كل واحد يدير روحو في بلاصتي..

مشكلتي · 2017-01-16, 16:54

السلام عليكم. جيت نكتبلكم هنا ربما نلقى لي يوريلي في هاد الحياة لي ولا كلش فيها ماشي عادي...ولا بالاك انا جيت من كوكب وحدوخر...ترددت بزاف بصح خلاص فاض الكاس...
انا خدامه و طول عمري نقول لازم نفرح والديا باش نردلهم الخير ديجا كي قراوني بزافف..
بصح واش تحسو لوكان تلقاو اعز الناس ليك لي لازم يوريلك و يخاف عليك...هو لي يبروفيتي منك...بالاك تقولو انا انانية...بصح صدقوني للان مانيش واعية و مانبش حابه نامن واش راهو يصري..للعلم متزوجة و ام..و علابالكم الضروف و الاولاد..انا و باباهم منلبسوش مليح غير باش نعيشو ولادنا مليح..مالغري في زوج خدامين..بصح وليت نمد للام تاعب باه نفىحها بصح لوكان تطلب مني كامل شهريتي ليها والله منردها..بصح علاش تدي مني و تمد لاختي المتزوجه الاخرى...اختي متزوجه و راجلها خدام..لوكان محتاجه نمدلها بصح المشكل راجلها يشح باه يدير الدار و ميمدلهاش بويسك هي غير تاع ماكياج و لبسه...و امي تمدلها من عندي...هي مقرات متعبت روحها..مانيشةغايره..والله واش درتلها ربي عالم بيه..بصح غايضيني دراهمي..والله مرات نحهم من المصروف و مرات نكملو الشهر بالدين..غير باش نفرح امي...هي تمدهم لاختي باش تبيض سنيها....و انا الجايحه مانيش ديره حتى سكنه لولادي..دراهمي يجو يرحو...معرفتش..جيت بين نارين..المشكل امي عمرها متقولي لا عندي متمديليش..ولا ترايي عليا كيما الامهات و تقولي سقمي دارك و ديري حاجه بدراهمك...والو...لي نمدها كامل قليله...اختي تجيبلها قرعه جو كي تجي ضيفه تنوض تزعف عليها و تقولها متحيبيليش رانا الحمد لله..راجلك قليل و راهو يدير في الدار...يعجبك قدامي تقول هكدا...نبقى حايره...نقول و انا علاش عمرها متنصحني؟ نار في قلبي نار....تمنيت لوكان قاع مقريتش بالاك امي تولي تحسن عوني...والله مابيا الدراهم...بيا وليت في دارنا حاسه بالغربه...وليت نحس انا جايحه بوبسك نحب لخير لدارنا...و هي شاطره تعرف واش تخرج و واش تخبي....و انا لوكان نخبي نحس بلي خدعت دارنا....واش ندير....

~~خالد عنابي2~~ · 2017-01-16, 22:46

حتى شرعا لا يجوز للام او حتى الاب -ما بالك الام- ان ياخذ من مال احد ابنائه ويعطي للاخر
ونقصي المصروف لي تمديه لامك وكي تزعف كاين الحيوط عادي وكاين الدوليبران وادوية الضغط والخ والجزائر ما اكثر الاطباء فيها والحمد لله

اما بالنسبة للخير لي داراتو فيك فهذه سنة الحياة حتى هي والديها دارو فيها الخير وحتى انتي تديري الخير في اولادك وكون نبقاو نخممو بعقلية رد الدين راهي ماتفراش خلاص
رد الجميل يكون بالمعروف وليس بالنهب الممنهج والتفريق في المعاملة بين الابناء

محمد1482 · 2017-01-17, 19:24

انت خصصي لامك مكتوب من شهريتك و هي الله يسهل عليها تمدهم لاختك و لا تديهم لنفسها
و باقي الشهرية خليها لاولادك و لنفسك

زهرة الريف* · 2017-01-17, 21:17

يااختي اذا راك تمدي لأمك الدراهم عن طيب خاطر مدي وانساي وهي حرة واش دير بهم تخبيهم تصدقهم وإن شاءالله يباركلك ربي ويضاعف رزقك

om nour elyagine · 2017-01-17, 22:10

امك ثم امك ثم امك
انت ومالك لابيك

*أم كوثر* · 2017-01-18, 15:57

السلام عليكم
لما حطيت روحي في بلاصتك كما طلبتي:
مانزيد نمد حتى فرنك من دراهمي ....نشوف ماما وش خصها وكل مرة انا نشريلها عوض ما نمدهملها دراهم وهي تمدهم
يخي باباك حي؟ مكيش ملزومة بيها وهذا لي ديري فيه ماهو الا رد للجميل ومش شرط يكون بالدراهم المهم تهديها وتتفكريها كل مرة
راي شخصي

