مشكلتي

[مشكلتي]

السلام عليكم اخوتي الكرام
مشكلتي هي انا شاب عمري 29 سنة و عدي خطيبتي خطبتها من حوالي عام ونص ومشكلتي هيا يجماعة الخير تقدرت الظروف ودرت اكسيدون بي اللوطو تقصت في رجلي يمنا دخلت لي سبيطار قعدت 3 اشهر درولي بروش في رجلي عنيت شويا مي الواحد يحمد رربي على كل حال الحمدلله كي برييت شويا وليت نمشي ونضلع المشكل في بنت لي كنت خاطبها قبل مان ندير اكسيدون كنت معاها مليح حاجة ملحقتها مني وكنت قليل ما نحكي معاها في التيلفون منين داك نحكي معاها مرة مرتين في الشهر المهم وكنت حاجة متخصها معايا من كلشي تحتاج نبعثهلها مع يما نهارات لي كنت فيهم في السبيطار وسمعت بي الاصابة تلفون مهزتوش وعيطت وقاتلي وش خبارك انا قلت بلاك حشمانة ولا شيئ لخاطر قليلش ون نحكيو تلفون كلمتها والو تكوبي ونهارت غلقاتو كاع مي هيا الوقت الاخير حسيتها تبدلت معايا بزاف والتصرفات ديالها تبدلت ياسر ياسر منيش عارف علاش لحتان جاني تلفون تاعها وهدا لي قاصني بلبزاف قاتلي بي هادي العبارة ياولد الناس انا منيش نحوس على واحد عايب دير مزية كل واحد يشوف طريقو لاحولاولاقوة الا بي الله تبهرت كي قاتهالي تشوكيت يجماعة الخير شوفو وين راهي لاحقت بيها كي تبلسيت من رجلي وبريت الحمدلله قاتلي راك عايب تبهرت و مقدرتش نستوعب وش قاتلي لدوكا كما كان الحال بينها وبين مولاها غدوة من داك هزيت يما وقاتلي غير الخير قتلها مكان والو مي قتلها منيش باغي نشد بنت الناس معايا خليها تشوف مكتوبها انا مزالني مريض ومبريتش شويا من الاصابة مطول من ناحية المادة محبيتش نقول ليما بي الحكاية وتسترت على وش قاتلي على كل حال الله يجيبلها ولد حلال ويهنيها وربي يسامحها وربي يهدينا اجمعين اسمحولي على الاطالة

[فارس الجزائري]

وعليكم السلام ورحمة الله تعالى ويركاته

خيرا إن شاء الله

أولا نتمنى لك الشفاء العاجل وقل لن يصبنا إلا مكتب الله لنا والحمد لله أنك واعي ومؤمن بقضاء الله

وإن شاء الله ربي يعوضك خير منها لعل فيما حصل لك خير إن شاء الله

بالتوفيق إن شاء الله