مساعدة في توزيعات الاطفال في الاعراس

[houda rah]

مرحبا اخواتي

حابة افكار من عدكم في توزيعات للاطفال. لعرس عندنا. تكون غير مكلفة وحلوة ياريت تعاونوني
مشكورات

[RYMOU2011]

السلام عليكم أختي ممكن تعملي بنيون كل الأطفال يحبوه مع حلوى المورانغ مع شوية حلوة مشرية أو شوكولا اذا قدرتي ممكن تزيدي لعبة صغيرةتحطي الكل في اكياس صغيرة مزينة راهي كاين كل الأنواع. ان ساء الله نكون عطيتك فكرة و ربي يقدرك وتفرحي الأولاد الصغار.

[سؤدد الجنة]

السلام عليكم
ممكن تستعملي شيبس هذا اكيد يحبوه الأولاد أشري ساشي كبيرة فيها ساشيات صغاار من عند بائع الجملة تكفيكم ان شاء الله

تقدري تخيري بين شوينغوم الميرانق وحلوى اكيد شوكولا كابريس
وأيضا تزيديلهم بالونات المخصصة للذراري الى ننفخوها كل واحد كيفاه يسميها
فقط نصيحة أشري من عند بائع الجملة ثمة تقدري تشوفي الأسعار وثمة تقرري
ربي يكمل فرحكم وتفرحو الأولاد الصغار يستاهلو وربي يجازيكم

[houda rah]

المشاركة الأصلية كتبت بواسطة سؤدد الجنة

السلام عليكم
ممكن تستعملي شيبس هذا اكيد يحبوه الأولاد أشري ساشي كبيرة فيها ساشيات صغاار من عند بائع الجملة تكفيكم ان شاء الله

تقدري تخيري بين شوينغوم الميرانق وحلوى اكيد شوكولا كابريس
وأيضا تزيديلهم بالونات المخصصة للذراري الى ننفخوها كل واحد كيفاه يسميها
فقط نصيحة أشري من عند بائع الجملة ثمة تقدري تشوفي الأسعار وثمة تقرري
ربي يكمل فرحكم وتفرحو الأولاد الصغار يستاهلو وربي يجازيكم

شكرا الشيبس فكرة رائعة. شكرا على الاهتمام والاجابة

[houda rah]

المشاركة الأصلية كتبت بواسطة rymou2011

السلام عليكم أختي ممكن تعملي بنيون كل الأطفال يحبوه مع حلوى المورانغ مع شوية حلوة مشرية أو شوكولا اذا قدرتي ممكن تزيدي لعبة صغيرةتحطي الكل في اكياس صغيرة مزينة راهي كاين كل الأنواع. ان ساء الله نكون عطيتك فكرة و ربي يقدرك وتفرحي الأولاد الصغار.

شكرا ربي يخليك افكار حلوة

[ام اولادي]

اختي حنا في عرس خويا درنا سشيات اللي يبيعو فيهم البوب كورن حطينا فيهم فلاش و شكولا نتاع الف فرانك و حبة حلوى و حبة شوينغوم والله فرحو بيها لولاد بزاف

[soulef-92]

حنا في عراسنا يديرولهم قاطو الي يتباع اسمو مون قوتي يجي بشيكولا ومعاه شوينقوم+ حلوة+ كوكاو يفرحو بيهم صغار حالة ولا تزيدي نبولة لداخل ينفخوها ويفرحو بيها وانتم ومقدوركم

[houda rah]

بارك الله فيكن. حنوناتي ربي يخليكم ليا.

[راضية بالقضاءو القدر]

في احد الاعراس حضرتو مدو للاولاد العاب و للبنات اشياء لتزيين الشعر كيكينات ......الخ و كاين الي يمدو شيبس كوجاك.....

[أم أحمد عبد الصمد]

حبيبتي ربي يكمل فرحتكم ، فقط أنصحك تفادي وضع البالونات أو ما تسمى نسافات كاين طفل مات بسببها جا ينسفها صرطها بعدما نقلوه للمستشفى لإجراء العملية مات الله يرحمه لازم نكون حذرين جدا بمثل هذه الأشياء

[zaklam]

السلام عليكم
أول شيئ مبروك عرسكم
هذا ميثال على حلوة عرس لصديقتي أم منذر

حلوة العصافير بعجينة الطابع
المقادير

• فرينة + كيلة سكر + كيلة زيت+ كيلة بيض + كيلة مايزينة+ زاست قارص + فاني + 1 كيس خميرة كيميائية.
  
• للتزين صفار بيضة + سكر + فارميسال الشكولا.

الطريقة

الحاجة الاولى شعلي الفور وخليه يسخن
الحاجة الثانية غربلي الفرينة 3 مرات وخليها (كل ما غربلتي الفرينة كل ما القاطو جا خفيف و بنين)

خلطي البيض مع السكر مليح ، زيديلو الزيت، الزاست و لا فاني و خلطي .
زيديلهم المايزينة و خلطي و فالأخير زيدي غربلي الفرينة مع الخميرة و حطيها حتى تتحصلي على عجينة طرية.



صنعي منها حرابيش و شكليهم كيما في الصور عصافير و لا مسايس مضفورين.




دهنيها بصفار البيض و ذري عليها السكر




دخليها للفور حتى تحمار وخرجيها

صابلي الدلاع

المقادير

·العجينة:250غ فرينة + 100غ سكر + 125غ زبدة+ 2 صفار بيض(احتفظي بالبياض) + فاني + ملون أحمر محلل في قليل جدا من الحليب .

·للتزين:بياض بيضة مضرب مع قطرات ماء زهر + نواة كوكو خضراء+ 4 قطع شكولا
ملاحظة: أنا درت نصف هاد المقادير فقط و اعطتني حوالي 20 حبة

الطريقة1.شغلي الفور 160 درجة وخليه يسخن2.غربلي الفرينة 3 مرات (كل ما غربلتي الفرينة كل ما القاطو جا خفيف و بنين)3.اخلطي قطع الزبدة مع صفارالبيض و السكر و الفانيليا جيدا حتى تبيض4.ضيفي الفرينة و الملون و اخلطي حتى الحصول على عجينة طرية





5.حليها فوق ورق الزبدة (ما ترقيهاش بزاف) ثم قطعيها الى دوائر بقطر 8 سم ثم قطعي كل دائرة الى نصفين





6.ضعيهم في صينية مفروشة بورق الزبدة و ادخليها الفرن مدة 10د أي بدون أن تغير لونها.



7.اخرجيها و اتركيها حتى تبرد جيدا (و الا سوف تتعجن اذا غمستيها و هي ساخنة) ثم اغمسي طرفها المقوس فقط في خليط بياض البيض و ماء الزهر




8.اغمسيها في جوز الهند الأخضر أو سكر ملون بالأخضر و اتركيها تنشف جيدا





9.أخيرا ضعي نقاط من الشكولاطة الذائبة فوقها لتمثل بذور الدلاع