زبدة ذايبة · 2017-01-18, 19:18

كيفاش عرفتي راه تمد لاختك المتزوجة ؟؟؟؟؟؟؟

لازم تتأكدي من هذا الموضوع، لأنه ماشي ساهل

وإذا عرفتي صح هذا الشي سقسيها قلها : فلانة ( أختك) عندها مشكلة مادية ولا كاش دين عندها راني عرفت راكي تعطيلها الدراهم اللي نمدلك

راح تشوفي وش رد الأم

وإذا كان ماكاين حتى مشكلة عند اختك قوليلها : أنا نحب نرضيك وقد ما نديرلك قليل مع اني مارانيش لاحقة أنا نخدم وفلان (زوجك) يخدم ومالحقناش

بطريقة ظريفة ومؤدبة

لازم تتحاوري مع امك وتفهميها وتفهمك

المال يولي مايجوزش لوكان الإنسان مايعطيهش بطيب نفس

لازم تكون نفسك راضية كي تكوني تمدي ليماك ولا لأي شخص آخر

لو كان ماتكونيش حابة هذاك المال اللي تمديه ماعندو حتى معنى

لازم تهدري معاها. وهذا مايعنيش ماتعطيلهاش

أو اشريلها بمقدرا المال حاجات ( ملابس، ذهب.....) خير من تعطيلها نقدا بما أنها تمد فيه لأختك المتزوجة وماراكيش مسؤولة تعيشيها هي وراجلها

ربي يوفقك ويهديك ويسرلك أمرك

imiouss · 2017-01-18, 21:37

منزيدش نمدلها نورمار نقولها سامحيني انا تاني رايحة مدير الدار و لكان احتجت كسوة ولا دواء قوليلي

عثمان الجزائري. · 2017-01-18, 21:50

كثيرا ما أسمع بهكذا حالات و السبب يعود أحيانا لعدم عمل الأخت أو إذا كانت هي البنت الصغرى أو إذا كانت كثيرة الشكوى و التستات و هذه الحالات كلها مرت علي، أولا هل لديك إخوة ذكور؟ لماذا تعطيها المال هل الوالد لا يعمل؟ لا تكلفي نفسك أكثر من طاقتك، قولي للوالدة إذا إحتاجت شيئ تخبرك و حاولي شراء الأشياء خير من تعطيها صوارد لأن الأم في هذا السن لا تحتاج لشيئ غير الأكل و اللباس، و صية أخيرة المال يروح و يرجع أما الوقت الجميل مع الأم إذا راح لا يعوض إسئلي من فقد أمه و سيقول لك أتمنى أن ترجع و خلي دير فيا واش تحب....ربي يرحم والدينا أجمعين

روح المي · 2017-01-19, 10:59

السلام عليكم أختي
لو كنت مكانك لكنت أشتري لأمي بتلك النقود ماتحتاجه فقط وأقد لها مبلغ رمزي تشتري به فواكه او حلوى ومن الأحسن أن اشتري لها هذه ايضا ...هناك نقطة يخطأ بها الأهل يظنون ان العاملة لديها بنك مفتوح أنت فهميها ماماتك اذا طلباتك في حاجة كبيرة قلها راهي ظروف ماش مليحة واذا لم تصارحي امك من تصارحي ؟
وربي يهدينا اما دائما انسان الذي لا يشكو يقال انه بالف خير

ruki · 2017-01-20, 15:49

لو كنت مكانك...مثل ماقالو الاخوات ...نشريلها واش تحتاج ومانمدهوملهاش دراهم ...
يااما نشريلها وحدي والانخرجها معايا وهي تخير...
اما باه تشفقي على جال المستقبل وتشدي الحزام وفي الاخير تديهم اختك تمكيج بيهم فهنا لا والف لا ...هذا يعد تبذير ...
وانت ايضا اختي بيني لاهلك حقيقة انك تتعبي وتشقاي وماش لاحقة...
ربي يوفقك ويعينك على بر والدتك.

الاريام · 2017-01-20, 16:00

اقتباس:

