بالنسبة للرياضيات ، هذا ملخص رائع وضعه أنيس سنوسي :
ملخص لدرس الهندسة في الفضاء على امل افادتكم . بالتوفيق
https://k54.img-up.net/?up=img0409c1xe.jpg
https://g22.img-up.net/?up=img0414opd8.jpg
https://m50.img-up.net/?up=img042goyr7.jpg
https://c25.img-up.net/?up=img0430jh25.jpg
https://q60.img-up.net/?up=img044fefkz.jpg
https://p50.img-up.net/?up=img045t7fef.jpg
ملخص انجليزية ، هنالك ملخص لااااااااا يوجد ملخص أروع منه في الانجليزية هاهو :
https://www.djelfa.info/vb/showthread.php?t=1088165
و هذا موضوع خاص بمراجعة الانجليزية وضعته العام الماضي ، كل ما درسناه موجود في ردي الأول للموضوع دو ن أن تتعبي نفسكـ و تتصفحي كل الصفحات ......
https://www.djelfa.info/vb/showthread.php?t=1251566
هنالك وثائق مهمة جدا وضعها أنيس سنوسي الأول وطنيا هاهو الموضوع :
https://www.djelfa.info/vb/showthread.php?t=1034385
و هذا موضوع وضعته أنا فيه روابط لمواضيع مفيدة سواء وثائق أو..........
https://www.djelfa.info/vb/showthread.php?t=1322379
*-*-*-*-*-*-*
++
و هذا هو جدول المراجعة النهائية الذي كنت أتحدث عنه :
فعندما أأخذ كتاب الرياضيات مثلا و أجد وحدات متقدمة صحيح أنني قرأتها لكن لن أعرف
إن كانت صعبة، سهلة، معقدة، تتطلب وقت... كل هذا علينا معرفته فالعام الدراسي على
الأبواب و لا واحد منا يريد أن يتفاجأ
لا سهلة و لا صعبة ،
بالنسبة لتمارين البكالوريا تقريبا دائما هي نفسها في كل السنوات كما أنها تشبه تلك المنتشرة في كل الحوليات و المراجع لذا لا داعي للقلق ،
إن كنت تدرس لأجل 20 في الباك ، فعليك بالتركيييييييييييييييز أثناء الامتحان ، و فهم الدروس و حل التمارين فقطط خصوصا تمارين البكالوريا
أما إن كنت تريد علم الرياضيات و المسائل الصعبة التي تخص برنامج الرياضيات لهذه السنة فبالطبع هي صعبة و تستلزم التركيز و أنا شخصيا لم أقترب منها ،
++
ستشرعون بالترتيب ،
أولا النهايات و الاستمرارية سهلة جداا جدااااااااا ،
في الاستمرارية يتسما تقراو 2 حوايج برك و هوما نظرية القيم المتوسطة ( كلام كل مرة تعاودو ) ++ قابلية الاستمرار ( الدالة باه تعرفها قابلة للاستمرار و لا لا عندها شروط )
كاين قابلية الاستمرار عند عدد و قابلية الاستمرار في مجال معين ،
كلمة الاستمرار واش معناتها ؟؟معناتها البقاء على حاجة و لالا ؟؟
الدالة مستمرة معناتها كي تعود ترسم فيها ما تنقطعش قاع تجي خط مستمر مش مقطع
