طلب مساعدة في مخدات سموك

tiziri2 · 2014-03-13, 13:26

السلام عليكم و رحمة الله و بركاته

كيما مبين في العنوان حبيت نطلب مساعدة
اذا كاش واحدة خدمت و الا تلاقات بكاش مخدة دائرية سموك بغرزة الياسمينة تحطليلي الصورة او القياسات او تقولهالي فقط
لاني حابة نخدمها و حوست بزاف و لقيت بزاف مخايد دائريين بغرزات اخرى و علابالي بلي القياسات ماشي كيف كيف لانه غرزة الياسمينة ترفد كثر قماش مارانيش حابة ندير من راسي لاني اكيد رايحة ندير بالزيادة و انا حابة نشري واش لازم فقط
اذن ادا كاش واحدة تعرف شحال المقاسات نتمنى تساعدني بيهم

و شكرا

حورية38 · 2014-03-13, 14:54

نتمنى ما نكونش غالطة هاذي هي الغرزة لي راكي تحوسي عليها

حورية38 · 2014-03-13, 15:02

اذا كان هذا هو الشكل لي راكي محتاجاتو القياسات هي لعمل المخده نحتاج الى قماش طوله مترين وعشره سم فى عرض63سم يا رب ما نكونش غالطة

tiziri2 · 2014-03-13, 15:29

اختي حورية بارك الله فيك
تامني كنت حاسة و قلت اكيد تدخل اختي حورية و تجاوبني

كنت شاكة في 2م و 10سم لاني كنت قريته من قبل و ما عرفتش وين و انت بهاد النموذج راكي اكدتيلي
على كل حال انا ندير ياسمينة عادية ماشي مقلوبة هدية لكن كيف كيف فقط العرض اكيد ماشي 63 سم لاني رايحة نزيد ياسمينات ان شاء الله

واش نقولك يا اختي حورية بارك الله فيك و جزاك الله خيرا على كل التدخلات تاعك و مساعداتك هنايا للبنات
ربي يحفظك و يرزقك سعادة الدارين
الف شكر

tiziri2 · 2014-03-13, 17:09

اخت حورية اذا تلاقيتي بكاش مخدة سموك دائرية الوسط تاعها مخدوم كامل بالياسمينات نتمنى تحطيهالي
و شكرا

و حاجة اخرى سؤال ليك و لكامل الاخوات لمخايد تاع التصديرة راهم يديروهم مربع و لا دائرة شكون الاكثر ؟؟؟؟

حورية38 · 2014-03-15, 17:49

راني لقيتلك هاذو نتمنى يعجبوك

واش رايك في هذا هبااااااااال

في الاغلب وعلى حساب واش راهو دارج هادو الاعوام مخدة التصديرة راهي المربعة والله اعلم شوفي في قسم العرائس تفيدوك البنات اكثر بالتوفيق

tiziri2 · 2014-03-16, 19:29

يعطيك الصحة اختي حورية بارك الله فيك
شحال و انا نحوس على كاش مخدة كيما حطيتيهالي كنت حابة نشوف كاش تخرج بالياسمينات متلاسقين
يعطيك الصحة

جزاك الله خيرا

djazia87holi · 2014-04-28, 22:21

شكراااااااااااااااااااااااااااااااااااااااا