عونوني لوجه الله تعيشوووو ويارب لترد عليا ربي يعطيلها وش تتمنى

tina123 · 2012-09-14, 14:18

سلام عليكم يا جماعة الخير
انا امي هي مريضة في هذه الفترة واعمال البيت كلها عليا وخاصة الطبخ
وانا منعررفش نطيب خلاص ورني حصلت فالكوزينة وبابا وخوتي ظلو يعيرو فيا ويقوليلي عينا من البطاقة المقلية والمفورة

تعيشو انصحوني قوليلي وش ندير اعطوني وصفات انتم دروهم تع كل يوم رني حصلت تع الصح
عونوني لوجه الله وبارك الله فيكم
وياااااااااااارب لتدر عليا يحققلها ربي وش تتمنى دنيا واخرى

tina123 · 2012-09-14, 14:28

؟؟؟؟؟؟؟؟؟؟؟؟ تعيشو تعيشو بليز

nanou_smile · 2012-09-14, 14:37

السلام عليكم

اختي ممكن تتطلعي على الاطباق الي كاينة ف المنتدى
سهلة وماتحتاجش حوايج ياسر
وزيد كاينة الطريقة تبعي برك

ربي يشفي الوالدة ان شاء الله
وربي يكون في عونك

ام ياسين187 · 2012-09-14, 14:53

كاين لوصفات تاع ام رامي هايلين و زيدي قراتان و سلايط و لا سوب حريرة ليماك إلا مريضة و ماتنجمش تاكل بزاف معجنات كل مرة نوعي باش تخلعيهم هههه و ربي يشفي الوالدة

aicha3357 · 2012-09-14, 14:54

rabi yachfilak alwalda diri atbag sahla rabi m3ak

أم سيرين1 · 2012-09-14, 15:04

السلام عليكم ورحمة الله

ربي يعاونك اختي و يشفي الوالدة قريبا يا رب و ما تخافيش الطياب ماشي حاجة صعيبة شوي شوي وتتعلمي و ترجعي طباخة ماهرة

و نضيف صوتي للاخوات في قسم الطبخ كاين بزاف وصفات هايلين ابداي باللي تجيك ساهلة ربي يكون معاك حبيبتي و يوفقك ونوصيك اذكري ربي و انتي في الكوزينة عنده سحر خاص و باذن الله نشوف وصفاتك الخاصة هنا في المنتدى

mirafou · 2012-09-14, 16:41

rabi yechfilek yemek nchallah w diri kima galoulek l akhawat keyen bzf des re7 sahline hnaya kima rawz w lbatata bijami3 wasafatiha surtt doka m3a hadok les saché ta3 roti koulech yjik saha w hadi wasfa gat3i lbatata dwawar zidi m3aha chwi felfel chwi zitoun akhdar chwi jriwat chwi zrodia w ay khodra t7abouha w mawjouda fi lcouzina gat3ihom gad gad w diri m3ahom ljej w les épices mel7 debcha zite madirich lma psk rahom yotolgou lma ta3hom lo7ihom fi saché roti wellah ji haaayla rabi y3inek 7anouna.

kakinova · 2012-09-14, 16:57

ممكن تعملي اشياء بسيطة لا تحتاج لخيرة

بطاطا مهروسة مع القليل من اللحم المقلي

بطاطا في الفرن

سباقيتي

معكرونة

شربة خضار من خضار منوعة ثم تقومي بطحنها

الغداء تعملي مرة على مرة حبوب

البيتزا

حميص مشوي مع بطاطا مقلية و كسرة سخونة

كفتة " مثوم "

amel5 · 2012-09-14, 17:39

ربي يشافي امك و يعافيها
و بالنسبة للطياب ديري حوايج يكونوا ساهلين و مايدوش حوايج بزاف باش ماتتخلطيش
ديري مثلا مقرونة و لا بطاطا في لفرن و شوفي هنا في المنتدى تلقاي وصفات كتيرة و ساهلة نتي تبعي برك
ربي معاك حبيبتي

ميمنة الجزائر · 2012-09-14, 22:17

ربي يشفي يماك
اما انتي ديري كيما قال لك هنا كاين بزااف وصفات ناجحة
ديري بلانينغ على سمانة بدلي فيه وش تحبي المهم مرة حبوب يعني حمص عدس ولوبيا
ساهلين بصلة ثوم وكمون وملح وفلفل احمر فقط تقليهم مع اطرف جاج وملعقة طماطم وثلاث ملاعق زيت وتمرقيها فقط والعدس ولا أولبيا تكوني بيتيهم قبل بيوم باه يتنفسون من داك للغدوة تمتم تطيبيهم والحمص تاني لكن تغليهم ومن بعد تلوحيهم غلبة فقط ماشي بزااف والحمص لالا لوحيه عادي وان شاء الله تكوني طباخة ماهرة
ويوم ديري فيه الخضوات تاع الموسم يعني كرمب شوفلور وراهو متنوع تلقايه عند ام رامي وإسلام اية تامي يجي يهبللل
لوبيا ماشطو يعني بدلي ومرات
العجائن تليتلي مقرونة بانواعها يعني راهم كاين انواع

ومرة روز يا في الفو ر ولا عادي ولا حبيبتي وصفات روحي لام رامي راهي عندها امقلوبة تاع المرقاز نتي بدلي ديري واش تحبي
وكاين تاني شخشوخة وكسكسي يعني كاين أصناف كثير

ومرة الي قراتا بانواعه كاين تاع البطاطا تاع الجريوات الشوفلور الي تحبي

أيضاً الي سوب عاديين خضر وتغليها وترحيها فقط مع كرافس وبصل ودبشة وجاج هذو ليماك مليح
وشربة فريك شربة حريرة وشربةالعجين يعني وعي قد ما تقدري

ورآهم هنا بزااف اخوات عندهم افكر تهبلل منهم ام رامي ام كوثر ام اسلام اية لينا 11 kaki nova ووووووو استسمح الي ما ذكرتهمش لانهم كثير هذو الي راهم في بالي الان اه مقدسية تاني الصوامعية ........الى اخره تلقاي عندهم بزااف حوايج و وما تحافيش طبقي وعلى ضمانتي لانو مجربة بزااف حوايج من عندهم

وربي يكلمك بالخير ويسهلك ويشفي لك الوالدة يارب

مسعودي خولة · 2012-09-14, 23:14

ربي يشفيلك الوالدة نشالله ديري كيما قالتلك الاخت ميمنة الجزائر ديري جدول وعلقيه في الثلاجة لمدة اسبوع الغذاء واش ديري والعشاء واش ديري واكتبي فيه الوصفات لي قالتهملك الاخت وكل ماكان عندك الوقت ارواحي للمنتدى واكتبي الوصفات وربي يكون في عونك ورانا كامل باه نعاونوك ولي تحتاجيها في اي نوع من الاطباق العجائن الحبوب الغراتان السلاطات الشوربات ...............غير امري وحنا نفذو نشالله وربي يكون في عونك ورحا تشوكي لافامي تاعك نشالله باطباقك وتصيري طباخة ماهرة باذن الله