و تراجعو واش قريتو في2 ث ( نفس الحوايج برك كاين حويجات قليلة تتضاف في الدوال منها الاستمرار و حاجة أخرى في آخر السنة برك تقراوها و هي الدوال الأصلية و التكامل إذا وصلتولو ) ++ كاين الدوال الأسية و اللوغارتمية و عندها قوانينها الخاصة و يشبهو بعضهم ياسر إلا في المجال تاع كل وحدة فيهم ،كاين برك حاجة ديرها في بالك من ظرك و هي ما داخل اللوغاريتم يكون دوماا موجب ،أما الدالة الأسية لااا مش شرط يعود الأس موجب يقدر يكون سالب،
++
رايحين تقراو الأعداد المركبة ساهلة ماهلة تقدرو تخدمو فيها
++
تعاودو تقراو الهندسة الفضائية بالصح تزيدو ثان البعد الثالث 3d خخخ
++
تقراو المتتاليات تزيدو فيها حوايج خفييييييييييفة
++
إذا زدت دخلت غدا نحكيلكم شوي على العلوم
*-*-*-*-*-*-*
العلوم
لا داعي للخوف ، الدراسة كباقي السنوات ، عادية ، الحاجة الاضافية اللي تخاف منها هي التصحيييييييييح ،
تدير حسابك لل19 تجيك 13 ، تدير حسابك لل 10 تجيك 16 ،
يعني يدخل فيها الحظ و لا نقولو المكتوب ،
بالنسبة للعلوم ،
تقدر تتابع الأستاذ أبو حفص هنا، راه يعطي تمارييين راااااااائعة و كمية التمارين اللي يعطيهالكم على حساب نشاطكم ،
أنا نتذكر أنو النشاط تاع تلاميذ باك 2012 كأن أكثر من نشاطنا،
المهم ،
كاين 2 مجالات اللي تقراوهم ، الجيولوجيا دائما تحذف ،
المجال الأول تقراو فيه تركيب البروتين ،
تديرو مراجعة قبل على المعلومات الوراثية ، مقرها ، .....
و منبعد تديرو تجارب على مقر تركيب البروتين و منبعد تعرفو المراحل تاع التركيب تاعو ( الاستنساخ و الترجمة ) و تعرفو المقر تاع كل مرحلة ( الاستنساخ في النواة و الترجمة في الهيولى ) و تعرفو الشروط تاع كل مرحلة و المراحل تاعها ،
و منبعد تتعرفو على مصير البروتين هذا اللي يتركب ،( يروح من عضية لعضية و ياخذ شكل معين ، كل بروتين و عندو بنية خاصة )
و منبعد تعرفو العلاقة بين البنية تاع هذا البروتين ( الشكل تاعو ) و الوظيفة تاعو ( العمل تاعو ) ( أكيد العلاقة هي التكامل بيناتهمـــــــ)
** المثال البسيط هو المفتاح و فتحة الباب ، لوكان يعود المفتاح مكسر تقدر تفتح الباب؟ أكيد لالا لأنو ما كانش تكامل بنيوي بيناتهم ،
و منبعد تعرفو ثان أنواع البنية الفراغية للبروتين ( ببرنامج الراستوب )
كاين بروتين يعود على شكل كرة و كاين على شكل عود و كاين على شكل ( الكرة و العود ) و كاين على شكل شريط و كاين على شكل شريط سميك ..........الغ
و منبعد تقراو نماذج على البروتينات ،
تبداو بالانزيمات
منبعد بروتينات الدفاع عن الذات ( تدخلو في المناعة )
و منبعد بروتينات الاتصال العصبي ( تعاودو تراجعو أنواع المشابك ووو الأاعصاب بصفة عامة )
هذا مختصر على المجال الأول كامل،
المجال الثاني ما درسناهش مليح لأنو الإضرابات و الغيابات و كلش ، بالصح ثان ساهل ،
تعاودو التركيب الضوئي و منبعد التنفس و التخمر ،
( التخمر ما دخلش هذا العام )
*-*-*-*-*
الفلسفة و الأدب