المشاركة الأصلية كتبت بواسطة مشكلتي

السلام عليكم. جيت نكتبلكم هنا ربما نلقى لي يوريلي في هاد الحياة لي ولا كلش فيها ماشي عادي...ولا بالاك انا جيت من كوكب وحدوخر...ترددت بزاف بصح خلاص فاض الكاس...
انا خدامه و طول عمري نقول لازم نفرح والديا باش نردلهم الخير ديجا كي قراوني بزافف..
بصح واش تحسو لوكان تلقاو اعز الناس ليك لي لازم يوريلك و يخاف عليك...هو لي يبروفيتي منك...بالاك تقولو انا انانية...بصح صدقوني للان مانيش واعية و مانبش حابه نامن واش راهو يصري..للعلم متزوجة و ام..و علابالكم الضروف و الاولاد..انا و باباهم منلبسوش مليح غير باش نعيشو ولادنا مليح..مالغري في زوج خدامين..بصح وليت نمد للام تاعب باه نفىحها بصح لوكان تطلب مني كامل شهريتي ليها والله منردها..بصح علاش تدي مني و تمد لاختي المتزوجه الاخرى...اختي متزوجه و راجلها خدام..لوكان محتاجه نمدلها بصح المشكل راجلها يشح باه يدير الدار و ميمدلهاش بويسك هي غير تاع ماكياج و لبسه...و امي تمدلها من عندي...هي مقرات متعبت روحها..مانيشةغايره..والله واش درتلها ربي عالم بيه..بصح غايضيني دراهمي..والله مرات نحهم من المصروف و مرات نكملو الشهر بالدين..غير باش نفرح امي...هي تمدهم لاختي باش تبيض سنيها....و انا الجايحه مانيش ديره حتى سكنه لولادي..دراهمي يجو يرحو...معرفتش..جيت بين نارين..المشكل امي عمرها متقولي لا عندي متمديليش..ولا ترايي عليا كيما الامهات و تقولي سقمي دارك و ديري حاجه بدراهمك...والو...لي نمدها كامل قليله...اختي تجيبلها قرعه جو كي تجي ضيفه تنوض تزعف عليها و تقولها متحيبيليش رانا الحمد لله..راجلك قليل و راهو يدير في الدار...يعجبك قدامي تقول هكدا...نبقى حايره...نقول و انا علاش عمرها متنصحني؟ نار في قلبي نار....تمنيت لوكان قاع مقريتش بالاك امي تولي تحسن عوني...والله مابيا الدراهم...بيا وليت في دارنا حاسه بالغربه...وليت نحس انا جايحه بوبسك نحب لخير لدارنا...و هي شاطره تعرف واش تخرج و واش تخبي....و انا لوكان نخبي نحس بلي خدعت دارنا....واش ندير....

الحل قلتيه بفمك ما تزيديش تمديلها خلاص و قوليلها اسمحيلس مخنوقة حتى تخطيك و كل الي ديريه هو هدايا او اكل فقط لكن نقود ما تمديش لانها ولفتيها تعطيها صارت تشوفو واجب عليك و اختك ولفتها بالاك بالشكايات ولات تشوف فيك انتي عندك و كافية روحك واختك مسكينة وماعندهاش في حال انو امك عندها مايكفيها للعيش الكريم اما ان كانت مك ما عندهاش ما يكفيها للعيش الكريم واجب عليك انك تساعديها و كما قتلك باللازم فقط اكل و هدايا مثلا اللبس كالعباية والخمارات وهكذا انتي ادرى ما ينقصها و شفت نفس السوال في حصة فتوى في التلفاز فتاوي المراة و كان الجواب انه لازم ان تطمان على الابوين بان عيشهما كريم اي عادي كيما الناس فوقهاذا يعني التبذير و انت محتاج لا ممكن انك تقطع عليهم النقود و انك تسالي رجل مفتي احسن ربي يهديها و يهدينا جميعا

وردة مـن ذهـب · 2017-01-21, 07:34

تيا أختي عودي ماتمديش دراهكمك، اشري لماماك لبسة و ماكلة ديراكت هكذا باش ماتمدهم لحتى واحد

كنزة88 · 2017-01-21, 09:51

اول شي لازم نعرفو اذا عايلتك محتاجين او عايشين عيش كريم فاذا كان باباك خدام ولباس بيه انت مش ملزمة انك تمدي دراهمك اما اذا حسيتيها ناقصة حاجة فالاولى انك تسقسيها وش حابة ونت لي تجيبيلها مش تمدي دراهمك . واذا قلت حابا ندير الرد لوالديا خممي ثاني شوي في ولادك ختك تبني في ديارها وراجلها لباس بيه ويخمم فالمستقبل تاع ولادو نت لازم تخممي في مستقبلهم وفي روحك نت ثاني . وكيما قالو الاخوة حاولي انك تساعديها في حدود المعقول وتشريلها وش تحتاج مش تمدي دراهم .

ansari halim · 2017-01-21, 10:01

انصح اخواني بعدم الفتوى بغير علم؟؟؟؟؟؟؟؟؟؟؟؟؟؟؟؟
اقول للاخت انت ومالم لامك ولابيك وادا درتي الخير ماتقوليهش فالاخرة خير وابقى الواااااااااااااااااااااااااااااالدين تعطيهم الملايير ماترديش زحمة من زحمات الولادة والله المستعان