دفتر مطبخي ركن خاص لمستمعي اسرار مطبخ دليلة** ملتقى حراير الجلفة **

[أم فاطمة 27]

بارك الله فيك أختي ninam على المجهود المبذول
أما بالنسبة للكتابة بالعربية الحل موجود في أحد مواضيع الأخت chiraz16 حاولت وضع الرابط و لكن لم أستطع لأن عدد مشاركاتي أقل من30 آسفة
على العموم ابحثي في قسم الطبخ و المأكولات ص 6 بحث موفق

[djihed_19]

هايلة
ومليحة
عجبتني

[aslii]

يعطيك الصحة

[*سيرتا *]

شكون السيدة دليلة ..في اي قناة و الساعة كدلك اعدرنني لست من لحراير

[أم أسامة 07]

بارك الله فيك أختي ميمشة
من فضلك حطينا أنواع قاطو خاصة بحفلات النجاح
وشكرا مسبقا

[سعاذ]

المشاركة الأصلية كتبت بواسطة *سيرتا *

شكون السيدة دليلة ..في اي قناة و الساعة كدلك اعدرنني لست من لحراير

السيدة دليلة تقدم ركن مطبخ دليلة في الاذاعة الوطنية (اذاعة الجزائر)
كل اثنين على الساعة العاشرة و النصف صباحا

[naimadzoran]

مبسس تاع قسنطينة

[nokia111]

يعطيكم الصحة اخواتي والله غير استفدت وقاطو مول الشاش جاني هبال واش نقولكم والله غير روعة شكرا لكن انا منعرفش السيدة دليلة بصح نعرف السيدة خديجة التي نبت من اداعة مستغانم وتاني كل الكيفيات لي درهم راهم ممتازيين يلا كاش وحدا عندها الكيفيات تاعها

[liliane24]

عصيــــر المشمــــاش




- كيلو مشماش من الأحسن يكون طايب مليح باه يجي العصير حلو
-لتر ماء
-150 غ سكر

في طنجرة نحط كيلو مشماش منقي + عظمة باه تطلق النكهة + ماء + سكر و نخليه يطيب 10د و نميكسيه، ثم نضيف له 2لتر ماء +عصير 2 حبات قارص + كأس حليب و نخلط المقادير معا ثم السكر حسب الذوق.
نقدروا نديروه في قارورات و نحتفظ به في المجمد..

[liliane24]

اليوم السيدة دليلة قدمت : - طورطة بالبطاطا
- عصير الخوخ
- حلوى الجلجلانية

1--- طورطو بالبطاطا
العجينة المكسرة : التزيين :
250غ فرينة 3 حبات بصل
125غ زبدة مكعبات 07 حبات بطاطا
رشة ملح 200غ جبن مرحي
ملعقة ماء بارد 20 سل كريمة طازجة
صفار بيضة بيضة كاملة
ملح، فلفل أكحل

بالنسبة للعجينة : نحط فرينة، ملح و الزبدة و نخدمها بأصابعنا ثم نلمها بصفار بيضة و ملعقة أو 02 ماء بارد و نغلفها و نخليها ترتاح مدة ساعة في الثلاجة.
بعدما ترتاح العجينة نحلها في قالب 24سم، و نخليها ترتاح في الثلاجة ساعة باه ما تهبطش العجينة أثناء الطهي.
بالنسبة للحشو : نقلي البطاطا شرائح مدورة ، و نأخذ البصل نقطعه شرائح و نذبلها في الزيت ، نحكم القالب أنتاع العجينة و نحط فوقها طبقة رقيقة بصل ثم طبقة من الجبن ثم طبقة من البطاطا.
ثم نضرب 20سل كريمة طازجة مع حبة بيض + ملح+ فلفل أكحل و ممكن جبن إن شئتم.، و نصبها فوق البطاطاو ندخلها الفرن 180 درجة حتى تتماسك الكريمة الطازجة.

[liliane24]

2----عصير الخــــــــــــــــــــــــــــوخ:

نأخذ 1 كيلو خوخ، نقشره و ننحي له النوى و ندير له نصف لتر ماء + حبة قارص +200غ سكر و نغليوهم ، يعني نحط الماء+السكر+ القارص لما يغلي نضيف له الخوخ، حتى يطيب ثم نرحيه و نصفيه و نقدر نضيف له 02 علبة ياؤورت نكهة الخوخ و نضيف له لتر و نصف ماء إذا حبيناه ثقيل أو لترين إذا حبيناه خفيف، و ماننساش السكر حسب الذوق.

ملاحظة : الخوخ لازم يكون طايب مليح، و بصفة عامة باه ندير العصير لازم نخير الحبات اللي طابوا مليح باه مايجيناش حامض.
- إذا حبينا نجمدوا العصير مانديرش الياؤورت حتى ننحيه من الكونجيلاتور باه نزيد له الياؤورت.

[sisi 26]

شكرا أختي لليان ممكن وصفة الجلجلانية إن أمكن
لا تظهر صورة التطبيق

[liliane24]

المشاركة الأصلية كتبت بواسطة sisi 26

شكرا أختي لليان ممكن وصفة الجلجلانية إن أمكن

لا تظهر صورة التطبيق

شكرا أختي سيسي على التنبيه سأعيد تحميل الصورة.

قاطو الجلجلانية

- رطل كاوكاو مرحي رطب " ممكن نديروه باللوز"

- 150غ سكر عادي

- كأس شاي عسل

- 100غ فرينة

- فاني

- نصف كيس خميرة كيميائية

- و نلمها بصفار البيض

نعجنها مليح و نخليها ترتاح، ثم نديرها حربوش و نقطعها سواء مثلثات أو بالطابع، ثم نمررها في بياض البيض اللي قعد لنا و نرمدها في الجلجلان و ممكن في الكاوكاو ثم ندخلها الفرن 170 من 10 إلى 15د وعند إخراجها نغطسها مباشرة في العسل.

ملاحظة : إذا درناه باللوز نرحي اللوز و نصيره ، الرطب نديره في العجينة و الأحرش نرمد فيه القاطو0

[aziza05]

mille merci

[faizarbh]

اختي ميميشا حبيت انسقسيك على فلون البرتقال هاديك الكراميل انخلطوها مع الخليط ولا انديروها في القوالب من التحت ما فهمتش ممكن اتوضحيلي