أنا لم أفصل كثيرا اعذروني ، كانت أسوأ سنة في حياتي الدراسية هي هذه نظرا للظروف الخارجة عن الدراسة ،
كما أنني نسيت أغلب الأمور ،
++
لا داعي للخوف ،
الفلسفة سهلة جدااا و ممتعة ،
سأعطيك الطريقة التي ستجعلك تحفظ كل الدروس و من دون إرهاق ،
،،،
يآ أخي ، نتآ كي رآح تحكم المرجع مش رآيح تحفظ المقآلة كاملة ( و الدروس الله يبارك ) و منبعد في المراجعة واش رايح تدير ؟ تعود نسيتها ++ ضيعت معاها وقت ++ تزيد تضيع وقتك في المراجعة أكثر ،
،،
نتآ من بدآية السنة أحكم كرآس ( ولآ نهاية كراس الفلسفة ) و كل ما تقول الأستاذة مثال اكتبو و لا مقولة مع الفيلسوف تاعها ،
++ اشري المطويات تاع الاقوال ،
++
الفايدة و الحاصول بعد ما تجمع المصادر ( و ما تكثرش المصادر لاتحصل ، الكلام اللي تقولو الأستاذة و الكتاب المدرسي و كاش مرجع و لا ، مع هاذوك الأقوال تاع المطوية )
احكم أوراق ( هاذون الأوراق يبقاو معاك حتى للمراجعة النهائية تاع الباك مش تحفظ من ورقة و المرة اللي بعدها تعاود تكتب من جديد في ورقة )
دير عنوان الدرس ،
تحب تدير مقدمة و خاتمة زينين معاها و تحفظهم
++ دير رؤوس الأقلام تاع المعلومات اللي عندك و افهمها موسعة و أحفظها على شكل رؤوس أقلام برك
++ أحفظ الأقوال ( اللي جبدتهم من المرجع و المطوية و الأستاذة ) و أعرف وين تحطهم ،
و في الفلسفة ما كانش دروس ياسر ،
تقراو المشكلة و الاشكالية ، انطباق الفكر مع نفسه ، انطباق الفكر مع الواقع ،العلوم التجريبية ، البيولوجيا ،العلوم الانسانية و المعيارية ( ما قريناهمش )، الحياة بين التنافر و التجاذب ،
وباقي المعلومات و العناوين تجي فرعية برك ،
،،،،،،،،،،،
بالنسبة للأدب ، كان غدا الباك تاع الأدب ،
جابتلي صحبتي كتابين رائعين واحد خاص بالقواعد و واحد بالنصوص (شعر و نثر )
هو للأدبيين بالصح فيه كامل الحوايج تاعنا حنا العلميين ،
و مرتب و منظم حسب المحاور ( بالنسبة للنصوص )
حليت النصوص المحلولة شفهيا برك ، بالصح استفدتت ، نتآ اشريه من اللول و اقرا بيه أحسن ،
هذا الكتاب تاع كليك و هو صغير الحجم ( تحطو في جيبك )
و لونو أصفر و يتباعو في 2 ب 20 ألف ، يعني كل واحد منهم ب10 آلآف ،
*-*-*-*-*
الاجتماعيات :
++ هذه نصائح للاجتماعيات قدمتها لي العضوة ( صدى القوافي )العام الماضي ،، بارك الله فيها
بسم الله الرحمن الرحيم
هذه اقتراحات بسيطة لكيفية الإلمام ببرنامج التاريخ والجغرافيا بالنسبة لتلاميذ السنة النهائية تقوم على خطوات.
- التوكل على الله اولا فالنجاح بيده مع توفير أسباب النجاح من مثابرة على المراجعة....
- النجاح في امتحان الباكلوريا يقوم على الموازنة بين مختلف المواد وهي تكمل بعضها البعض فالمسألة تتطلب بعض الحسابات .
- تتكون عملية المراجعة من ملخصات الدروس – مصطلحات – مفاهيم – شخصيات- خرائط.
