ما هي الحلول الممكن إتخاذها لتفادي جمركة سلعة ما

[amjadman]

المشاركة الأصلية كتبت بواسطة oussamab16

اذا كانت السلعة و النقود حلالية و الله غير توصلك بمشيئة الله

دون اي قيود

و انا الحمد لله على نعمته لم تجمرك اي وحدة من سلعي و ان شاء الله تبقى هكذا

النية و اخلاص و الاخوة يقومون بعملهم الله غالب اعليهم

أخي الكريم المشكلة ماهيش مشكلة نقود حلاليا ولا حرامية الله يعافينا و إياكم من المال الحرام

المشكلة هي عندما تشتري علامة تجارية كبيرة من خارج بأسعار معقولة كي تدخل هنا يقولولك خلص 50 بالمئة من سعرها الحقيق في بلادنا

و لكي تتوضح الفكرة لك أخي في الله

كنت أنوي شراء هارد ديسك من نوع :
ssd 1 Tr bt

هذا النوع في بلادنا قليل و في مدينتي نادر يعني كأنك تبحث عن كومة قش في إبرة و العكس صحيح غي باش نضحكك خويا شويا

المهم هذا النوع قليل و إذا وجدته تجد سعته صغيرة بأسعار خيالية و أنا في المواقع الغربية وجدة أسعارو معقولة حتى بالعملة الصعبة

كي نشري واحد بطريقة شرعية و يدخل للعاصمة و يقولولي خلص ربع ملاين مثلا هنا مربط الفرص

الجمارك لا تفرق لا بين المال الحرام و لا المال الحلال يعني تدخل حاجة ثمينة للبلاد يديرولعا سعرها وحدهم و حنا يا أخي في الله غي ولاد حلال

و نخافو ربي و الله لا يلاقينا بالجمارك و سياسة الجمارك و في الأخير هدفي من هذا الموضوع هو حلول قانونية و شرعية تساهم في تطوير

التجارة في بلادنا و نشر النشاط و التكنولوجيا بغيت نقولك حاجا انا من خلال مواضيع الإخوة أكرمهم الله لقيت موقع جزائري يدعم الشراء من

النت أيا كي دخلت باش نحوس على هارد دسك مالقيت والو لقيت غي لا فوتو نتاعو لا يوجد سعر و لا طريقة الدفع إلخ ........... أصبت بالحيرة


على العموم نورت أخي في الله

و مشكورين جميعا على التفاعل و الردود الطيب نسأل الله المزيد ال تطور في بلادنا لأنني حقيقة أحب بلادي أتمنى لها كل الخير


بارك الله فيكم جميعا إخوتي و جزاكم الله عنى كل خير

كما أرجو من الإخوة إقفال الموضوع لأننى قد توصولت إلى مفهوم الشراء من النت في الجزائر خلص و خليها على ربي