلو ا الفيسبوك والتليفزيون مرانيش محسبتهم بصح كاين ربي يخذلي حقي انشاء الله كبري قلبك ونسقسيك لوكان لقيتي شيخ وعجوزة مرمين بر تجبيهم عندك تخدميهم ولالا

أهلا أم وفاء؛ ربي يقدرك و يعينك ؛أنتِ إنسانة طيّبة و ربي إن شاء الله يجازيك كل خير على واش راكي ديري.
بالنسبة لسؤلك؛ إذا لقيت إنسان مسنّ فالطريق و محتاج العون نساعدو بالشي لي نقدر عليه؛ ألبسة؛ أكل؛ مال أو أني نحاول نوصلو لدار الشيخوخة هوما يتكفلو به و يرعاوه؛ لكن باش نديه لداري يعيش معايا؛ لا و ألف لا؛ إنسان مانعرف لا أصلو لا فصلو؛ لا كيفاش كان عايش ؛ نذخلو لداري و ندير فيه ثقة؟؟؟؟؟ مستحيل ياختي؛ رانا عايشين فالدنيا بكل مافيها من أمراض إجتماعية(سرقة؛ قتل؛ سحور؛...) كيفاش نأمن على نفسي و أولادي مع إنسان غريب؟؟؟؟؟

[nihal159]

المشاركة الأصلية كتبت بواسطة ninaricci

انا قلبي معمر قدقد نحب غير نروح للجبل ونعيط محاولي شخصيتي تماما وليت كي البوهالي حنا جبناها كراس وقلم وهوما جابوها يتعلموا كيفاش يمشيو في الدنيا هاذي انا نساعفهم غير علي جالت مانديش الصرب فقط لا اكرام لزوجي ولا غير ذلك يعني راني نتقي في شرهم وربي يكيدلهم كيما راهم يكيدولي

مالقيت غير أني ندعيلك من قلبي أنو ربي ينجيك منهم و يجعل كيدهم في نحورهم؛ و أنتي شوفي الوقت المناسب و أحكي مع راجلك بهدوء أنو حرام عليه يضربك على جال خوتو؛ غيرة تاع النساء و القيل و القال توصّلو أنو يضربك؟؟؟؟ قوليلو حكايات النساء تبقى بين النساء ؛ نفروها بيناتنا، مايضربك مايضرب أختو باش هكذا مايظلم حتى واحدة فيكم.
و الله ياختي؛ نحييك على صبرك و إن شاء الله ربي يفرج عليك.