- ننطلق أولا إلى الملخصات تكون البداية بالتركيز على عنوان الوحدة ثم عنوان كل وضعية والربط بينها
- ننتقل إلى فهم و حفظ عناوين الوضعية ثم العناصر المكونة لها
- كل عنصر نسعى إلى مراجعته بتركيز وانتضام وبعدها أغلق الكراس وأحاول تذكر المحتوى واضعا علامات للتذكر مثال عنصر التعبئة الشعبية في وضعية العمل المسلح ورد فعل الاستعمار يكفي أن أتذكر البيان-الإعلام- مظاهرات- الهجومات - فإذا تذكرت هذه النقاط يسهل علي إكمال الباقي فالبيان يعني دور بيان أول نوفمبر 1954 في توضيح ظروف وأسباب ووسائل وأهداف الثورة التحررية فهذا نسميه التحليل... وسر على نفس المنوال في البقية
- المصطلحات والمفاهيم لاتكلف نفسك عناء حفظ الكثير من الأسطر تعلم فهم المصطلح والمفهوم من خلال ربطه بالتعريف إذا توصلت إلى ذالك فبإمكانك الإجابة عن معظم المصطلحات والمفاهيم العامة –مثال :- الأقاليم الاقتصادية لاحظ انه يتكون من كلمة اقاليم وكلمة اقتصادية فإقليم يعني رقعة جغرافية واقتصادية تعني أنشطة صناعية ، زراعية . تجارية ، مالية .يكتمل التعريف بالأمثلة –إقليم الراين ، إقليم شمال شرق الولايات المتحدة
- يكفي أن تذكر الملامح العامة للشخصية دون التفاصيل المرهقة صنف الشخصيات العالمية حسب الكتلة التي تنتمي إليها ،الدولة ،المنصب ،الأشياء التي اشتهرت بها : مثال شخصية نكيتا خرشوف يكفي أن نقول زعيم شيوعي ورئيس الاتحاد السوفياتي سابقا اشتهر بسياسة التعايش السلمي وأما الشخصيات الوطنية فالتركيز على مدى ارتباطه بالكفاح يعني ، زعيم وطني سياسي،عسكري، مجاهد ، شهيد، المنصب الذي شغله ، انجازاته...: مثال زيغود يوسف: هو من ابرز زعماء الثورة التحررية تزعم الولاية الثانية بعد استشهاد ديدوش مراد وقاد هجومات الشمال القسنطيني 20/08/1955 استشهد بعيد مؤتمر الصومام.
- تتطلب الدقة والتدرب على الخريطة بشكل مباشر
- التمثيل البياني ركز على النقاط التالية : دقة الانجاز – عنوان الرسم-المقياس –المفتاح.
- التعليق على الجدول أو الرسم البياني : حاول أن لايقل التعليق عن خمسة أو ستة اسطر متبعا الخطوات التالية:- عرف بالموضوع- لاحظ من خلال التطور – التباين – التنوع – المقارنة - ثم الاستخلاص ، استعمل النسب والأرقام في التعليق
- لاتنس المنهجية في الموضوع الثاني من كل سؤال فالمقدمة والخاتمة ضرورية للدخول إلى الموضوع ثم الخروج منه باستخلاص .فكل جزئية تعني علامة فلا تضيع علامات مجانية.
- وهذا ملخص منقول من منتدى الجلفة يساعد معالجة مواضيع الباكلوريا فادعوا لكاتبه بالخير.
- السلام عليكم ورحمة الله :
إن معالجة مواضيع التاريخ والجغرافيا وفق النظام الجديد كما هو معلوم أصبح الموضوع مكون من أربعة أجزاء :
1/- بالنسبة للجزء الأول في التاريخ والجغرافيا على حد سواء تكون الأسئلة مباشرة فهي :
- إما شرح مصطلحات ومفاهيم .
- تعريف شخصيات .
- تحديد طبيعة الأحداث .
- توقيع على خرائط وما إلى ذلك ......
ويجب الإشارة إلى أن شرح المفاهيم والمصطلحات لا يتم شرحها كمفردات في معناها الأدبي ولكن في سياقها التاريخي والجغرافي .
2/- بالنسبة للجزء الثاني :
أ- التاريخ : يكون بكتابة مقال مكون من العناصر التالية :
- مقدمـــــــــــــــــــة :........................................
......................................
......................................
- الإجابة على الأسئلة المطروحة .
- خاتمة : .................................................
