::::::ماهو أحساســـــــــــــــك بعدما كمـــلت البكالوريــــ2014ــا:::::: - الصفحة 2

سماح 2 · 2014-06-05, 20:15

اقتباس:

المشاركة الأصلية كتبت بواسطة زَيْنَب ♥●0·˙

كلما نتفكر بلي ابي قشر البطاطا في بلاستي
نموت بالحشمة

ههههه نورمال فرحــييــــــه بمعدل ملــــيـــــــــح

sarah.be · 2014-06-05, 20:19

السلام علييييييييييييكم
اولا الحمد لله على سلامتنا فات الباك دون ضحايا ههههههههههه وثانيا الحمد لله علة نعمة الصلاة الدائمة ماشي غير وقت لباك
صراحة احساس رهييييييب واحساس بالفراغ سيرتو كي تفارقنا مع الاصدقاء وطبعا حتى وماننجحوش ماناش رايحين نتلاقاو خسارة كبييرة كانو كتر من اخوة لياااا كنت نحسب روحي نفرح كي نكمل مي الفراق كان وااعر ....اما على الاوراق مااليين الداار ومحليينها هههه مانيش عارفة كيفاه نعمر وقتي بلابيهم ونخلي بعد ايام نلمهم ونخبيهم ادا نجحت نصدقهم واذا قدر ربي ومانجحتش نقرا بيهم لعام جاي
وربي يوفقنا ويباركلنا في لي كتبناها حنا درنا لي علينا وربي يسهلنا

Rahma WIR · 2014-06-05, 20:26

اه علابالي راح نتوحش طابلتي في الليسي
وبلاستي في الدار

اليوم كي رجعت لقيت الشمبرة معمرة بورق الفلسفة
قلت خسارة ماطبعت وفي الاخير حفضت غير واحدة

واكيد ماراح نتوحش غير صحاباتي

زَيْنَب ♥●٠·˙ · 2014-06-05, 20:28

راحت العشرين فالرياضيات راحت راحت

ابتسام! · 2014-06-05, 20:28

و الله شعور لا يوصف
مالغري الخدمة ماكان ماكان
روحت للدار مصدقتش بلي خلصت
قلت لاختي اضربيني بالاك راني نام برك
و بالفعل عطاتلي كف تاع صح -_-
الشومبرا و حوايجي راهم مخلطين فوق بعضاهم غدرا نفرزهم
الكوزينة من سبتمبر مدخلتهاش توحشتها
تاع الدار قالولي كرهتينا في حاجة اسمه الباك
مساكن عندم ما عاناو معايا
و ضك رانا نستناو في النتائج ربي يجعل اللي فيه الخير

زَيْنَب ♥●٠·˙ · 2014-06-05, 20:29

اقتباس:

المشاركة الأصلية كتبت بواسطة سماح 2

ههههه نورمال فرحــييــــــه بمعدل ملــــيـــــــــح

ريحة الكتان تعيى و تبان

خديجة 90 · 2014-06-05, 20:33

بصح صح عيينا ربي يفرحنا و يفرح والدينا انا مارانيش مأمنة بللي الباك خلاص هذا باكي الثالث و زعما جايبتهم من قبل بصح هدا الباك عندو بلاصا وحدها في قلبي
غدوا ان شاء الله نلم دوزااااانييي كامل و نمدهم اخلاااااص بزاااف عليا كرهت الباك و الله مانزيد نعاودو

وائل الجزائري · 2014-06-05, 20:39

المورال 00
الفيزيا طولوها .. ما كملتش
الرياضيات ، تالمو اول مادة اساسية نمتحن فيها ما عرفتش نقسم وقتي و حكمني الضغط و شوي قلقة ، ما خدمتش فيها كيما لازم
العلوم حدث ولا حرج كنت حاط روحي خدمت ، بصح لقيت روحي ما خدمتش
باقي المواد سهلة ، تقدر تقول سهلة جدا ، متكل عليها تطلعلي المعدل
و ربي يجيب الخير

bachir94 · 2014-06-05, 22:27

ربي يوفقنا كامل المهم ديرو ربي برك قدامكم راهو مبقى والو غير الدعاء ففي الحديث المشهور أنه لايرد القدر إلا الدعاء فقد قال رسول الله صلى الله عليه وسلم : (( إن الله حيي كريم ,يستحي إذا رفع الرجل إليه يديه أن يردهما صفرا خائبتين)) وأحسن وقت للدعاء هو منتصف الليل وما تنسوش تدعولي معاكم ..