لكـــــــــــــــــــــــــــن : هناك من يطرح مشكلة كتابة المقدمة والخاتمة ؟
أولا: المقدمة : تكون بكتابة بضعة أسطر تكون لها علاقة بالإشكالية المطروحة في السند وتراعي الإطارين الزماني والمكاني وهنا يجب قراءة السند المقترح جيدا قبل الشروع في معالجة الموضوع .
مثال : قدم لك سند يشير إلى الانقلاب الذي حدث على نظام الجمهورية الرابعة وأثر ذلك على مسار الثورة بعد سنة 58 وهذا في إطار الوحدة الخاصة بتاريخ الجزائر الذي نعرف أن الإطار الزماني لها 45/89
كيف ستكون المقدمة ؟ هناك بعض الطلبة يكتب مقدمة وتكون بالفعل لها علاقة بتاريخ الجزائر لكنه يقدم على ذكر بدايات الاحتلال الفرنسي 1830وأن الاستعمار تمت مواجهته من قبل الجزائريين وما إلى ذلك . فهذا يعتبر ابتعاد عن الموضوع .
لكن المفترض أن يشرع في كتابة المقدمة انطلاقا من الانقلاب الذي وقع في 13ماي 1958 وتبيان حقيقته وعلاقته بالثورة انطلاقا من قدوم الجنرال ديغول على هرم السلطة وتسخيره لكل الإمكانيات من أجل إجهاض الثورة .......
ثانيا الخاتمة : كتابة فقرة تكون على شكل استنتاج عام حول الإشكالية التي تمت مناقشتها وليست تكرارا لإجابة من الإجابات
مثال : بعد الإجابة عن الأسئلة المقدمة والتي تتحدث عن الانقلاب 13 ماي وسياسة الجنرال ديغول و ردود فعل الثورة مثلا. ماذا يمكن أن تكون الخاتمة ؟
أكيد أن الخاتمة يمكن أنتحدث فيها على فشل السياسة الديقولية في إجهاض الثورة وأن الثورة أرغمت الجمهورية الفرنسية على فتح باب المفاوضات والاعتراف بسيادة الجزائر واستقلالها......
ملاحظات هامة :
1/- يجب أن نعلم أن هذا الجزء عليه أربع نقاط
2/- الإجابة على الأسئلة وفق الترتيب المعطى .
3/ - الكتابة بخط واضح ومقروء ودون تشطيب .
4/- الاعتناء بشكل الموضوع من حيث كتابة العناوين الرئيسية والفرعية .
ب/- الجغرافيا :
في الجغرافيا يقدم في غالب الأحيان جداول فيها إحصائيات وأرقام تعكس واقعا اقتصاديا ---- صناعي ، زراعي ، تجاري... تكون متبوعة بأسئلة ...
والإجابة تكون بنفس النمط مكونة من مقدمة ، إجابة على الأسئلة ، خاتمة .
المقدمة في الجغرافيا لها خصوصية من خلال طبيعة الفقرة التي يتم كتابتها وذلك بالإشارة لطبيعة الوثيقة وموضوع الوثيقة ..... مثلا يقدم لك جدول يتحدث عن الإنتاج الزراعي في الولايات المتحدة 1997/2010
مثال:
مقدمة : الجدول عبارة عن وثيقة جغرافية اقتصادية – زراعية – تبرز تطور الإنتاج الزراعي في الولايات المتحدة بين سنتي 1997/2010 إذا تعد الولايات المتحدة من أكبر البلدان الزراعية في العالم لما تمتلكه من إمكانيات....
أما بالنسبة للخاتمة فهي استنتاج عام مثلا استخدام الولايات المتحدة للإنتاج الزراعي كوسائل ضغط ضد الدول التي تعارض السياسات الأمريكية و أداة هيمنة على بلدان العالم الثالث المتخلف........
والإجابة تكون بنفس النمط مكونة من مقدمة ، إجابة على الأسئلة ، خاتمة .
المصدر
وفقك الله لنيل العلامة الكاملة في الاجتماعيات والامتياز في البكالوريا
أما نصيحتي أنا : بالنسبة للاجتماعيات ،
اعتبر كتابي محمودي عادل الأحسن ( فيه البرنامج و زيادة ثان تقويم )
من الأحسن اشروهم في 2 و ما تحفظوش من الجهاز ،
++
الحفظ من أول ما تبداو الدروس احفظو ، ما تخلو حتى حاجة تفوتكم و إلا رايحين تندمو ندم شدييييييييد في آخر السنة يتبع بإحباط و تعب و إرهاق شديدين ،
*-*-*-*-*
الفرنسية و الانجليزية
الفرنسية كلش على النص و في الباك دايما يجيبو نص تاريخي ( مش شرط على الثورة و لا أحداثها ، ممكن يجيبولك حدث عالمي ،و لا ) و كاين النص الحجاجي ،.........الغ ، نفس الحوايج تتكرر يا أخي
برك لازم تكثر من حل المواضيع باه يعود عندك أكبر كم من المصطلحات ( اللي أغلبها تتكرر ) خاصة في النص التاريخي،
اللي رايحة نقولو أنو هذا العام على حساب فهمك للنص تجاوب إذا ما فهمتوش نتا و زهرك،
أما القواعد مراكمش رايحين تقراوها ممكن يجي سؤال و لا 2 عليها في الباك و لا ممكن ما كانش قاع ،
أما الانجليزية ،
فاليك شرح العضوة حقنة أمل :
شرح راااااااائع و كافي
المجال 1 ethics in bussines
يعني الاخلاق في التجارة وما شابه ذلك ، وبصفة خاصة نهدرو على الرشوة corruption
so it is unethical way to develope some project ,and to recieve a lot of money
سننتطرق في نفس الموضوع لقضية استغلال الاطفال من طرف مختلف الشركات ،
تتذكرين ؟ child labour
when we find billions of children who work hard for a few payment
أهم المصطلحات في هذه الوحدة :
genuine = origine = أصلي
deceive = trick = cheat = make the others believe you
financial = مالي , finance = تمويل
bribery / bribe / bribing = رشوة
counterfeit =تزوير
accounting = محاسبة
criminal = اجرامي
labour is work using hand , which is difficult
.
.
etc
المجال 2 : advertising , consumers and safety
نهدرو على الاعلانات التجارية لتمويل المنتوجات وبيعها ، وتأثير ذلك على سلامة الفرد
safety = سلامة
أهم المصطلحات
billboards = لوحات اشهارية
tax = ضريبة
rotten = decayed = فاسد
labels : information on the paper of our product
Dishes = eating habits = مأكولات
obesity = very fat = سمنة زائدة
Diabetes = داءا لسكري
energy balance = توازن طاقوي
.
.
etc
المجال 3 astronomy and the solar system
وهذا هو مجال الفضاء يا الفحلة ^ ^
نهدرو فيه على النظام الشمسي solar system
حركة الكواكب planetes و المذنبات comets
تخيلنا أنو شاء القدر واصطدم مذنب بالارض earth
satellite = قمر اصطناعي
moon = القمر
galaxy = مجرة
collision = تصادم
speed = سرعة
rocket = صاروخ
extinction of human kind = انقراض النوع البشري
orbit = مدار
.
.
etc
و هذا شرح راااااائع لملوكة :
لدينا المجال الأول :Ethics in business وفيه Ill gotten gains never prosper يبق وأن شرحت العنوان من قبل
Unit 2 Consumerism
*Safety first
و هنا تكلمنا عن مخاطر الاشهار و الاستهلاك الكبير للمواد ....وكل المواضيع التي تتعلق بالمجال
Unit 3 التي توقفت فيها العتبة Astronomy : نصوص هذا المجال تكون علمية تتحدث عن Solar system
أما بالنسبة لما قلتي دعيني أشرح لكي:
1- المجال الأول هو الأوسع بحسب رأيي , يمكن أن يتطرق لكي الى أي موضوع لا أخلاقي ,لدينا الكثير Bribe .counterfeit ...ect
1- الرشوة : وتكون
أن يرشي سياسي أشخاص بالأموال أو باقامة ولائم من اجل أن يدعموه أو يصوتو له
2- رشوة الموظف العمومي : مثلا بهدف أن يطلعه على أسرار المهنة
و الا يرشيه من أجل أن يسكتت على حقيقة عمل لا اخلاقي.... الخ
++
هنالك ملخص راااااااائع رااااااائع و قد ساعدني كثيرا كثيرا
https://dzbac.com/up/do.php?id=519
++
هذا رابط موضوعي خاص بالانجليزية : https://www.djelfa.info/vb/showthread.php?t=1251566
*-*-*-*-*
الشريعة :
بالنسبة للشريعة على حساب الاستاذ اللي يدرسكم ،
إذا كانت دروسو مليحة احفظو من الكراس
و إذا كان ما يلخصش مليح شوفو الثانويات الأخرى و إذا تقطعلكم الأمل شوفو كتاب الوافي و لا لخصو من الكتاب المدرسي مع العلم أن الكتاب المدرسي هو أحسن مرجع
*-*-*-*-*
الفيزياء :
رآيحة تكون مشووقة هذه السنة و سهلةة ،
كذلك نفس الأفكااااااااار تعاد في التمارين في كل الوحدات و لهذا اللي يعود يحل في تمارين الحوليات ( خصوصا الحوليات الوزارية ) ما يلقى حتى صعوبة يشوف الأرقام برك اللي تتبدل و الترتيب تاع التمارين مرات يتبدل ههه ،
رايحين تبداو بالكيمياء و حوايجها خخ المعايرة ....الغ ، بعض المفاهيم تزيدوها هذا ماكان ، القوانين تبقى هي هي ،
يزيدولكم حكآية السرعة برك ، سرعة التشكل تاع مادة و سرعة الاختفاء تاع مادة و سرعة التفاعل كامل و برك نوصيكم لازم يكون الرسم تاعكم دقيق ( ابرو القلم الرصاص مليح و ارسمو المنحنى في ورقة ملمترية ) و هكذاك و ما تخرجلكمش نفس النتائج تعودو متقاربين برك مثلا واحد يلقى 1.2 * 10 أس -2 و الآخر يلقى 1.5 * 10 أس 2- ، و الفرق هو 0.3
بالصح في الباك في التصحيح يعطو مجال معين و كل اللي يلقاو هاذوك النتائج و لا يقربو منها راهم صحاح ،
و منبعد تقراو التحولات النووية سهلة جدا و نفس نفس الأفكااااااار دايما تتكرر،
و منبعد تقراو الكهرباء :
فيها قسمين ، المكثفة و الوشيعة و نفس التمارين و الأفكار تقريبا تتكرر و فيها قوانين تتعلمو كيفاه تبرهنوها ،
و منبعد تقراو الأحماض و الأسس قريتوها في 2 ث و تزيدو حويجات برك ،
منبعد تدخلو للميكانيك ، ثان قوانين و طبق خصوصا الأقمار الاصطناعية سهلة جدا ، و فيها قوانين تحفظ نصوصها عن ظهر قلب و تفهم ، و فيها ترجعو ثان للحوايج اللي قريتوهم في 1 ث حركة جسم في مستوي مائل و القوى المطبقة عليه فقط كاين قانون دايما تمشو بيه بلا بيه ما تتحركش ههه ( القانون الثاني لنيوتن )
و تزيدو تقراو السقوط الحر و السقوط الشاقولي
تقراو ثان الحركة المستقيمة و الدائرية ،
و أخيرا تقراو الأسترة ( تفاعل تاع تاع حمض مع كحول و ينتج فيه استر مع ماء ) عندها قوانين برك ،
*-*-*-*-*
حاولت أن ألم بكل المواد ، ممم أما بخصوص الرياضة فستكون سهلة و من الأحسن لا تجري بسرعة كبيرة حتى لا تكملي المسافة كلها اجري بشكل متوسط و متوازن
موفقة غاليتي ،